Our Family, Our Stories, Our Business...

Kalau hujan, sakit hati badan

2012-01-27T10:03:00.004+08:00

Makin berumur ni makin la terasa sakit sana, sakit sini....nasib baik la umur gua ni masih ~~tua~~ muda, baru 24 tahun......warghkakakakakaka..... seingat gua dulu2, masa2 dinasour membiak dengan gembiranya, kalau gua buat kerja rumah ni, semuanya di hujung jari jak la.... bukan mau temberang la, kalau dulu2, cuci kain sampai 2 besen besar pun tiada apa2...maklum la tulang, ~~mengurat~~ urat pun masih kuat lagi.....sekarang ni, lepas cuci kain...gerenti sakit belakang.....pinggang jangan cakap la....patah jak indak....errrrr ataupun gua satu urg jak rasa begini ni.....'sigh'...

Kalau dulu, kalau masa makan, teda lada indak la bulih makan...cuba sekarang.... makan jak pedas sikit, makan jak masam sikit...berlumba2 la tu gastrik keluar.....siap ada pakej lagi tu...keluar gastrik terus indak dapat tidur 1 malam.....bukan lagi 1 malam, bermalam2 pula tu.... baru 3 series ni, kalau 5 series ni..... kalau lagi ambil pencen 60, silap hari bulan, abis gaji sebab beli lampin pakai buang...errr... ni gua ckp pasal diri sendiri ah.....jgn terasa ah kawan2....gua betul2 cakap pasal diri sendiri ni ah...

Sekarang ni asal jak hujan sikit....nahhh!!!!! Start la tu....sakit belakang la, bisa2 kaki la...kalau dulu....kalau kena hujan, indak payah mandi, lap jak tu rambut kasih kering, tukar jak baju, ok jak, kebal ni....cuba sekarang ni, baru kena hujan gerimis, terus tu badan sejuk panas....terus rasa bisa2 tulang.....belum lagi kalau kena sakit kepala....jangan cerita la...kalau sakit kepala, biar la kain 4, 5 bakul belum bercuci.....kasih biar jak tu kain......walaupun seluar dalam tinggal 1 helai jak....indak kena peduli tu...(atau gua 1 urg jak kehabisan seluar dalam ni)...hahahahhaha.....

Begitu la hidup ni kan, masa muda bukan main lagi kita kuat....kadang2 selesema pun segan2 mau singgah...sekarang ni jangankan selesema....gastrik pun rajin melawat..... padahal kalau dulu......cuma makan sekali sehari lagi tu....bukan tiada makanan, diet kunun...sekarang ni, pantang nampak, apa pun mau dimakan, tapi gastrik singgah jugak.....begitu la kalau ~~tua~~ muda remaja...kaannnnnnn.......<-- tangan dibahu, mata ke atas...kadang2 kunun2 mau try makan sekali sehari jak kunun, mau pegi dinner ni....supaya baju yg mau dipakai muat kunun...sekali tinguk, masa dinner tu, berketar2 bah tangan macam urang kena parkinson, telampau lapar....warghkakakkakaka.....dasar indak sedar diri bah kan...

Nasib baik la, minggu ni sekolah cuma 2 hari, kerja cuma 3 hari, jadi bermakna, kurang sikit la kain baju mau dihantar di dobi....lebih2 lagi cuaca indak menentu ni....bila la kain mau kering kan....kalau kain/baju rumah tu ok sikit, sumbat jak dalam washing machine, pandai2 la tu machine kasih cuci...TAPI!!!! kalau baju sekolah anak gua kasih masuk dalam machine, silap hari bulan, tu washing machine, jalan kaki bah, pindah balik pg kedai......indak sanggup cuci baju sekolah anak gua, lebih2 lagi di hujung lengan sama di siku tu.... kalah urang kerja kurik parit bah........ ~~setiap kali berus baju sekolah, setiap kali tu juga berdoa, sambil minta tambah nyawa~~. Lepas cuci baju sekolah, mesti rasa tu siku mau tercabut dari badan.....'sigh'...

Nasib baik la hari ni hari lima, kejap lagi bulih sudah pulang ni...ehem...padahal baru jam 3.20 (masa cerita ni ditaip)...... hahahahaha......gua sudah pasang niat awal2 ni....malam ni gua indak mau masak, sebab ni malam anak sama laki gua pegi CNY open house, gua indak ikut sebab gua mau guling2 atas katil dulu...kalau lapar, bukan susah, stok megi kan banyak....warghkakakakaka.....itu pun kalau rajin, kalau ~~malas~~ rajin sikit, buat milo cecah biskut...abis cerita.....

Sekian sahaja cerita yang ditulis untuk hari ini. Semoga cuti hujung minggu anda berjalan mengikut seperti yang dirancangkan.....<--- kagum ni kalau cikgu BM gua nampak ayat gua ni.....hahahahahaha...

Sebelum gua akhiri tulisan gua petang ni...sila la jamu mata gua dengan gambar di bawah ni......saja2 untuk lawak jenaka, kalau indak lucu...sila langgan estro channel 132.....<--- padahal kalau tinguk lawak jenaka drng pun bukannya lucu pun....

'>.

Puan Saiman 'signning off'....

Adegan Pagi...

2012-01-26T07:41:00.003+08:00

Pagi ni adalah pagi yang bikin gergitan.....bukan sikit2 punya gergitan....kalau indak tahan sabar, adalah urang tu kena cubit...

Bangun jak pagi ni, anak gua sudah buat perangai...betul2 bikin gua laki bini hilang sabar...tau la kan 2,3 hari lepas demam, tapi sebenarnya ok sudah pun....demam pun ok sudah..... tapi entah kenapa pula pagi ni tiba2 indak mau pegi sekolah...kalau mau main singa indak apa jugak....hahahahahahahaha......

Punya la liat mau di kasih mandi...siap nangis2 lagi tu indak mau pegi sekolah......masa ni la, baru gua teringat kalau ada urang gaji kan best..... hahahhahhahaha....sana mau kasih sedia breakfast dia, sana jugak la gua pujuk2 dia, sampaikan laki gua pegi ambil hanger kunun mau pukul...tapi skill laki gua tu.....huh!!!!! Siput pun bulih guling2 ketawa bah nampak dia.....tu anak apa lagi, bila nampak bapa dia marah, baru mau mandi, tu pun siap berdrama lagi tu.......kin panas!!!!

Sesudah pujuk2, akhirnya baru mau pegi sekolah....tapi siap cakap sama bapa dia lagi tu...

' ari ni jak abang pegi sekolah, bisuk abang mau cuti...'

Amboiiiii...!!!!! Banyak ~~cantik~~ ensem muka...siap bulih buat permintaan khas lagi tu....... apalagi si papa ni....mengiyakan la saja...nanti bisuk pagi, kalau dia indak bulih pujuk2 tu anak mau pegi sekolah, last2 gua juga yang urus......

Anak gua ni memang ini la satu penyakit dia.....asal jak sudah cuti lama sikit, hari pertama turun sekolah, mmg segala jin2 ~~jahat~~ malas memang la bertandang di badan..... ni lagi ni, cuma hari ni sama bisuk jak sekolah ni....nah!!!! lagi la tu.....Sudah la sekolah cuma 2 hari dalam minggu ni, tuition pun teda, minggu depan baru start...jadi apalagi si kawan......bertambah la ~~kerajinan~~ kemalasan tu....

Sekarang ni jadi fikiran gua sudah, amacam la kalau betul2 bisuk dia indak mau pegi sekolah......adehhhh....... bukan apa, anak gua tu suka ikut bapa dia pegi ofis...sebab ramai ~~perempuan2 cantik~~ staff papa dia melayan dia....siap bawa pegi minum2 lagi tu...kalau gua.....minum di ofis cukup...hahahahhahahaa.....nampak tu.....mama dia ~~kedekut~~ berjimat cermat sebenarnya...maklumlah mau beli almari....hahhahahahhahahha....Kalau betul2 dia indak mau sekolah bisuk, gua mesti suruh laki gua cuti....sebab...

1) Laki gua banyaaakkkk cuti....

2) Siapa suruh tu laki yang janji...bukan dia indak tau, anak dia tu pantang dijanji kan.....kan......(baca : sila setuju ngan pendapat gua ni)

Dari awal pagi lagi sampailah sekarang ni masih lagi hujan renyai2 kan....inilah pulak masalah kalau tiada maid.....kalau ada maid indak la susah hati kain indak bercuci.... kalau ada maid, indak la susah2 hati pasal kain2 indak kering ni....

Jadi masa hujan2 renyai ni, gua pun ingin mencuci mata anda semua..... sila la jemput minum........

Puan Saiman 'signning off'.....

Update....

2012-01-20T14:57:00.003+08:00

Salam Jumaat.... ini baru la kan, 2 minggu lebih baru apdet....pura2 sibuk bah tu kan, maklum la ~~pegawai besar~~ kuli.....warghkakakakakaka.....

Bukan apa, memang sibuk bah geng, sibuk kerja <--- konon la bah tu....~~mengaku jak bah pura2 rajin~~..padahal...tetttt......

Gua ni baru habis kursus...biarlah gua panggil ni kursus kira mengira....2 hari geng pegang kalkulator, pagi ni setengahari jak, jadi sekarang ni gua 'trip2' macam ~~akauntan~~ cashier la, kenapa gua cakap cashier, sebabnya cuba bayangkan kalau tu barkod nombor barang indak bulih baca, baru tu cashier tekan tu mesin kan, cuba kalau bulih baca, kenapa la beli sadin 10 tin, 10 kali jugak dia timbak tu barkod....kenapa la indak dia tekan no 10 di mesin tu, lepas tu baru timbak tu barkod kan, jadi bila dia print di resit, 10 x sadin....ini indak sadin...sadin...sadin...sampai la 10 kali beli sadin...apalagi panjang la resit kita terima, padahal kita beli sadin jak tu...hahahahahaha.....oh ya pula...keja senang bah...main timbak2 jak bah....warghkakakakakakaka, jimat tenaga....~~isshhhhh gua ni mau cerita pasal gua pegi kursus ka atau mau cerita cashier ni~~....

Bisuk ari enam, lusa ari minggu, ari 1 sama ari 2 cuti...yahuuuu... bulih la berjalan2.....mana tau, jalan2 jak trus berdebub 1 guni duit, tapi biarlah duit tu seratus2 sekeping2 satu guni, bukannya 10 sen atau 5 sen....penat jugak kira, silap haribulan, terpaksa la gua beli mesin kira duit syiling kan......alalalala.....bikin jadi keja jugak kan...

Biarlah gua buat pengakuan...... gua mengaku la ni, bahawasanya....ketiadaan pembantu rumah telah meragut semua masa ronggengan gua laki bini....sedih kan....apa yang gua sibukkan...wah sudah semestinya yang paling penting....

1) KAIN BAJU yang belum bercuci...

2) Sudah cuci kain baju, mesti mau lipat dan strika...

3) Barang2 ~~kemas~~perhiasan dan almari mesti dilap supaya indak berhabuk, sebab gua ni ada kawan baik, cik asthma nama dia...

4) Lantai mesti bersapu dan bervakum...

5) Kipas kena lap, tapi ini tipu la kalau seminggu sekali, tapi gua buat sebulan sekali....sila percaya.....

5) Tidak termasuk masak segala masakan yang sedap ~~macam di restoren~~...

Ok, bersambung di lain masa sebab gua mau pulang sudah...dan sebagai pencuci mata anda, dipersembahkan gambar anak gua......

Yang sedang 'berkumus' di bawah selimut di hotel sebab kesejukan...

Sekian,

Puan Saiman 'signning off'...

Hari Pertama Sekolah dan tiada maid..

2012-01-04T10:01:00.003+08:00

Selepas 7 minggu bercuti, disulami dengan tidur dan bangun lambat, maka hari ni bermula la sesi membangunkan anak di awal2 pagi. Memandangkan anak gua sudah tidur bersendirian aka tidur di bilik sendiri...ehemmm 'wink'..(akhirnya berani sudah dia tidur sendiri, sesudah dipuji setinggi bintang2 di langit di waktu malam.....hahaha.....) Pagi ni gua bangun jam 5....paling awal kunun, padahal bila gua pegi belakang rumah mau mesin kain, gua dengar sudah jiran2 gua memasak <-- uisshhh rajinnya drng memasak di awal2 pagi ni, kalau harap gua....jgn harapkan apa2 ya kawan2.... Nasib baik anak gua indak berapa cerewet kalau breakfast, lebih2 lagi kalau awal pagi...paling2 pun dia minta susu fresh milk panas sama 1 atau 2 keping oreo....<--- fuhhh...selamat mama dia...hahahahahhahaa.....macam masa cuti sekolah hari tu, gua tanya la dia kalau2 dia mau makan koko krunch utk breakfast, bulih2 dia jawab...

'indak mau, macam 2 tahun sdh abang breakfast koko krunch kalau pg sekolah...' Tu laki apa lagi, ketawa2 sambil tinguk gua....elehhh ketawa sindir kali tu kan...<--- gua peduli apa!!!!! Selagi almari indak kena kasih beli, selagi tu la gua buat derkkk jak...!!!!

Bila gua selesai siapkan fresh milk panas dan orea 2 keping, gua pun kasih bangun la anak gua tu (sambil2 gua kasih bangun sambil2 tangan gua strika baju sekolah)...ya...ya...kamurang indak salah baca, baru pagi ni la gua strika baju sekolah....rajin kan...pakal jak pagi ni sudah start sekolah, kalau bisuk pagi sekolah maka bisuk pagi juga la gua strika....hahahahahaha....adehhhhh...... Tidak dilupakan juga, baru pagi ni jugak la gua isi botol air anak gua.... !!!kalau ada maid kan bagus!!!

Lepas lite breakfast, barulah anak gua pegi sekolah, jalan jak anak gua, apalagi, bersilat lagi gua, kasih kemas tempat makan anak gua, takut semut geng...klu tu laki kena gigit indak apa juga, tapi kalau anak gua atau gua kena gigit semut...habis kulit gua yang halus mulus ni, kalau laki gua kena gigit semut ok sikit, sebab kulit laki gua tu kebal, kalau kena gigit semut, kulit dia buat derrk jak, cuba kalau gua atau anak gua kena gigit, terus tu kulit benjol2...bikin malu betul.... Kalau ada maid kan bagus!!!!!

Pagi ni gua jemur kain. Penuh jemuran gua dari belakang rumah sampailah depan rumah. Sekarang ni balik2 gua tinguk jendela errr jendela ofis la, kejap panas kejap mendung, lepas tu panas balik...tapi panas tu pun macam indak panas juga...adehhh...harap2 sempat la gua balik ni....kalau indak sempat, abis la kain baju tu.....Kalau ada maid kan bagus!!!!!

Lepas angkat kain, satu hal lagi mau melipat.... betul la laki gua bilang, buat kerja rumah ni mengambil masa yang lamaaa dan sentiasa berterusan....jadi hujung minggu adalah masa bersama keluarga....tapi sejak tiada maid ni, hujung minggu gua dihabiskan dengan membersihkan rumah dll. Memang gua ada ambil 'cleaner' untuk bersihkan rumah, tapi dia cuma datang sehari dalam seminggu, jadi kalau dia buat kerja hari minggu, dari pagi sampai ke petang, pun belum siap2 buat kerja, sebab pergerakan tu 'slow' betul. Gua rasa, gua sudah buat 2 kerja, cleaner ni, 2 kerja pun belum siap...adehhh... dalam perhatian gua, bayangkan cleaner ni datang jam 9.00 pagi balik jam 5.00 petang, dia cuma dapat bersihkan rumah (lap barang perhiasan, sapu dan mop lantai....indak termasuk lap cermin dan kipas)dan cuma dapat lipat kain. Pernah kain baju untuk seminggu dia strika dan kain seminggu utk dilipat, jam 8 malam baru dia siap, itu pun laki sama anak dia balik2 telefon jam berapa mau balik *pingsan*...bila dia kasih bersih rumah, gua anak beranak pun pg la beronggeng, tapi jadi kerja gua lagi menunggu dia kol, minta hantar pulang..... itulah kenapa gua strika baju sama lipat kain, supaya cleaner tu bulih lagi lap cermin....sapu dan cuci lantai 'porch' kereta.... gua sangka gua jak perasan rupanya tu laki sama anak pun perasan jugak.....Kalau ada full time maid ni pun bagus jugak kan!!!!

Mungkin juga gua masih sakit hati lagi sama x-maid gua yang baru berhenti tu, tu yang hati gua masih lagi indak mau ambil full time maid.....tapi yang paling terbayang2 di mata gua, bila gua pulang secara tiba2, jam 9.00 pagi, bulih2 tu maid limpang2 depan tv...padahal banyak lagi kerja di dapur belum siap.... dan bila anak gua tanya dia kenapa tinguk tv jam 2 petang...bulih2 dia jawab anak gua, dia pun mau rehat jugak....indakkan rehat dari pagi sampai petang kan ( ok ini gua masih ok lagi).....tapi sebenarnya ada yang membuatkan gua lebih 'trauma'.... orang cakap 'masa akan memulihkan kita'...mungkin betul, tapi ianya mengambil masa kan....<--- sekali tinguk, bisuk2 ada sudah bah maid, sebab indak tahan buat keja...hahahahaa

Tapi apa yang pasti, memang betul orang2 cakap, dan gua sendiri pun sudah mengalaminya...kalau kita ada maid, jangan sesekali bagi muka, sekali kita bagi muka, mula2 drng minta paha, lama kelamaan kepala kita durang pijak. Sekali durang minta cuti (yang bukan pada hari cuti) kita bagi, nah!!! Malar la tu balik2 minta cuti....jumpa keluarga dari kampung la, si anu punya keluarga meninggal la, mau telefon kampung la, mau kirim duit pg kampung la, sib baik tu maid indak bilang dia mau antar mayat dia balik kampung...kin panas!!!!! Kadang2 kita sebagai majikan ni, kesian juga dengar kesusahan drng di kampung, maka kitapun mati2an la menolong kunun...iya la mau membantu sesama manusia kunun, tapi di belakang kita abis bah kena kasih buruk, macam tu x-maid gua, dia mengadu sama keluarga di tempat dia bermalam hujung minggu, kunun2 gua marah dia 'kau2'.... sebab dia lupa beli tong gas. Macam mana la gua indak 'tegur' dia, gua ada 2 tong gas, bila sudah habis 1, 1 lagi dipakai..jadi yg habis tu, beli la kan, bukan susah, tunggu jak tu 'om' honk2...duit pun gua sudah sediakan atas meja...tapi dia bilang dia lupa.....bukan lupa..tttiiiinnnnggguuuukkkk tv jak...apa indak semua hal pun dia lupa, itu dia ingat gua marah, tapi yang dia kasih patah paip (sebab lesung batu jatuh atas paip di dapur <--- gua sdh cakap sama dia, jgn letak tu lesung batu di atas paip tu, pun dia indak dengar....satu sen gua indak minta ganti, itu indak pula dia cakap.... betul2 la punya maid..indak sedar diri betul...<--- sebab ini la gua indak mau ada maid, kalau ingat2 gaya2 drng ni...

Sudah 6 bulan gua tiada maid, skrg ni barulah gua bersedia mau cerita......Bayangkan, selama 5 tahun maid gua ni keja sama gua, semua keperluan harian dia, gua kasih supplied (nampak past tense - mesti lecturer English gua kagum sama gua ni...hahahahahaha), gaji maid gua RM500, kalau dia indak pulang cuti mingguan, gua akan bagi dia xtra 25 ringgit sehari, klu sebulan 2 kali sdh RM50. Memandangkan anak adik gua ikut gua balik setiap waktu persekolahan, gua akan tambah lagi RM50, adik gua juga akan bagi dia RM50. Kalau gua panggil tukang rumah, kasih bersih pancuran air ataupun buat renovation sikit, gua akan bagi dia RM100 paling sikit. Sebab bagi gua, itu bukan dalam tugas kerja dia. Dengan duit tu la dia dapat beli tanah kebun berekar2 di kampung, dapat beli rumah beserta tanah sekali dekat ngan pantai.... sampaikan dia dapat buat renovation rumah tu, dari 1 bilik jadi 3 bilik. Dari tandas di luar rumah, dapat buat tandas dalam rumah....siap dapat pasang paip... gua suruh lagi dia buka warung2 depan rumah dia, setiap kali kerajaan kasih bonus, pun kasih dia bonus, duit raya sama duit CNY pun gua bagi, gua ajar dia masak lauk...buat kek, buat biskut, buat minuman...last2 apa gua dapat....dapat nama BURUK!!!!. Rupanya selama ni bukan main lagi dia kutuk gua. Macam2 dia cakap pasal gua sama maid2 adik gua. Bila maid2 adik gua ni dtg rmh, kadang2 tinggal di rmh gua, barulah drng cerita sama gua sbb drng bilang apa yg kena kasih cerita jauh panggang dari api (mesti cikgu sastera kagum sama gua ni tau) . Drng pun hairan kenapa sampai begitu sekali dia kasih buruk gua... Bagus kalau gua ada hutang sama dia, ni 'sigh'...malas la gua cakap... Bukan mau mengungkit tapi inilah kenyataan dia. Bila x-maid gua baru balik cuti dari kampung 2010, dia kestau gua rumah dia siap, si buduh ni bawa la dia pg wahyun di putatan....si buduh ni suruh la dia pilih jak langsir2 yang dia berkenan...si buduh ni baik hati kunun mau kasih beli dia kain langsir, utk dia bawa plg kg...nah!!!!..palui kan....Lepas kasih beli langsir, si buduh ni bawa lagi dia pegi kedai barangan dapur yang satu baris di wahyun putatan. Kasih beli lagi segala mak nenek sudip, mangkuk, piring, parang cina, pembuka kulit buah....sudu garpu.... banyak lagi la.....apa lagi si palui ni.....kesian kunun...kasih beli..suruh la dia pilih apa jak dia mau.....Palui!!!!!! Apa gua dapat....dapat tahi!!!!!

Walaupun begitu, bukan semua maid yang gaya2 indak ketantuan ni. Ramai jgk yg ok. Macam x-maid gua yg dl2...gua no komplen.... kerja drng ok, drng berhenti pun dgn cara yg bagus. Mungkin gua indak biasa kena buat begini sebab tu la gua masih terasa. Tapi indak jugak la lawan x-maid adik gua, siap ugut mau bakar rumah parents gua....adehhh...kalau gua ingat cerita tu bikin ketawa jgk...nantilah senang2 gua kasih cerita....itu cerita lagi best, siap sampai di balai...siap mama gua minta kasih lepas la tu x-maid, kesian kunun, urg pendatang, siap mama gua pg bw makan lagi, takut kelaparan tu maid....hishhh...dari siapa la gua ikut rasa kesian sama urg lain ni ah (sambil garu2 kepala)

p/s : dia cakap gua marah dia 'kaw2' punya marah, tapi gua tegur jak sebenarnya...gua langsung indak marah...besarkan suara jauh sekali...entah la drng ni tegur salah indak tegur pun salah...sedangkan kita di ofis pun sekali sekala kena jgk kan, ni maid pula indak bulih di tegur....skrg gua pun indak tau...siapa yg palui sebenarnya!!!

p/s/s : kpd adikku Qaseeh tahniah sbb dpt maid baru...semoga serasi bersama.....

p/s/s/s : masa lunch td, tu laki balik lg sound, cari la maid...supaya gua indak penat buat kerja rumah, ari 5 mlm, blh sdh beronggeng balik, tinguk wayang.....hishhh...laki gua ni kan...mencabar sanubari betul....

Puan Saiman 'signning off'...

Tahun 2012

2012-01-03T10:35:00.003+08:00

Cerita untuk tahun 2012 ini dimulakan dengan cerita tentang pencarian maid.... oppsss...belum lagi mencari, tapi akan mencari dalam masa terdekat ini...

Ok...gua serius kali ni...hari ni memang hari 2 bersamaan dengan hari dua, iaitu 3 haribulan 1, tahun 2012....ataupun bersamaan dengan 03 Safar..... gua sekarang ni sedang mengapdet blog sambil2 dengar siaran radio panas.fm yg mengudarakan lagu 'u got 2 go' by Najwa Mahiaddin...pagi ni gua membuka lembaran pagi dengan datang ke ofis sambil memandu dengan senang hati sebab jalan masih tidak macet dan pagi ni juga gua pegi minum sama geng2 keras....sambil mengapdet cerita anak2 masing... Bermula esok pagi, maka bermula la juga rambut gua akan bertambah uban. Seperti yang diketahui umum, sesi persekolahan akan bermula esok......yessss........senang hati gua.

Semenjak seminggu 2 ni, gua sibuk betul mengurus hal2 rumahtangga ni. Lebih2 lagi bila cuaca indak menentu ni...kain di jemuran jangan cerita la...kain di mesin lagi sdg menunggu giliran untuk dijemur...kain di bakul pun menunggu giliran mau dicuci...bila angkat kain....terus gua kena timbun kain....sekarang ni pun ada 2 bakul kain baju mau distrika, niat di hati mau strika baju malam karang....kena buat dua malam berturut la ni...bukan indak mau buat sekali, tapi kalau sekali harung strika....lepas 3 jam, adalah kaki krem sepanjang malam....hahahahhaha...oh ya, dan tidak dilupakan sebakul besar kain yang mesti dilipat....

Jadi kelmarin sepanjang jalan dari Kudat ke KK, sepanjang jalan tu jugak la gua laki bini berbincang mau ambil maid ka tidak...gua masih lagi berkeras indak mau ambil ni...<-- bunyi2 tembirang pun ada...biar penat kunu janji senang hati..tapi bila tu laki indak tulung, tau pula gua mau marah2....hahahahhahahaha....barangkali tu yang membuatkan laki suruh ambil maid ni....hmmm....

Kalau ada maid - balik kerja semua urusan rumah selesai, tinggal sinsing lengan baju utk masak, semua lauk pauk sudah dikeluarkan, beras pun sudah masuk dalam rice cooker, tinggal cuci, sukat air, masuk dalam rice cooker<--- ini tahun pertama kerja, jd semangat maid pun masih berkobar2 lagi mau bekerja ni...

Kalau tiada maid - balik kerja, letak beg n tudung atas meja, terus sinsing lengan baju, terus masuk dapur.... krunnggg... kranggg... krunggg... kranggg... mau jam 8 baru siap (mana lagi terkejar2 mau solat), kelam kabut mandi, lepas mandi baru dapat makan...lps makan, kena kemas lagi meja, cuci piring, lap pinggan mangkuk, kena kemas periuk belanga...adehhhh....

Kalau ada maid - indak payah risau kain baju...hujan ka panas ka...sebab ada orang tolong mengemas di rumah....strika kain lagi la...

Kalau tiada maid - masa di ofis, balik2 tinguk jendela, kalau2 mendung, kalau sempat balik lunch hour angkat kain, nasib baik la, kalau indak, pun nasib badan juga la...apa tidak, masa jemur kain tadi pagi panas bukan main, sekali jam 11 pagi, dunia pun gelap semacam.... kain satu jemuran habis basah, kena lagi angkat kain, kena lagi cuci balik.....sandihh ehhh......

Kalau ada maid - bila kita plg dari ofis, ada keja yang indak siap, kita sendiri tertanya2 apa yang durang buat di rumah, sedangkan drng sendirian saja. Kipas indak berlap, almari perhiasan berhabuk 2 inci tebal...lantai macam indak bersapu....bila kita pegang tv, panas semacam....

Kalau tiada maid - tentu lagi rumah berhabuk, rasa2nya lebih bersih lagi kalau bersihkan sendiri....

Kalau ada maid - Bila ditanya ada cuci tandas, lantai rumah dimop, dapur dilap...jawapan semuanya sudah...tapi apasal tu habuk bawah almari perhiasan dari minggu lepas indak pandai hilang...ajaib betul....macam indak berbaloi bayar gaji mahal....

Kalau tiada maid - cuci tandas 2 kali seminggu, sapu dan mop rumah 3 kali seminggu, rumah bersih..... tapi penat jangan cerita la...tapi bila kita bersihkan sendiri rumah, lantai dapat pula bertahan 2, 3 hari indak berhabuk...hairan kan...

Kalau ada maid - sakit kepala kita memikirkan apa saja yang durang buat di rumah.... sakit hati bila kita bayar gaji mahal tapi buat kerja macam indak pernah buat kerja...lebih2 lagi sakit hati bila kita tegur, durang buat muka sama kita....aikkk...sepa maid sepa majikan ni....

Kalau tiada maid - hati senang walau badan penat. Cuma tidak dapat dinafikan masa untuk keluarga (cthnya : mau jalan2 cuci mata, mau tinguk wayang, mau melawat saudara mara...errr....mau apdet cerita adik beradik sebenarnya....hahahahaha) mau pulang kampung, semuanya tertangguh. Kadang2 bila balik dari bercuti pun, berfikir juga sampai rumah kain bertimbun mau di cuci....Hmmmm....

Kalau ada maid - terutama yang maid yang tinggal bersama - poket pun sakit owhhh..... belanja tiap2 bulan macam berganda2...jangan cerita pasal makanan la, pasal sabun cuci pun bikin hairan...macam baru jugak seminggu beli sabun cuci yg 3 kilo punya, indak sampai 10 hari, sudah bilang habis. Minta beli pewangi kain bukan main lagi, tapi kain indak juga wangi2.... tapi balik2 bilang abis...ntah diminum kali tu....Bila beli megi, 3 pek (15 bungkus) dlm seminggu sdh kena kestau megi abis, bila tanya anak sama laki, klu2 drng ada mkn megi, mesti drng jwb -tiada-...

Kalau tiada maid - belanja rumah 3 bulan sekali...sekali beli cuma habis RM300++... tapi kalau ada maid, setiap bulan kena belanja....belanja pun lebih kurang macam belanja sekali dalam 3 bulan tu. Kalau tiada maid, beras 30 kilo 3 bulan pun susah betul mau habis, telur 1 tray pun susah tul kasih abis. Megi pun kena beli, begitu jugak la bungkusan kena simpan dlm almari, bila tguk balik, masih ndak berubah.

p/s : Akhirnya gua bersetuju untuk ada maid, dengan syarat maid tidak akan 'tinggal bersama'. Mesti datang pagi sebelum gua pegi kerja, dan, balik petang bila gua sampai rumah.... Titik.

p/s/s: Maka pencarian 'part time' pun bermula semula......

p/s/s/s: walaupun mulut ckp mau cari maid, tp apasal hati indak RELA!!!!!

Puan Saiman 'signning off'..

Mari bercuti....

2011-12-28T15:20:00.005+08:00

Gua ni kan....biarlah berterus terang sekarang ni... gua di ofis ditemani oleh bunyi2 yang keluar dari corong radio....bertemankan bunyi2 ekon...beserta lampu2.... satu suara manusia pun tiada.....ehem...psssttt Rosie...ko pun 1 urg jugak pula di ofis ah...senasib bah kita ni ging...

Gua ni kan..... biarlah berterus terang sekarang ni.... walaupun gua bawa '2' budak2 rebina....tapi tu 2 di tingkat bawah...gua di tingkat atas....durang sedang bergembira di bawah tu....banyak permainan berbentuk sains di bawah tu....jadi mestilah durang bergembira kan...

Tapi gua sini...sibuk....yaa...yahhh...sibuk tguk fb..sibuk apdet blog....well...sibuk jugak la kan....

Dan ini gua mau mengisytiharkan bahawa mula bisuk gua akan cuti sehingga tahun depan...wah!!! Bunyi macam lama kan, padahal cuti 2 hari jak pun, minggu depan ari 2 keja sudah balik....cuti ni pun...ini jak la baki2 cuti yang tinggal....sib baik tahun depan ada lagi cuti balik....hihihihi

Gua cuti ni pun bukannya cuti2 Malaysia.....cuti2 Singapore pun jauh lagi....penyebab gua cuti adalah untuk menyediakan perkakasan sekolah anak buah laki gua tu. Kalau anak gua tu...lammmaaaaa sudah siap....bayangkan...3 hari start cuti sekolah, gua sudah selesai beli perkakasan sekolah.... seluar sama 'vest' sekolah pun baru ambil dari tukang jahit kelmarin.....

Oleh sebab tu laki kesayangan gua indak dapat bercuti <---- macam mana pujuk rayu pun, masih juga kena bagitau dia indak dapat cuti sebab banyak mau settle....jadi gua akan jadi 'kakak' kepada 2 adik....warghkakakakaka....jadi siapa2 yang mau mengurat gua dipersilakan.....LOL....

Dalam perancangan gua, esok gua akan bawa dulu pegi beli peralatan sekolah...termasuk baju dan seluar.......

Bermula jak persekolahan minggu depan, maka secara rasminya anak gua akan masuk darjah 3.... umur pun masuk 9 tahun sudah. Umur mamanya ni macam biasalah 24 tahun....warghkakakakakaka....

Ini adalah gambar anak gua... 2 tahun lepas, kalau indak silap la....

Gua sekeluarga ingin mengucapkan ...

Selamat Tahun Baru 2012...

Semoga apa yang dihajati pada tahun 2011 ini telah dimakbulkan...dan kalau ada lagi azam2 yngn belum dicapai...bawa jak bah pg tahun 2012... mana tau dalam 2012 ni tertunai kan...mudah2an...Amin...

p/s : antara doa dan azam gua untuk tahun 2012 ni adalah mau minta beli ALMARI....LOL....warghkakakakakkakaka

p/s/s : antara doa dan juga azam gua adalah supaya anak gua akan terus cemerlang dalam pelajaran.....

p/s/s/s : antara doa dan azam gua juga adalah supaya parents gua, adik beradik gua, gua sekeluarga serta semua kawan2 gua indak kira gua kenal secara dekat ataupun dalam internet sentiasa sihat...Amin...

p/s/s/s/s : uisshhhh mana bulih kasih tau semua....bah...lps baca blog gua...pg apdet blog kamurang.....ataupun pg apdet fb...hahahahha...LOL...

Puan Saiman 'signning off'....

Thank you Santa...

2011-12-23T10:40:00.006+08:00

Dear Santa,

thank you very much for coming to my house last night.... thank you very much 4 the present....altough u don't give what I want... but this one can do la....(macam mau indak mau jak kan.. tapi sudah kena bagi, ambik ja la kan...)

Dear Santa,

I still need 'almari'.... errr... that is my wishlist.... errrrr.... chinese new year coming in 1 month time...can ask again ka for this... (selagi indak kena bagi..balik2 la kena sebut ni...)

Dear Santa

If CNY u not give what I want...I will asking when Ka'amatan coming on May.....or if not for Hari Raya also can bah....

Dear Santa,

If I don't get on Hari Raya...don't worry...no heart feeling...But I will ask on Merdeka Day....Oh ya Santa.... a month after merdeka day...I will celebrating my BIRTHDAY......(hahahahahaha.......gembiranya hati ku...)

Dear Santa,

On Merdeka Day.... IF I still don't get any almari...don't worry... I will ask on Deepavali la.... (trus feeling2 mau jadi Kajol...hahahhaahahha)...

Dear Santa...

after Deepavali...well Christmas again...so when la u give me the almari ???? Hmmmm........ ( sambil fikir2 bulan berapa la kena bagi almari ni)

Dear Santa....

How come ah you know abt my past/x-handphone... errr...psstt Santa, u know ka, how many times I 'ter'drop my handphone.....(aiyaaaa.... tidak sengaja bah, but tq anyway... u bought me a new one)...

'old' handphone

new one......

Dear Santa....

I luv you very much ( yup...very much because u bought me a new h/p bah... I always luv u...but if u bought me something....the love lebih sikit la....warghkakakakakaka....)

Anyway...tq for buying me the h/phone.... oh ya...I want to make confession....

I don't buy you anything.....!!!!!! Hahahahahaha........

BECAUSE....

you're SANTA...... U got everything u need, right.... and you are very lucky to have...

ME...as you WIFE who loves you very much.....warghkakakakka....LOL...

p/s : pls ignore my feelings ya...begini la kalau tinggal satu2 urag di ofis...

p/s/s : to my dear aunties, uncles, cousins....my dear frens....and who reading my blog...I wish you ....

Merry Christmas

Happy New Year 2012

Yup... I still working until next week.... ;-D (so I can update my blog la)..padahal pemalas bah...warghkakakakaka....

Puan Saiman 'signning off'...

Mommy Kissing Santa Claus

2011-12-22T10:45:00.003+08:00

Ok... bagi sepa2 yg sdh kehabisan cuti sila la feeling2 bercuti sambil kerja <------ tuan punya blog.... kehabisan cuti...jd padan muka diri sendiri...urg lain sudah cuti....sendiri2 jak la jaga ofis.... telefon pun indak berbunyi...... main fb jak...tapi apasal indak apdet blog....pemalas kan....hahahahhahaha....

Indak lama lagi Krismas :-D lepas krismas....tahun baru....lepas tahun baru...Chinese New Year (Double :-D )...... tapi yang paling penting...seperti tahun2 sebelumnya.....mau minta Santa belikan sumting la ni....jadi gua akan kirimkan surat utk santa la ni....rasanya sempat lagi ni....gua pakai kiriman 'kilat' jak la....

Dear Santa...

This year I've been a good wife and mother...(errr urg sdh kawin bulih dapat ka tu ah...ah indak apa.... kirim jak surat dulu....apruf atau indak belakang cerita).....

Dear Santa....

This year I've been a good daughter to my parents and my sisters and brother too...... oh and to all family members (klu kestau bagus sama ramai urg, mudah2an, kena kesian juga kan...)

Dear Santa...

This year I've been a good fren to my frenssssssss, ofismate and my boss....and I always smiles to others...walaupun indak kenal.....(kadang2 tu laki tegur jugak...) tapi senyuman tu sedekah bah kan... :-))

Dear Santa....

This year I just want a small things from you... I need a 'almari'...small2 one can do.....

Dear Santa,

I don't have any chimney at my hse.....I only have a small house....thats why I need 'almari' to put all my PML collection..... (supaya bulih kasih tayang2 sama urang, walaupun tu koleksi seciput jak...) :-D

Dear Santa,

If u apruf what I'm requested... pls tell your elf/elves just leave the 'almari perhiasan' depan rumah... and don't forget give me a call ya....

Dear Santa,

thank you for your concern.....I love you Santa.....muahhhh......

The end.

From,

' I saw "mommy" kissing Santa Claus '.....

p/s : this letter is for my husband actually.....

p/s/s : the truth is...TODAY is our anniversary.......16 years.....

Puan Saiman 'signning off'....

Semua la kena kontrol

2011-12-09T09:59:00.007+08:00

Minggu pertama cuti sekolah bermula...

Anak : Ma... kawan abang kan... si ******* kan pegi makan angin..dia bilang dia pegi disneyland Hongkong.....

Mama : .....(diam)....

Minggu ketiga cuti sekolah.....

Anak : Ma...kenapa durang ibu (adik gua) pegi Korea, tapi kita tidak pegi mana2 pun....

Mama : ....(diam)...

Pagi ni....

Anak : Ma..... kita tiada pegi mana2 ka cuti sekolah ni....

Mama : .....(diam)....

Anak : Kesian abang...cuti sekolah ni kali teda la pegi mana2....

Apa kamurang rasa kalau tu anak cakap begini.... Pilih hanya satu (1) jawapan sahaja....

a) sakit hati...
b) sedih...
c) pilu...
d) macam mau menitik2 air mata...
e) semua jawapan di atas

Terus terang, memang gua sedih bila anak gua cakap begitu.... tapi kesedihan tu macam lebih pula sama gua...(ketara la bah kan, sebenarnya yang lebih2 mau pegi bercuti tu gua la). Cuti sekolah kali ni la, gua tiada pegi mana2...... sebab dalam perancangan gua, cuti sekolah kali ni, gua mau kasih sun*t anak gua. Tapi tiba2 tu laki gua indak pula mau. Jadi anak2 adik gua jak la sudah bersun*t. Memang gua sudah berniat dari awal tahun lagi tu. Tu la sebab cuti sekolah bulan 5 hari tu, gua bawa anak gua pegi makan angin. Kalau la gua tau, tiba2 tu laki gua berubah fikiran, mmg gua indak jalan la masa tu. Sekarang ni hampir setiap hari la gua bawa anak gia pg ofis. Oleh sebab gua indak pegi mana2.....maka banyak la juga jemputan kawin yang gua pegi.

Ok la, indak mau cerita pasal pegi bercuti la...nanti takut2 gua pula yang menitik2 air mata.....

Oh ya..... gua rasa ada antara kamurang tau sudah pasal ni ... 'Tis the season to be jolly, with a police permit' yang jadi kemusykilan gua ni apasal bah semua pun mau kena kontrol.... bilang demokrasi.... ini demokrasi ta*i idung la, itu kena kontrol, ini kena kontrol.... jangan kan mau nyanyi2 lagu krismas, mau dengar ceramah di surau2 pun mesti tu urg ada tauliah jgk......'tauliah' maksud dia, penceramah tu dilantik oleh 'durang2' ni jak...klu 'urang lain'.....kenapa la terer macam mana pun, gerenti indak bulih......kepimpinan melalui teladan kunun......tembirang jak......kalau kamurang indak mau dengar urg2 nyanyi lagu krismas...lari kamurang jauh2.... biar urg2 yang mau dengar jak datang.....apa!!!!! kamurang sangka ada urg paksa kamurang mau dengar ka!!!!! Kalau dengar pun, indak mati jugak bah!!!!!!

Gua mmg panas hati jugak begini.... gua ramai saudara mara non-muslim....cubit kanan kiri pun sakit jugak bah...... gua membesar sama lagu2 krismas....kazen2 kawin, kami pg jugak church.... celebrate krismas sama2, chinese new year sama2, ka'amatan sama2.... indak jugak apa2.... gua sendiri masih juga bertudung, indak jugak la sampai tukar agama!!!! Apa bah yg ni 'urg2' takut ni.....takut sama bayang2 sendiri ka!!!!! Lain urg lain pandangan, tapi bagi gua, itu tepuk dada tanya selera. Jadi kalau siapa2 indak suka, pg la tinggal di kutub utara, ataupun pindah la di planet pluto, sana belum lagi ada urg duduk. Jadi buatlah peraturan sesuka hati.....PALUI!!!!!

Sebelum gua menyumpah seranah urg2 ni indak tentu pasal, dan menghormati hari Jumaat, bagus gua tamat siaran utk kali ni.....

Puan Saiman 'signning off'.....

Meng'ekor'..

2011-12-05T10:35:00.006+08:00

Sejak tiada maid ni....<--- syukur la nak...jimat duit laki gua...drp kasih gaji maid yg buat keja ntah apa2, pukul 9 sudah limpang2 dpan tv, kita pulang kerja, tlg lagi buat kerja di dapur......bagus lagi tu duit bikin beli almari kan...('wink')....jadi kepada my dear santa @ laki gua yang terchenta ...bah bulih minta beli almari ka....wargkkakakakakaka <--- ketawa sambil guling2 di katil, klu di lantai sakit badan owhhh....opsssss...... biasa la, biar nampak seksi supaya cerah peluang kena kasih beli almari kan.....tapi kalau indak kena kasih beli tu, tu laki punya alasan...'mana mau simpan, sesak sudah rumah ni...' Ala... bukan alasan kan, kasih beli la bah dulu...nanti tiba2 ada ruang tu...tiba2 ah......tapi kalau indak juga kena kasih beli...ok, terus bangun dari katil, indak jadi guling2....bukan karan jak....ok, adik2 itu antara pendidikan ataupun cara2 mau pujuk laki... kalau indak kena peduli, sila bangun, betulkan baju, dan buatlah kerja di dapur.... dan masak la megi.....itu tanda2 protes dalam diam....warghkakakakakakaa......Oleh sebab tiada sudah maid kan, lagipun tu anak sudah besar...... bukan jak besar badan, tapi tu kepala pun besar...umur mau masuk 9 tahun, tapi kalau kena tegur sikit, tu suara nangis indak salah2 macam kena pukul...kadang2 bikin darah gua mendidih2 juga bah. Sib baik masih sabar lagi, tapi kadang2 suara ayu tarzan gua keluar jugak.....'sigh'...

Aikkkk.....tukar topik sdh pula...ok gua ulang siar la.... oleh sebab tiada sudah maid kan, maka, gua laki bini terpaksa la bawa tu anak bergilir2 pegi ofis....nasib baik la gua ni kerja di jabatan yg memberikan perkhidmatan dengan orang awam...aiseymen...tapi gua indak la terlibat secara langsung...gua bertapuk di opis jak...... jadi tu anak gua bulih la turun di bawah......motif kestau di bawah, supaya kamurang tau gua di keja di tingkat atas...hahhahahahhaa...jadi gua kasih lepas jak anak gua main komputer di bawah tu.... lepas tu gua suruh dia buat keja...nampak ayat tu..'buat keja'....hahahahhaha... bukan buat keja gua, tapi gua ada belikan dia buku kerja untuk tahun 3, jadi gua tetapkan dalam 1 hari dia kena habiskan 10 m/s buku keja Sains, Math dan Sains.... asal jak gua kasih ingat buat tu keja, tu muka masam jak, tapi kalau gua panggil makan indak pula tu muka masam.....hihihihhi...

Maka bergilir2 la gua laki bini bawa pegi ofis...selang seli....hari ni turn laki gua bawa.....bisuk gua pula, tapi kalau tu laki ada miting petang, pagi dia bawa la, petang nanti gua la bawa pegi ofis..... tu anak gua indak berapa suka ikut gua....sebab:

1) kalau ikut gua, minta beli apa2 jaaaraaang ditunaikan. Tapi kalau ikut papa dia, apa kena tunjuk, dalam 10, 9 kena kasih beli...kalau gua 10 minta, 1 jak akan dibelikan.....

2) dekat ofis papa dia....banyaaaaak kedai, mau mkn apa pun ada...........tapi ofis gua...sedih, cuma ada kantin jak....apa indak dia tension....

3) kalau papa dia, siap tanya mau makan di mana, gua pula tapau jak, makan di ofis...ini lagi la dia ......tensiooooon....

4) oh ini paling gua setuju...dia cakap sama papa dia...'abang indak suka ikut mama, sebab ofis mama sejuk macam peti ais...' hahahahhahaha...mmg betul, gua sendiri pun dalam ofis ni macam org eskimo sudah ni, sdh la pakai baju tebal, siap berselubung la ni.....tidak dilupakan berstokin mcm urg baru lps pantang beranak.....'sigh'..siap pakai minyak kayu putih lg tu....'double sigh'...

Gambar di bawah ni...anak gua ngan seorang lg kawan dia, tgh dngr cerita dari 'aunty'.... kebetulan masa cuti sekolah ni, aktvti untuk kanak2 diadakan...antaranya adalah, sesi bercrita, kraftgn, dll. Jadi kalau ada masa bawa la anak2 anda ke lebri. Dan kalau kebetulan datang, dan mau berjumpa sama tukang taip ni, sila la bawa makanan, tapi kalau dtg linggang2 kangkung...sila buat indak kenal sama gua, itupun kalau berlimpas la ah....warghkakakakakakakaa.....

Ini pula gambar yang diambil oleh papa dia pagi ni. Hari ni turn dia ikut papa dia.....suka la dia tu...tinguk tu....pagi2 bekfes minum sejuk lagi, kalau ikut gua, sori la dapat minum ais2 pagi2 buta ni...paling2 milo, tukar2 pun susu kacang dlm tin....nah indak ko sengsara tu....patut la pun dia indak mau ikut gua......oppsssss....syukur2...indak abis duit gua.....

Sekian, itu la saja berita di hari satu, tolak minggu ni, ada 3 minggu lagi budak cuti sekolah, lepas tu gua gumbira.....gua gumbira sebab anak gua naik darjah 3. Tapi yang bikin gua nyaris2 botak, bila jalan jammed. Bila cuti sekolah ni, berebut la rambut2 gua mau tumbuh....cuba nanti start sdh sekolah......abis la tu rambut menggugurkan diri sendiri.

Ok adik2...motif kakak yang gebu menyanyikan lagu ini adalah....kalau mommy kissing santa claus, mudah2an santa claus kasih beli almari.

Jadi kepada SANTA CLAUS ku...sila ambil perhatian!!!!

SEKIAN....

Puan Saiman 'signning off'...

Kalau rajin....

2011-11-30T10:12:00.002+08:00

Sekarang ni aktiviti anak2 bukan lagi macam zaman gua dulu2... kalau dulu2 mana ada segala tuisyen2 ni. Dulu2 asal petang jak <--- Perhatian : bagi budak2 jam 12 t/hari, matahari masih atas kepala juga adalah petang...tiada istilah tengahari, kecuali musim sekolah la..kalau hujung minggu.....istilah tengahari pun cuma diingat kalau perut berbunyi, selagi indak bunyi, jangan harap mau pulang......<--- sila percaya...hahhahahahahaha....

Walaupun cuti sekolah sudah bermula sejak minggu lepas, tapi anak gua masih lagi tuisyen...oh hari ni hari terakhir pula...sebab cikgu tuisyen tu akan bercuti selama sebulan... cuti rehat..sebelum start bulan 1 nanti. Begitu juga kelas mengaji, pun last sudah hari ni, sebelum disambung pertengahan bulan 12. Jadi rutin anak gua masa hari persekolahan...Pagi pegi sekolah, petang (2-5 ptg - pegi tuisyen), malam (6-8 malam) mengaji. Balik dari mengaji, makan dan paling lewat tidur adalah jam 9.30 malam. Lepas papa dia antar dia mengaji, maka gua laki bini akan berdua-duaan la di rumah. Maka masa berdua-duaan begini la barulah dapat bercerita...kalau tidak, jangan haraplah mau apdet cerita atau bergosip sama laki....ada jak tu anak kacau daun. Bawa papa dia main game la, bawa pegi kedai la, tinguk katun sama2 la.....gua rasa terabai!!!!!

Ole kerana kelmarin petang gua ada rajin siikiiittt...maka gua pun menghidangkan laki gua nescafe dan biskut....uiiiinnnnaaaa...jangan kamurang, tu biskut dari obersi tu...tu beliau beli di Jeddah...warghkakakakkaa...motif kestau awal2...supaya kamurang indak tanya gua dari mana beli tu biskut, ataupun gua ka yg buat??? Jadi kamurang tau sdh kan.....

Nescafe susu dihidangkan dalam teko dan cawan bermotifkan strawberi...supaya tu laki nampak jg la kan, teko2 can cawan yg dibeli bukan hanya disimpan dalam almari semata2.....oppssssss.......

Sambil2 minum, sambil2 tinguk tv..... mmg sedap minum nescafe panas2 ni kebetulan juga hujan renyai2 di luar...tapi apa kes.... indak jgk dapat bercerita sebab tu laki sibuk tguk golf channel.....'sigh'..... punah harapan mau bergosip.....hahahahahahaha

Apa2 pun...jemput minum........

Puan Saiman 'signning off'

Mari Cari Harta Karun - siri 2

2011-11-29T10:44:00.007+08:00

Ini sambungan cerita 2 bulan lepas.... bagi yg menunggu sambungan cerita ni...bah, ini la cerita seterusnya <--- (sila baca dengan nada saspen)...maka inilah sambungannya.....<--- sori la, penerbit cerita kekurangan masa, jadi sambungan ini filem ada lambat sikit.....adehhh macam filem Aduh Saleha tu....ntah bila la siap tu...opssssss.......<---- sila la terima alasan penerbit ini filem dgn hati yg terbuka....

Mari kita tinguk gambar............

Seperti biasa...mangsa gua aka peneman gua.....

Tiga gambar di atas....masa ni gua feeling2 berada di bawah 'laut'..... trus feeling2 juga jadi ikan duyung....

Antara barang2 yang dipamerkan.....

Uisshhhhh... ni klu dpt bawak pulang semua pun best ni....bulih bikin tambah koleksi PML....hahahahahahahaha..........

Ni pun cantik, tp yg pecah indak mau, yang ada penutup tu pun ok jgk....hahahahahha

Hah!!!!!! ini la paling best..... pssstttt....mana pegawai muzium ni ah... bulih tanya ka, bulih minta ka ni??.....warghkakakakakakaka.....indak dpt sebijik, semua pun ok jgk ni......<--- ada unsur2 tamak haloba....

Ok, untuk makluman, pameran ni diadakan sehingga 1 Januari 2012, jadi kepada orang2 yang kebetulan berada di KL, sila la ke muzium....

p/s : sebenarnya...tujuan gua tinguk pameran ni, pada mulanya gua sangka ada dipamerkan juga barang2 kemas yang dijumpai...tapi TIADA!!!! Yg ada cuma pinggan mangkuk dan pelbagai jenis besi yang dijumpai bersama kapal karam. Jadi kalau mau rasa2 mau tinguk barangan kemas zaman dahulu, lupakan la niat anda....

p/s/s: kepada pemggemar PML, kalau rasa mau menyakitkan hati sendiri, sila la pegi tengok......pasti anda terpesona, terkesima dan tersakit hati sendiri....sbb PML yg dipamerkan di muzium tiada tandingan....sila la percaya....

p/s/s/s : kepada sahabatku CJ..... sila ke tomei dgn kadar segera..... tu tindik telinga 3 hari baik sdh tu...hahahhahahahaha...oh dan cerita ini telah tamat....

Puan Saiman 'signning off'...

Antara 2 darjat...

2011-11-24T15:44:00.005+08:00

Punyalah banyak habuk di blog ni....tu habuk sana sini....<--- ehem...ckp pasal rumah sendiri bah tu kan...warghkakkakakakaka...... tu sarang labah2 pun sana sini, bulih nampak tu labah2 main bubut2..... tp jgn susah...sudah gua kasih vakum semua.....

Kebetulan masa tulis cerita ni, stesen radio 'panas' sdg memutarkan lagu 'tragedi oktober' wah trus tiba2 ingat x-boipren ni <--- yeiii.......bikin muntah <-- ok stop, bagus stop sebelum cerita meleret.....uwekkkkk...mo muntah pula.....opppssss bukan keracunan makanan tapi gastrik naik....hmmmm..... bah, sepa yg slalu kasih nampak makanan tu ah...sila la bah belanja urg susah ni...... ehem....(sambil jeling urang ini sama ni urang) ni 2 urg kan, kadang2 sambil baca blog atau fb drng..... sambil2 tu jugak la gua lap air liur, klu indak lap, menitik2 pula di meja kan....'wink'...

Untuk makluman semua....walaupun teda urg mau tau, gua tetap jgk mau kestau...bahawasanya beliau gua selamat pulang dari menunaikan Haji.... dua2 kembali dengan selamat dan sihat walaupun bentuk badan agak menyusut....anak dia ni bila la menyusut ni....adehhhh......terima kasih kpd semua yang 'mendoakan'.... terima kasih sekali lagi, semoga tuhan melindungi dan sejahterakan hidup anda semua...Amin....

Gua mau ceritakan 1 babak kehidupan yang biasa kita nampak atau kita dengar. Dijadikan cerita. Pelakon utama dalam cerita ini adalah 2 orang jejaka, berumur awal 20-an. Seorang tukang cat..... yang hanya memakai seluar paras lutut dan baju t-shirt lama. Pakaian tukang cat kan, indakkan suruh tu tukang cat pakai baju lengan panjang kan. Dan seorang lagi memakai seluar panjang (slack), baju berlengan panjang dan memakai tali leher...kita gelar dia 'keja opis'...

Tukang cat : uii geng...ensem tul ko ni...?

Keja opis : uisshhh...ko pula ni..? Pa ko buat skrg ni...lps dr sekolah indak lg kita jumpa ni..

Tukang cat : begini la bah...cari makan, jadi tukang cat.. di mana urg panggil, sana la aku pg...

Keja opis : Oh bah <--- (ckp mcm urg menyampah ni..siap tinguk si tukang cat dari atas ke bawah....) Aku pula, lepas kita abis sekolah,trus keja di kampeni **********. Jadi pegawai ************.

Tukang cat : Uisshhhh pegawai ko ging...mesti gaji besar ni kan.. bulih la ko belanja aku ni...

Keja opis : Gaji bulih tahan la...ala setakat ko minta belanja di sikret resepi tu...ok bah <---(bunyi riak kedengaran....)

Tukang cat : Bah, ngam la tu ging.... aku pun indak pernah mkn di sana tu.....bah kasih aku numbur telepon ko, nanti aku telepon ko la...

Keja opis : Bulih bah aku belanja ko mkn....bak ko kasih aku no telefon ko la.... nanti aku missed kol ko jak....

Tukang cat : bah...numbur telepon aku...013-*******....

Sambil2 si 'keja opis' ambil no tu....bah nnt aku missed kol ko ah....

Tukang cat : Bah....

Beberapa jam berlalu....... si 'tukang cat' bercakap dengan seseorang...

'hmmmmm....jgn harap la dia mau missed kol tu.... cara dia tinguk sama cakap pun, takut jak urg betul2 minta belanja...'

Nota : si tukang cat merupakan adik penulis cerita ini. Kini si tukang cat sedang bercuti semester di u tempatan. Tukang cat ini sedang membantu mengecat kedai kakaknya yang akan beroperasi dalam masa terdekat. Kedai itu bukan kepunyaan penulis ini <--- sila percaya!!!!!

p/s : mana2 pun begini, asal masuk kedai, pakai selipar sama baju buruk2 teda la urg mau layan, tanya sama salesperson, cam terpaksa jak drng mau layan. Kadang2 kena jeling balik2, macam la kita mau mencuri!!!! Cuba kalau pakai baju lawa sikit..... indak payah panggil, dari masuk kedai sampai keluar kedai, ikut bontot kita...padahal bawa dalam beg 10 ringgit jak tu <--- ini gua la ni....warghkakakakakaka....

Puan Saiman 'signning off'......

Tq my dear...

2011-11-02T14:29:00.004+08:00

Bahhhh....sepa la bah tuan punya blog ni, punya la pemalas.....ini macam sebulan sekali baru mau apdet ni....tsk...tsk....tsk....

Bukan apa bah tu kan, sibuk...<-- sila la terima alasan itu ya kawan2.... maklum la urang cantik ni <--- sila la muntah beramai2....

Dua hari lepas, iaitu hari 1, gua ada mendapat barang seludup...warghkakakakaka....<--- ok, tidak lucu ....

Ini la dia.....

Dihantar oleh my dear fren CJ, untuk menjaga keselamatan kedua2 pihak, maka alamat dan nama sebenar terpaksa dirahsiakan...maklum la....orang popiuler.......phiweetttt...... ;-D

Mari kita tinguk apa di dalam.....uisshhhhhh.....kertas pembalut ada bunga2.....jangan perhatikan jari tu lama2...gebu kan....segebu urangnya....oh maksud gua bukan siu pengirim tapi penerima ni...'sigh'....

Uiiiii.....cantiknya.....warna pepel2 lagi......ada bling2 lagi......tapi jari tu bah...adeh...tapi sesuai tul la....I like.....bulih tekan like ka ni ah...??? Bulih la 'show off' nanti ni..... maklum la musim urang kawin sudah ni kan.....jadi bulih la bawa ni.....yang paling mahal tu ...Oh ya... tu perkataan 'show off' tu pinjam dari my dear fren MK....

Wah!!!!! Ni beg bulih buka kasih 'besar' lagi.....I like...I like....<--- sila tepuk tangan beramai2....

Kad pun ada.....<--- sila dengki sama gua....hahahaha......

Ini la kata2 ucapan drp sahabat gua tu.....tnguk, kad pun pepelllll......

Tapi yang PALING MAHAL tu adalah..... 'Happy Sweet 26'.....<---- tq my darling........26 ah.....warghkakakakakkakaa.....

Puan Saiman 'signning off'....

Mari Cari Harta Karun (MCHK) siri 1

2011-10-21T10:06:00.002+08:00

Di suatu masa nan silam....seminggu lepas Hari Raya hari tiba2 tu laki bagitau...

Laki : Ma, this coming friday (16/9) cuti kan...

Gua : Ya...

Laki : Ok, lets start packing, friday morning kita pg KL...

Nah, indak kamurang terkejut tu....tapi mcm biasa gua ok jer...hahahahahhaa <---- stail ketawa urang jahat dlm movie....

Tu laki sebenarnya pg KL ada reunion sekolah menengah dia di Kedah dulu, jd tu laki n the geng pg main golf...gua sama anak gua apa lagi meronggeng la.....salah satu tempat ronggengan adalah.......

Taddaaaaa.......MUZIUM NEGARA <---- sila ikuti semangat 'Cintai Sejarah Negara' yang amat kuat dalam diri gua....<--- ok kementerian terbabit, sila ambil gua jadi DUTA SEJARAH!!!!

Gua dengan penuh semangat ambil la gambar pintu utama..... mmg bersemangat kan!!! Sila la akui....

Sebelah kiri gerbang pintu utama adalah keretapi lama, jadi anak gua yg ensem gua lantik jadi duta keretapi.....sebagai bukti, sekeping gambar menjadi bukti....

Masuk jak kawasan muzium.... tanda arah diberikan........

Tapi tujuan sebenar gua datang ke tempat ini adalah untuk melihat khazanah yang amat bernilai <--- ok, tahun dpan bulih apply jd cikgu, sbb penulisan mantap sudah, lgpun gaji cikgu banyaakkkkk.....wohhh!!!!!!

Ok....ini duta kapal karam.....

Bersambung.....

Puan Saiman 'signning off'....

2011-10-12T15:50:00.007+08:00

Kadang2 malas, kadang2 rajin, kadang2 ada idea, kadang2 langsung tiada...taip2....delete...taip lagi balik...delete lagi...last2 sign out...

Sudah baca stetmen di atas tu kan, jadi begitu la tu....gua sihat...sangat2 sihat....dari hujung bulan 6 tiada maid...suka hati...hati berbunga2 bila sampai penghujung puasa bulih kurang sampai 9 kilo.......lepas raya laju pulak naik...lebih pula dari yang turun...indak ko bikin meradang tu.....

Jadi kepada kawan2 yang sedang menunggu gua apdet....<--- perasan jak bah, macam la ada urang mau baca ni blog...TAPI...gua tau ada la 2, 3 urang kan...jangan kamurang indak mengaku..... sampai ada yang bbm gua lagi tu...kan CJ kan...opssss tersebut pula....hahahahahhaa....

Tapi jangan kamurang indak tau, gua ada juga melawat 'blog' kamurang...ada yang baru beli ipad2..siap sama cover lagi tu, jeles i...ada yang bergambar di pasar kk sambil2 ambil gambar kuih penjaram <-- ini yg menyeksa jiwa ni..... sbb kuih penjaram tu sedap makan masa panas2 sama minum kupi, lps tu kestau lagi pg lagi k-box ka tu, nah... ini mcm kasih dengki gua jak ni <--- sepa ni ah....hahahahaha....ada lagi blogger yang rajin dari gua....masih lagi mood beraya, tapi dlm mood beraya pun sempat lagi bagi resepi belacan goreng....ada yg pegi makan angin, pegi muzium la, bawa anak dia yg 3 urg yg cute tu...(just to name a few)...adehhhh...jadi gua baca blog kamurang, gua tumpang 2 ketawa jak la....tumpang telan air liur pun ada sebenarnya...hahahahaha...

Ok, untuk menebus kesilapan sebab lamaaaa indak apdet, kita tinguk2 gambar la....

Pandangan dari 'main door' rumah gua yang kecik ni...

Beg putih tu bukan sebahagian dari perhiasan. Balik2 sudah gua kestau sama tu laki, suruh simpan tu beg dalam bilik, tapi sanaaaa juga kena letak. Ada la gua lekat sticker bunga2 di beg tu, baru meriah sikit, ni plain jak tu beg...amacam idea gua, bernas kan...

Hari tu mati karan, bulih2 tu laki ta nya gua...'bulih pasang pelita ka'... mau cari pasal la tu kan....

Ok, sambung lain kali.....harap2 rajin la ni...

Puan Saiman 'signning off...'

Hari Raya ke-15 - sambungan cerita...

2011-09-13T10:48:00.008+08:00

sambungan dari entry kelmarin.... sebenarnya secara tidak sengaja gua tertekan 'publish post'... padahal gua mau tekan 'save now'.... trus la gua sign out...rupanya...sudah ter'publish'....warghkakakakakaka..... jadi inilah dia...drama minggu ini yang diarahkan oleh gua!!!!

Kami berdiri sebelah menyebelah..wanita tadi tgh membelek2 kuali...gua pun tengah tinguk2 periuk...<--- kan gua sudah kasih tau, dalam kedai tu macam2 ada...

Lepas gua puas tinguk2 periuk dan membelek2...ala bukan beli pun, saja la mau tinguk periuk belanga yang gua belum ada kan.... gua pegi lagi di bahagian jual barangan plastik. Uisshhh... macam2 ada...ada jual tikar getah lagi..siap bulih beli ikut ukuran yang disukai lagi tu...gua pun apa lagi, ada jual lagi lapis meja...macam2 warna dan gambar2.... ok...ok....gua terbeli 2 meter...kebetulan masa gua minta sukat tu lapis meja, kebetulan wanita yang yang cantik tu pun ada berdekatan...gua pun apa lagi, balik2 la tinguk dia...biasalah kan...urnag cantik ni, kita tinguk la bah, menikmati keindahan...warghkakakakakkaa... tapi hati gua masih lagi berkata2 ....apa ya yang indak kena sama wanita cantik tu....sebab bila orang2 berlimpas sama dia...urang akan senyum...jadi wanita yang cantik tu pun akan senyum la balik.....

Dipendekkan cerita, lepas gua membayar, gua pun pegi la 'signature'. Tapi teda juga gua beli apa2...saja la cuci2 mata.... aikkkk....terjumpa lagi gua sama wanita cantik tu...gua senyum sama dia, dia pun senyum sama gua.....biasalah sama2 cantik kan.....<-- sila la muntah sepuas2nya...warghkakakakaka... kira2 sejam di signature <-- ya...ya... gua tau apa buat lama2 di sana kan....gua belek2 barang...tapi belinya....huh!!!! langsung teda...sebab tu laki ikut2 di belakang, baru gua mau buka mulut....si laki terus cakap....'bukan kita ada sudah ka tu...' Gua jawab la...'ya, memang sudah ada, tapi saiz sama warna lain...' tapi itu gua cakap dalam hati jak la....warghkakakakakakakaka...oh ok...tidak lucu...!!!

Puas ronda2 dalam kedai ni, terus la pulak anak gua minta bawa makan di kepsi. Mati2 la gua pujuk makan di kedai 'nasi ayam' yang baru buka...tapi mati2 jugak la dia mau makan kepsi....<-- gua harus minta kepsi ambil anak gua jadi duta ni....setiap minggu mesti mo mkn kepsi, kalau indak kasih beli, macam lembik semacam jak.... cuba kalau lepas makan kepsi..... trus tiba2 jadi kuat...indak kamurang tu..magik kan...'sigh'..

Sedang dalam perjalanan turun dari tangga bergerak...sekali lagi gua berjumpa dengan wanita yang cantik tu...barulah gua perasan apa yang indak kena ngan wanita yang cantik ni...ok..bayangkan...seorang wanita, berpakaian cantik, berseluar slack, berkasut dan membawa beg yang cantik....tapi apa kes...TUDUNG TERBALIK!!!!!!

Patut la urang2 bila limpas sama dia semua pakat2 senyum.....kesian tul kan......

Maka bila sudah terperasan bahawa tudung tu terbalik...maka mengelabah la si empunya badan mencari-cari tandas untuk membetulkan tudung....

Ok....la, wanita yang cantik itu adalah GUA!!!!!

Sudah berjam2 gua berpusing2 di karamunsing, barulah gua perasan yang gua pakai tudung terbalik!!!!! Tapi apa kes...sepanjang beberapa jam gua berjalan2, laki sama anak gua langsung indak perasan tudung gua terbalik, patut la masa gua beli lapis meja tu, budak tu 'kool' jak walaupun balik2 tinguk gua..'sigh'

Puan Saiman 'signning off...'

Hari Raya ke-14

2011-09-12T11:13:00.003+08:00

Tajuk jak hari ke-14 Hari Raya, tapi gu indak mau cerita la pasal hari raya...gua mau cerita pasal.....errrr....peremuan cantik di Karamunsing....ceritanya begini....

Beberapa hari lepas hari raya tu, kebetulan gua masih lagi bercuti, jadi gua, laki sama anak gua pegi la bah berjalan2 di kompleks Karamunsing... Sajala jalan2 cuci mata.... Kalau gua indak silap di tingkat 3 atau 4 tu ada kedai Nikon, tapi gua bukan masuk dalam kedai tu, tapi kedai di sebelah lagi...Gua pun lupa sudah apa nama kedai tu, cuma yg gua masih ingat, banyan betul barang2 kena jual dalam tu...macam2 ada la....

Masa gua belek2 barang2, tiba2 ada seorang wanita limpas depan gua...cantik, bersopan santun, sempat lagi dia senyum sama gua. Dan paling penting, wanita tu seakan2 macam gua jugak la...gebu....tapi biar gebu....santik jangan cakap la.....ehem!!!!

Kami berdiri sebelah menyebelah....wanita tadi tgh membelek2 la kuali...gua pun tengah tinguk2 periuk...<--- kan gua sudah kasih tau, dalam kedai tu macam2 ada.....

Bersambung......

Itu pun selepas, tertekan publish tanpa disedari.....

Hari ke-26 Puasa...yeyyyyyy.....

2011-08-26T08:22:00.006+08:00

Oleh kerana hari ni hari akhir gua kerja sebab minggu depan gua sudah start bercuti....gua ingin mengambil kesempatan ini mengucapkan Selamat Hari Raya, Maaf Zahir dan Batin, sekiranya ada antara anda2 pembaca blog gua ni yang pernah terguris atau terkecil hati sepanjang gua tulis cerita2 dalam blog gua ni, percayalah gua tidak pernah berniat untuk menguris perasaan sesiapa pun. <--- yeii...bagus kalau ada urang baca kan...warghkakakakakaa...perasan...oh ok, baru minta maaf kan...STOP.

Lama betul gua indak kasih tunjuk apa yang gua masak di rumah kan. Oleh kerana sudah beberapa lama gua tidak tunjukkan maka hari ni gua tunjukkan la apa lauk pauk yang gua masak tadi pagi untuk makan sahur kami.....antaranya adalah.....

Ikut arah jam : di atas sekali adalah sotong manis/hitam+ ikan masak mangga, ikan bakar dan sayur kangkung tumis belacan dan udang kering. Oh indak berapa nampak kan...mari kita tinguk dekat sikit....

Sotong + ikan, rebus sama mangga, letak serai, halia sebesar ibu jari dan lada merah besar........menitik2 air liur geng.....lebih sedap kalau ada bambangan mentah......adehhhh....puasa2 bah gua aplod gambar....

Ikan bakar....bayangkan gua bakar ikan ni, jam 3.30 pagi dalam kuali ajaib...kali kedua buat ikan bakar...memang sedap..... nanti gua tunjukkan kuali yang gua guna tu ah....

Sayur kangkung masak belacan, tumis bersama udang kering yang ditumbuk kasar....wah!!!!!...

Selain daripada gua anak beranak makan sahur...kami ada peneman setia....setiap pagi menemankan kami makan...siap duduk depan gua lagi....nampak tu ada sesuatu di atas meja...ala yang ada mata 2 tu.... makin ditenung makin pula macam 'dia' senyum sama gua...bikin gua 'malu2' mau makan.....

Gua pun indak tau, 'dia' tu tinguk gua ka atau tinguk ikan bakar gua.....bukan jak si 'dia' yang tunguk gua...atas badan dia pun ada juga yang kecik....jadi ada 4 mata la yang memandang gua....malu ai....kamu ada....teda kan....nah...gua ada ni...gua perkenalkan inilah antara 'bestfren' anak gua...si kura2 ijau.....kalau teda ni, ada la orang tu indak dapat tidur....warghkakakakakaka.....

Inilah kuali yang gua guna untuk bakar ikan tu. Indak payah guna minyak, kasih panas jak atas gas....panas jak kuali ni, terus la letak ikan.... lepas tu bakar la ikan tu macam biasa. Kuali ni gua beli di Parkson. Tapi bukan la beli sebenarnya, tapi 'redeem' biasalah kan Parkson selalu ada buat 'stamps' bonuslink tu, dapat jak 1o stamps dapat sudah beli ni dengan harga 99 ringgit, kalau gua indak silap, harga sebenar mau 2 atau 3 ratus jugak. Mula2 gua indak juga berminat mau beli ni, tapi 2 minggu lepas, masa gua pegi Parkson 1B, ada sepasang suami isteri ni, sampai 4 dia ambil...jadi gua ni dengan ringan mulut, pegi la tanya, tu wife cakap begini...

'banyak bagus ini kuali, bulih bakar ikan ka, daging ka, ayam ka...tidak payah susah2 mau cari arang...lu try beli satu la...'

Memang betul, memang bagus.....gua sudah 'pok2' laki gua ni, gua kira mau beli lagi 1....untuk simpan bah...lagipun gua masih lagi ada stamps parkson tu....kalau ada kad bonuslink lagi bagus...cuma kumpul 10 stamps jak, kalau teda kena kumpul sampai 12 stamps.

Inilah ada belakang kuali tu....

Dan ini adalah keadaan kuali selepas gua bakar ikan....menurut arahan dalam kad semasa gua beli kuali ni, kuali mestilah dicuci bila kuali dalam berkeadaan sejuk. Jangan susah, nampak jak melekat betul kan, tapi senang jak mau cuci kuali ni. Dan jangan risau, keadaan ikan bila dibakar atas kali ni, nampak ikan yang gua bakar diatas tu....gua sengaja tidak bagi 2...gua bakar seekor2.....tapi dalam ikan tu...masak betul.....isi ikan tidak kering dan tidak mentah....SEDAP gua cakap lu.....hari tu gua belah tengah ikan tu, takut2 indak masak kan...rupanya, indak payah belah tengah pun masak juga, dan paling penting sedap!!!!!!!

Pesanan dibawa oleh Puan Saiman....warghkakakakakakka

Beginilah keadaan kuali selepas dicuci.......memang senang mau cuci, indak payah la mau cari sabut kelapa mau kikis tu bekas ikan bakar...

Akhir sekali, gua persembahkan bunga 'daun' untuk 'menyegarkan' mata anda..... <--- ayat kaver...tapi apa yang gua mau bagitau adalah...nampak dalam pasu tu, ala yang warna pink tu...itu namanya adalah colour crystal ball....dan pagi ni suratkhabar ni memaparkan bahawa penjualan kristal ni dilarang penjualannya kerana membahayakan kanak2. Anda boleh baca di sini. Memang bahaya, sebenarnya bukan jak gua ada benda ni di rumah tapi di ofis juga. Kalau gua cuti dan tiada di ofis selama seminggu, gerenti bunga2 gua tidak mati, sebab walaupun air dalam pasu kering tapi kristal ni masih 'basah' jadi akar bunga tu tidak la mati.

Ok, panjangkan gua cerita ni kali, ini bermakna gua tidak akan bersiaran selama 9 hari mulai esok <---- konon kan, padahal selalu juga tidak apdet blog bah.....

p/s : mau minta maaf lagi balik sebab menayangkan makanan di waktu2 belum buka puasa ni....

Puan Saiman 'signning off'....

Hari ke-25 Puasa

2011-08-25T10:21:00.003+08:00

Gua ni kan, kalau kena bagi award, mula la bah feeling2 macam artis <--ataupun gua memang selalu feeling2 macam artis.....warghkakakakaka....bagi yg berpuasa sila tahan muntah anda, sebab kalau muntah, puasa anda akan terbatal secara automatik......hahahahahaha.....

Gua dengan bangganya mau bagitau la, award ni diberikan kepada gua oleh sahabat yang baru ada 'baby' baru...iaitu UmmiRosma......<---phewitttt...lawa kereta baru mu geng.....'wink'...

The Rules

1. Thank and link back to the blogger who gave you the award

2. Share 7 things about yourself

3. Pass it along to at least 15 fabulous bloggers

4. Contact the bloggers you awarded to let them know about the award

Ok, pertamanya gua mau berterima kasih la kepada UmmiRosma kerana meng'anugerah'kan award ni kepada gua. Terima kasih...terima kasih...gua sangat berbesar hati menerimanya, terima kasih kepada ibu dan bapa saya kerana membesarkan saya...opsssss....terlebih2 pula, warghkakakakakaka <-- kan apa gua cakap....mesti terus feeling2 macam artis bah....

7 perkara mengenai gua....

1) gua anak pertama dari 6 beradik. 5 Perempuan, bongsu baru adik lelaki...

2) dalam semua adik beradik perempuan, gua la paling cantik, paling gebu dan paling disayangi oleh parents gua...warghkakakakakaka.....<-- sila percaya....

3) gua paling suka makan yang pedas2 terutama sambal udang..tapi sejak mau bertambah 'muda' ni, macam tu perut indak sudah dapat terima makanan pedas, tapi kadang2 gua belasah juga, akibatnya gua kena gastrik teruk, itula sebabnya di rumah ada stok 'gaviscon'...utk makluman, sekarang ni ada 'gaviscon' yg warna pink, sedap dan lebih power...kejap jak sudah ok tu perut <---oiii...apa yg ko melalut pasal ubat gastrik ni ah.....'sigh'......sori la lari tajuk pulak.....

4) Gua ada geng...sama2 masuk kerja...bukan 1 urg tapi kami berenam.... Sebulan sekali kami akan berjumpa dan buat makan2. Kadang2 siap ambil cuti lagi tu.....oh ya, semua perempuan. Kalau ambil cuti, pegi tinguk wayang, makan2, pegi bowling, dan yang paling best, pegi kedai kain.

5) Gua paling takut dan geli sama ular. Biarpun nampak di tv, bila masa mandi, tengah cuci muka, biarpun tu muka tengah bersabun, kalau tiba2 ingat ular, terus buka mata....biar mata sakit, asalkan tu mata buka, mau pastikan tiada ular di depan...<--- dasar penakut bah kan...

6) Kalau UmmiRosma indak suka strika baju, gua pula suka cuci kain. Cuci tangan pula tu, bagi la 3, 4 besen, gua akan cuci dengan senang hati. Pernah gua pegi rumah parents gua, gua nampak kain 3 besen penuh...sedap jak gua cuci...sampai terkejut parents sama adik gua.... sebab itu pakaian durang direndam sekejap sebelum di cuci.... walaupun adik gua offer mau tolong, gua indak kasih...gua betul2 suka cuci kain....

7) Last sekali, gua ada satu penyakit yang pelik, kadang2 gua akan kena serangan berdebar2 dengan tiba2. Gua pun indak tau, tiba2 jak berdebar2...lepas 3-5 minit baru ok....walaupun jarang2 kena, tapi yang gua indak suka tu, masa tidur pun bulih terbangun kalau kena begini ni...jumpa doktor, tapi tu doktor teda apa2.....kenapa tu ah...bikin gua musykil ni....mungkin ka gua kena 'panic attack'...entah la....

Gua rasa cukup la sampai gua jak ni award. Tapi kalau siapa2 yang baca blog gua ni, kalau rasa2 mau buat, silakan.....

p/s : lagi 4 hari lagi berpuasa...indak sabar mau raya....

Puan Saiman 'signning off'....

Hari ke-17 Puasa

2011-08-17T12:43:00.002+08:00

Gua sebenarnya indak tau mau tulis cerita apa...(baca : mmg pemalas bah kan). Jadi gua mau cerita pasal apa yang gua alami masa beli baju anak gua di Suria (baca : ya......ya...gua tau, gua yang indak dapat menahan perasaan bila nampak baju budak2 yang cute2..jadi jangan salahkan gua, sila salahkan baju2 yang dipamerkan di gedung pusat membeli belah... jadi sebenarnya gua TERbeli baju anak gua di 2 tempat, di 1B dan juga di Suria). Jadi akibat pembelian yang kurang berhemah tersebut juga la laki gua tegur gua...pun dengan cara berhemah juga..

'cukup2 la tu, Ma..'

Sib baik itu jak ayat2 chenta yang dicakap, kalau ada lagi sambungan belakang, alamatnya adalah mogok indak mau masak utk sahur ni.....opppssssss indak bulih buat begitu, bulan puasa...kurang pahala puasa ahkak!!!

Apa yang gua perasan masa beli baju anak gua ni adalah.....beberapa orang' (baca : bukan semua) ibu atau bapa yang mau beli baju untuk anak2 'mesti' tanya anak2 tu, samaada baju yang dipilih menepati citarasa anak2. Dalam golongan 'hampir setengah' itu juga termasuk gua. Gua pilih2 anak gua pilih la dari apa yang gua pilih tu. Sampaikan gua rasa macam isi borang s.k.t pula, macam ada pegawai penilai kedua....'sigh'...

Masa mau 'cuba' baju tu, bulih2 lagi anak gua cakap, seluar indak selesa la, indak cantik la......macam2 lagi la. Sampaikan gua terdengar orang di bilik 'fitting' sebelah gua cakap begini sama anak dia...

'semua yang mami pilih kamu tidak suka, sekarang yang kamu pilih semua yang mami nampak tidak cantik..'

Nah!!!! Bukan gua seorang jak yang ada masalah pilih2 ni rupanya. Tapi gua bukan mau kasih cerita pasal gua atau pun orang lain membeli belah ataupun membesarkan mata kepada anak2, supaya anak2 tahu kita marah (baca : ataupun gua saja yang kasih besar mata sama anak, tapi anak gua buat derkk jak...)

Gua mau cerita pasal anak2 zaman sekarang. Begitu 'besar jurang' kehidupan 'kita' dulu2 berbanding anak2 sekarang ni.

Dulu2 - apa yang dibeli utk kita itu la yang dipakai...samaada baju tu longgar....kadang2 akibat terlampau longgar, siap lengan baju boleh terlondeh menampakkan bahu....seksi you.....

Dulu2 - sudahlah baju longgar, patutnya baju tu stail 'gaun' tapi apasal bila pakai panjang skirt tu sampai buku lali.....musykil (baca : supaya lama pakaiiiiii.....jimat) <--- ini barulah nama dia pembelian berhemah!!

Dulu2 - ukur kasut guna tali plastik/rafia. Masa tu mana tau kasut2 ni...maka feeling2 la kena kasih beli kasut ala2 anak patung (jangan haraplah macam barbie doll....masa ni barbie doll pun gua indak kenal..) sekali mummy sama bapa gua pulang, bawa kasih ala2 kasut but pua cu kang.....tapi masa ni, mana la tau kan, masa pakai kasut tu, gua feeling2 macam koboi pakai gaun (baca : patutlah bapa gua kasih beli kasut but, sebab raya masa tu musim hujan pula). Tapi masa ni bangga betul, siap balik2 cuba lagi tu. Macam la bulih bertukar kan.....

Zaman ni - kalau sendiri yang pilih, mmg ibu bapa feeling2 cantik la baju sama seluar, bila panggil anak, langsung dia indak berkenan....jawapan yang dibagi 'indak cantik'.... mau juga sendiri pilih, tapi yang dipilih mau juga cecah 2 kosong di belakang. Kalau curi2 bayar pilihan kita, sampai rumah langsung indak dipakai.....lagi parah!!!!

Zaman ni - baju sudah di beli, kasut dan stokin juga sudah. Sampai rumah letak di tempat kasut. Sudah beberapa hari kasut masih lagi dalam kotak, kotak pun masih lagi dalam almari. Langsung tidak disentuh. Sudah tidak menjadi kehairanan mempunyai kasut baru. Mungkin sebab bukan perayaan pun dibelikan......'sigh'...

Ini cerita semalam....kisah benar...

Lepas buka puasa, laki gua bawa gua jalan, dan tentu sekali anak gua pun ikut... pegi CP, tapi bukan mau beli gua beg ataupun gelang tapi pegi buat baju melayu. Tinggal 13 hari lagi berpuasa, baru mau buat, nasib baik masih ada lagi yang terima, tapi harga yang diminta jangan tanya la.....bisa jantung gua berdengup pantas, nasib baik bukan gua yang bayar..... ketika laki gua dan gua leka bercerita, tiba2 kelihatan anak gua pegi ke kaunter yang jual h/p. Dia tanya sesuatu kepada kakak yang kerja di kaunter tu. Kelihatan kakak tu menjawab sambil mengeleng2kan kepala, dan tersenyum. Gua tidak puas hati, sebab mana tau anak gua mau bawa kakak tu tinguk wayang. Jadi gua sama laki gua pun pegi la ke kaunter tu. Bila laki gua tanya anak gua...

'abang cari apa ...?'

jawab anak gua.....

'abang tanya sama kakak ni kalau2 ada sudah jual cover untuk tablet blackberry papa....'

Ya...anak gua baru 8 tahun....berbanding gua yang tau IT sikit...mungkin indak sampai 35%, anak gua lebih celik IT dari gua.... siap download lagu2 dalam BB phone gua......

Zaman memang betul2 berubah...........

p/s : indak tau mau cerita apa konon!!!!

Puan Saiman 'signning off...'

Hari ke-15 Puasa

2011-08-15T08:59:00.002+08:00

Hari ni sudah hari ke 15 berpuasa, jadi kalau tiada aral melintang tinggal lagi 14 hari berpuasa errr...2 minggu lagi la.

Amacam...ada sudah buat biskut ka.....jahit baju....kepada adikku Qaseeh.....selamat membuat sambal konfleks (baca : mmg betul2 rajin adik ni tau...kalau kakak..... jeling oven pun indak bah...'sigh') , dan kepada sahabatku CJ, selamat menjahit baju....(baca : sib baik ko jauh ging, kalau indak aku antar jak kain2 aku sama ko 'wink'....)

Setakat ni, gua sudah menerima tempahan.....errr maksud gua, menerima serunding udang kering yang gua sudah tempah sama kawan gua tempoh hari. Ok, berikut adalah 'barang2' baik punya yang gua tempah...

1) Serunding udang kering - diterima.

2) Biskut 4 jenis - belum diterima, dijanjikan selambat2nya minggu depan.

3) Kolopis/Kelopis - 200 biji, dijanjikan pada akhir minggu depan.

Semuanya gua tempah... ni tahun, gua langsung betul2 teda buat apa2. Teda buat baju, teda buat biskut. Tapi sudah beli baju...warghkakakakaa...itupun atas sumbangan laki gua....sepatutnya mau beli baju anak gua di Suria kununnya...tapi berubah fikiran pegi 1B, jadi alang2 beli baju anak, laki gua tanya la gua...

'mama indak beli baju ka..?'

'mana la mama ada duit, kan belum gaji lagi...' jawab gua.

terus la laki gua cakap...

'indak apa la, beli jak, papa bayar...'

Wah!!! Gua apa lagi...... gua rembat 2 pasang jubah. Kan gua sudah cakap, gua membeli secara berhemah......'wink'..... (macam hubby CJ cakap sama dia, politik bini)...warghkakakkakaka.....

Tapi apa kes, gua kasih beli anak gua 3 pasang seluar, 4 pasang baju tapi harga punyalah bukan main....lebih dari separuh dari harga baju gua bah *pengsan*.... sib baik bukan gua yg bayar, kalau indak, mau 3, 4 kali juga pengsan....silap2 masa bayar di kaunter tu pun, tu tangan berketar2.

Semenjak dua menjak teda maid ni kan.....<-- aikkk apasal balik lg cerita pasal maid ni..... terutama musim puasa ni, hari2 yang paling gua tunggu adalah hari lima, hari enam sama hari minggu. Bukan apa, 3 hari ni jak la gua dapat bersenang lenang sikit. Indak payah bersusah payah masa buka puasa. Berdesuupppp jak gua di dapur, dari balik ofis sampai lah buka puasa, tu tangan indak la kering...ada jak mau dibuat, kejap2 cuci tangan, kejap2 cuci tangan......kalau ikutkan hati mau juga minum segelas air rebina....tapi takut2 pula ada urg cakap di belakang...'rebiiinaaaa, keelaas ko Jah....'..... warghkakakakakakka <--- sila abaikan perasaan orang yang indak sabar mau beraya ini ya kawan2...Ok, sambung lagi cerita tadi.... kalau hari lima, hari enam sama hari minggu, tu laki bawa anak sama gua buka puasa di luar. Jadi gua indak la kelam kabut. Masa 3 hari tu jak la gua bulih feeling2 macam ada maid...ya la kan, ada urang kasih sedia , makanan sama minuman....tapi lepas buka puasa, balik rumah, gua lagi pula yang kelam kabut masak.....adehhhhh....

Ni lagi satu hal...kalau jak raya pertama mesti la gua beraya di rumah parents gua kan. Kalau tahun2 lepas, walaupun maid gua pulang cuti 2,3 hari, tapi maid2 adik gua yang lain ada, 2 orang pula tu, jadi adalah orang yang tulung2..tapi tahun ni, silap haribulan gua la yang kena cuci2 piring ni. Tambah2 lauk...adeiiii....kalau sudah jadi tukang melayan tetamu, merangkap tukang tambah lauk dan tukang cuci piring, bagus lagi gua pakai baju t-shirt sama seluar panjang.....oh ya, baju jubah yang gua beli tu, gua pakai jak dari pagi sampai la laki sama anak gua pulang dari masjid, lepas jak gua dapat duit raya...errrr... dapat ka tu ah..... harap2 adalah laki gua bagi amal jariah utk gua....warghkakakakka.... dapat jak, trus tukar baju...mana bulih cuci piring pakai baju2 jubah ni....abis baju i kena kari tau.......

p/s : wah!!!! Hot fm pasang lagu raya sudah.....

p/s/s : sekali lagi kepada Qaseeh dan CJ- kamu dua mmg 'kebal', teda maid, ada anak 2 urang, pun masih lagi bulih buat dan kasih setel 'hobi' kamurang...*tabik spring ni*

p/s/s : kepada adik2ku, jangan la lama2 kalau di rumah mentua, ingatlah kakakmu ini sedang berseorang memcuci piring. Sekian...

Puan Saiman 'signning off'....

Hari ke-12 Puasa

2011-08-12T09:03:00.003+08:00

nampak lagu diatas tu, begini la perasaan gua sekarang ni....padahal!!!! Puasa ada 17 hari lagi ni.........macam tajuk di atas tu la, puasa hari ni adalah hari yang ke 12....

Kalau ikut kalender Bulan2 Islam, 1 syawal jatuh pada 30/8 & 31/8...dan oleh sebab 31/8 tersebut adalah jatuh pada hari kebangsaan maka 1/9 adalah cuti gantian, bermakna kerja dalam minggu tersebut hanya 2 hari iaitu 29/8 dan 2/9.....itupun kalau diisytiharkan 30/8 raya la kan....bah, susah2 kalau kamurang indak dapat tangkap apa yang gua mau kasih eksplen, pg la bah tinguk kalender........tsk...tsk...tsk...

Semenjak dua menjak anak gua sudah tau minta itu ini...itu juga sebenarnya salah satu kenapa masa sambutan hari raya bagi gua agak meriah...gua rasa sepa2 yang ada anak...dan apa pun perayaan yang dirayakan...yang paling menggembirakan hati kita adalah apabila kita tinguk gelagat anak2 bila kita mau belikan durang baju...errr macam anak gua....

Biasalah kan gua ni sudah lah gebu dan......oppssssss indak bulih riak, masih puasa, lepas puasa barulah bulih riak balik....warghkakakakaka....opsssss..... ok balik ke cerita asal *tiba2 kan serius balik*.... waktu membeli belah bersama anak dan laki guala paling gua suka, pertama sekali mestilah sebab tu laki yang tukang bayar kan..... sebab kedua adalah sebab anak gua yang ensem tu....cewahhh!!!! oleh sebab ketampanan dan keenseman anak gua tu la, punya la payah mau suruh dia try seluar atau baju...gua di siniiiii tengah cari baju sama seluar...dia pula di saaaaaannnaaaaaaaa....sebelah mainan, bukan minta beli, tapi abis la tu mainan di belek2...kalau ada 7 rak, tujuh2 raj tu la dia pegi tinguk....sakit tau kaki gua yang gebu ni berdiri lama2..... tu belum lagi kena jeling2 manja oleh promoter baju....*sigh*..... jadi terpaksa la tu laki gua jadi tukang panggil anak gua....

Satu hal lagi, bila anak gua sudah datang, mau test baju lagi la...... mesti anak gua cakap begini...

'ok...ok tu Ma.....' ataupun ' bulih...bulih tu Ma'......tapi kaler dia yang pilih....ni tahun dia mau baju warna purple sama merah.....merah tu ok lagi, tapi jaaraaang betul bah baju anak2 lelaki warna purple....*sigh*... dan gua sebenarnya memang suka beli baju dan seluar jenama B*M ni...walaupun harga tu bulih tahan, tapi baju dan seluar tu tahan lama.... susah mau koyak kecuali la kena gunting ataupun kena sangkut paku atau dawai...... tahan lama lagi tu, walaupun tu warna seluar sudah luntur tapi makin lama itu kain makin bagus. Dan oleh sebab anak gua teda adik *sedih*...... makan kebanyakkan seluar dan baju diturunkan kepada sepupu sepapat dia la.

Semalam dalam perjalanan pulang dari rumah parents gua *gua buka puasa di rumah parents gua*..... gua tanya la laki gua...

'Pa, bila kita mau beli baju abang....' padahal gua mau cakap bila mau beli baju gua bah tu, jadi kaver2 sebut jak bah bilang anak kan.......

'hari minggu...' jawab laki gua...

Yessss.......hari minggu..... maka hari minggu ni gua akan membeli belah sambil berhemah ka kunun....errr bukan kunun tapi mmg berhemah...apa indak berhemah, kalau gua belum gaji kan....dan belum tentu lagi dapat bonus *semasa cerita ini ditulis, belum ada kabar apa2 lagi*....sedeyyyyy kan.......yang baru PM umumkan tu adalah kakitangan persekutuan, *sedeyyyyyyy....tiba2 ni*.... Kalau ada syukur Alhamdulillah, kalau teda.... apa bulih buat, raya tetap raya kan, tapi kalau ada pun bagus juga, mengurangkan beban gua....

Tapi!!!! Walaupun teda bonus...lagu raya berkumandang di komputer gua ni.....sungguh2 gua bersemangat.....

Puan Saiman 'signning off...'

Hari ke-11 Puasa

2011-08-11T09:55:00.003+08:00

aaaaaaahcchummm (bunyi bersin)........sreetttt....sreeett......<-- gua tengah buang hingus.....<---sori la ah...tidak dapat dielakkan lagi.....meleleh2 hingus gua ni..... bunyi batuk pun, bunyi manja2 sudah ni...konfem mmg mau demam ni. Tekak pun sudah mau start gatal2 ni...tunggu la lagi 1 atau 2 hari ni, demam bila2 masa mau singgah sudah ni....nasib baik juga bisuk sudah ari 5.....jadi ari 6 sama ari minggu bulih la rehat2.....maksud rehat adalah lepas sahur, jemur kain, mandi, solat...lps solat bulih la jadi 'sleeping beauty' balik.......

Semalam, sementara tunggu laki sama anak gua balik dari tarawikh, gua buatlah sambal lada udang basah...lama ni indak makan....walaupun badan lembik sudah ni...macam indak larat, tapi bila fikirkan 'nafsu' sendiri mau makan paksa juga diri masak ni. Lepas makan, kemas dapur terus mandi. Lepas tu kira2 mau terlelap, tu laki sama anak gua pun pulang. Bila gua mau bangun, laki gua cakap...

'tidur la.... indak payah la buat minuman, papa jak buat sendiri...'

Belum lagi laki gua keluar dari bilik, gua sudah tertidur....... Macam baru jugak gua tidur, sudah gua dengar bunyi jam.....gua dengar laki gua bangun. Bulih2 lagi gua tanya...

'jam berapa sudah ni....?'

'mau dekat jam 4 sudah...' jawab laki gua...

Gua terus bangun....cuci muka, berus gigi, terus pegi dapur.... kasih keluar sayur sama udang hidup dan tidak dilupakan bawang2. Gua sudah sediakan awal2, tinggal masuk kuali jak. Lepas masak...hidang terus la makan.

Oh ya, hari ni sudah 11 hari berpuasa. Setakat ni laki gua belum lagi bagitau bila mau pulang kampung. Seperti biasa, setiap tahun memang gua akan beraya di rumah parents gua dulu. Kalau gua indak silap 6 atau 7 tahun sudah gua akan beraya di KK dulu lepas tu barulah di kampung laki gua.......amacam..... meriahkan raya gua setiap tahun....warghkakakakaka..... ada cerita di sebaliknya tu kenapa setiap tahun gua beraya sama parents gua dulu. Ceritanya begini, sejak kedua2 arwah mentua dan ipar gua tiada, maka rumah di kampung tu kosong...errr bukan kosong, biras gua masih tinggal di sana...tapi mana kan sama ipar sendiri kan. Lagipun biras gua tu lelaki, jadi kalau pulang kampung pun, sampai jak di rumah, mesti gua sedih. Bukan sedih sikit2, tapi sedih sesedih...sedihnya. Rupanya bukan jak gua rasa sedih, laki gua lagi la......sampailah suatu ketika beberapa tahun lepas, dalam bulan ramadhan....laki gua cakap sama gua...

'mulai tahun ni, setiap tahun hari raya, kita beraya dulu di KK, lepas tu barulah kita balik kampung....'

'kenapa...?' gua tanya laki gua...

'sebab di sini (KK) masih ada bapa sama mami....di kampung papa tiada siapa2 sudah mau ditinguk.... lagipun, bila balik kampung nanti, kalau papa pegi kubur, indak sudah ramai urang pg kubur...' jawab laki gua.

'bah, mana jak papa....mama ikut jak..'.

Maka sejak dari tahun itulah gua mesti beraya duluan di KK, lepas tu barulah balik kampung. Itupun kalau di kampung, indak pernah la kami bermalam lebih dari 2 malam. Kalau kami balik tengahari..dalam 3 jam sampai.... esok tengahari mesti kami balik KK sudah. Bukan indak mau melawat saudara mara, tapi semua makcik2 laki gua tu sudah tiada, walaupun masih lagi ada sepupu sepapat, tapi masing2 pun ada mentua, jadi, memang tiada siapa2 lagi la....maka itulah sebab kenapa kalau beraya gua nampak macam mau indak mau jak laki gua mau balik kampung.

Bayangkan la, last gua balik kampung pun raya tahun lepas....raya haji pun teda balik.....cuma adalah laki gua balik 2 kali, pertama pegi main golf, kedua pegi attend orang kampung dia passed away.... jadi kiranya gua ni balik kampung laki gua setahun sekali la.....tapi kalau dulu, masa ada lagi mentua sama ipar gua...pantang cuti, mesti pulang, lebih2 lagi bila highway tu siap, lagi la rajin kami pulang....

Kelmarin, bersungguh2 gua ni tanya laki gua bila mau balik kampung, tapi tu laki jawab 'belum tau lagi...' Jadi sekarang ni pun gua tertanya2 la bila la mau balik kampung ni....

Aikkk..... apasal bulih tercerita kisah mau balik kampung ni ah....padahal llagi 2 minggu puasa.....uishhhhh.......

kohh...kohh...kohhhh....ala batuk la pula.......aaaaachummmmm....opsss.... terkeluar pulak ingus ni......

Puan Saiman 'signning off'....

Hari ke- 8 Puasa

2011-08-08T09:45:00.003+08:00

Hari ni sudah 8 hari berpuasa....gua anak beranak masih lagi dalam masa2 meng'adjust'kan masa. Tapi setakat ni masih 'alive n kicking' la. Penurunan kegebuan pun semakin rancak <--- apa indak rancak, kalau buat kerja rumah macam kuli batak....tolak indak cari kayu api sama angkat air jak....semua gua buat kecuali lipat kain sama strika baju jak.... setakat ni sejak gua teda maid ni sampailah ke hari ni gua sudah 'kehilangan' 5 kilo.....bangga....tidak jugak sebab maklumlah orang gebu ni kan, kurang atau tidak tu kegebuan di badan, macam tiada perubahan juga.....Jadi kepada pusat2 peng'kurus'an badan....ataupun tokei2 yang jual jamu di luar sana, sila la ambil gua jadi 'model' kalau gua sudah kurus macam pasa senda....ataupun macam wadina sapia..... jadi bulih la tipu urang ramai lagi.... <---- adakah drng ambil model yg mmg kurus2 jadi model, klu berani ambil bah adeeba nor jadi model, syani indak bulih sdh sebab dia buat pembedahan kasih 'kecil' perut, jadi indak adil mau ambil dia jadi model.....

Isshhhhh.... apa bah gua cerita ni...lain hal bah sebenarnya gua mau cerita ni....sori la melalut2 pula gua ni.....Gua mau cerita pasal beza puasa gua dulu2 ataupun masa gua budak2 dulu, berbanding puasa anak gua sekarang ni....

Puasa gua dulu2...sebarang permintaan tidak akan dilayan. Maksudnya...apa jak disediakan dan dihidangkan mesti di makan. Kalau indak mau makan, jangan makan. Tiada pilihan. Tiada lagi kena tanya mau makan apa utk buka puasa. Untuk sahur mau lauk apa...tapi dulu2 mana la pandai mau minta apa2 kan....apa jak kena masak, itu la bah paling sedap....baca : maklumla budak2 dulu inisen, dlm bahasa kasar...dulu2 buduh sikit....warghkakakakakakak...bukan ada estro...paling2 tv1 sama tv2, itu pun pukul 5 petang baru ada gambar...katun pun kurang masa tu...paling2 yg ada pun gaban, satria baja hitam dan iklan paling popular ding dang......hahahahahaha.....

Kalau masa bangun sahur tu, sekali jak mami atau bapa gua bersuara, kelam kabut bangun, kalau indak bangun kena cubit...silap2 kena siram air.....jadi sebelum kena siram air, bangun terus.... kalau masa makan, indak berani mau makan sambil tutup mata, kalau mami atau bapa gua nampak, silap2 kena suruh tidur balik....jadi siapa yang rugi indak makan...gua jugak kan.....hahahahahhaha....nostalgia ni....

Puasa stail anak gua... setiap hari ni laki gua tanya anak gua mau makan apa utk buka puasa. Lepas buka puasa terus kena bagi RM5 sebagai upah berpuasa. Bila gua cakap bagilah nanti utk duit hari raya, tu laki gua jawab 'biarlah, utk semangat supaya puasa 1 hari...'. Tapi yang gua musykil tu, kenapa gua indak dapat, gua pun puasa 1 hari juga. Siap masak lagi ??? ...'Ini tidak adil...tidak adilll <---- sila ikut intonasi Yuna menyanyi yer.....

Sebelum gua masak untuk sahur, siap gua tanya lagi ni, makan sahur nanti mau makan apa....minum apa....Kalau bangun sahur, laki gua siap cium anak gua tu, kasih basah muka dia gua saputangan....masa makan sahur, walaupun anak gua makan sambil tutup2 mata, abislah kena 'puji' segala kata2 manis, janji2 manis segala2nya manis la....pujuk anak supaya makan, walaupun sikit, supaya indak haus dan lapar...janji segala bintang dan bulan.....padahal gua tahan hati jak tu......

Yang gua paling indak tahan tu, bila papa dia ikutttt jak kemahuan dia....siap bagitau lagi tu minggu lepas...'this friday we eat outside...abang mau buka puasa di mana????'.... nampak tu...anak gua yang kena tanya...nasib baik la anak gua tu dapat baca fikiran gua...trus anak gua tanya gua...'mama mau buka puasa di mana'.... wah!!! gua ni pantang ni...pantang kena tanya.....gua pun dengan selamba sambil kaver2 kunun, trus jawab..'kita buka puasa dekat2 jak la...di *pekan lama* <--- sila translate ke bahasa kulit putih yer kawan2.... terus anak gua jawab...'ok, friday we eat there, saturday di Gayang ok...' nah!!!! nampak kamurang tu, permintaan anak gua......yang bikin gua indak tahan lagi tu...bulih2 tu laki jawab 'ok, no problem...'

Nampak perbezaan gua dulu2 berpuasa sama anak gua.....tapi itulah berubahan zaman kan. Kalau dulu2 mau minta beli mainan pun punyalah takut, tapi sekarang ni anak2 kita minta beli mainan, bukan main lagi...siap pilih sendiri. Sudah la pilih sendiri, tidak lagi durang tinguk berapa harga....terpaksa juga kasih beli kan. Bukan pasal telampau sayang anak. Tapi kalau tidak dapat kasih beli yang mahal, dari kedai 2 ringgit pun ok. Cuma beli tu memang kena kasih jugak la. Sebab dulu2 kita bukannya dapat minta beli. Sebab nangis guling2 pun gerenti indak dapat la. Kalau kena kasih beli pun, mungkin sebab ada lebih2 sikit tu duit bapa ataupun mungkin masa tu sendiri besday. Tapi dulu2 mana la bernafsu mau sambut besday kan. Masa tu besday sendiri pun indak tau. Tapi anak2 sekarang, lagi bulan mau besday, dalam masa 6 bulan tu la, hari2 kasih hint2 mau minta beli apa....adehhhhhh..

bersambung......

p/s : mode gua sekarang : sedang mendengar lagu2 raya yang lama2....syahdunya......

Puan Saiman 'signning off...'

Hari ke-4 Puasa

2011-08-04T09:09:00.007+08:00

Betul2 indak rasa, hari ni sudah 4 hari berpuasa. Bermakna sudah 4 hari juga gua belum ada pegi Bazar Ramadhan. Bilang indak mau pegi tu, mmg mau jugak. Tapi bila fikir2 balik, kalau pun pegi, mestilah gua kelam kabut balik rumah....maklumlah gua kan rajin....<-- terpaksa la bah buat2 rajin kan, kalau indak sepa mau buat keja rumah....adehhhh....

Ok, gua mau kasih cerita sikit, pernah ka kamurang nangis sebab sakit hati. Bukan sakit hati sama urang lain, tapi sakit hati sama diri sendiri...ahhhh...... apaaaaaa???? Tiada....bah kalau indak pernah tu, kamurang la paling best....tapi gua pula ada...baru2 ni...ataupun lebih tepat kelmarin subuh.....siap nangis geng.....jangan kamurang.....sedih ni...betul2 gua sedih...sampaikan laki sama anak gua pun heran...tiba2 nangis ni....sedih ging.... Ceritanya begini....

Gua memang hari2 cuci kain..... selang2 cuci kain, kalau cuci sekali, alamatlah tu jemuran kain indak muat bah ging.... Kalau gua cuci kain guna manual (baca : cucian tangan utk baju sekolah sama baju kerja) hari 1, bermakna hari 2 tu memang gua cuci kain guna mesin, utk baju2 rumah. Bergilir2 la..... <--- nah, rajin kan maka sila la percaya.....

Itu baru perenggan pertama ya kawan2....cerita selanjutnya.... Jadi dengan semangat yang berkobar2 tu...maka sebelum buka puasa hari selasa tu, dengan semangat gaban langit ke-7 bersama kuasa sakti yang ada dalam badan ketika itu, maka gua berjayalah mencuci kain sebanyak 3 besen.....3 besen ya kawan2, bukan anak besen tapi mama dan bapa besen. Cucian manual ini termasuklah baju kerja, baju sekolah dan baju jalan2 makan angin hari minggu tu. Dan juga termasuk baju melayu yang laki gua bawa pegi sembahyang tarawikh. Tidak dilupakan juga baju anak gua. Gigih ni mencuci....... gua cuci dari jam 4.45 petang, sampai la buka puasa lebih kurang 6.30 petang. Sampai azan berkumandang di radio ni. Tu laki beriya2 ni panggil utk buka puasa. Gua cakap buka la puasa dulu, sebab tinggal 6 helai lagi baju utk dibilas....<-- nampak...... gigih juga gua kira kain kan...warghkakakakaka... siap jak gua bilas, terus buka puasa ni.....lepas buka puasa, kemas lagi meja...cuci semua pinggan mangkuk..... lap meja...... lepas laki sama anak gua pegi tarawikh, gua terus jemur kain ni........ lepas jemur kain, gua masuk mandi. Lepas mandi terus baring2 ni......konon2 feeling2 pengantin baru la konon mau tunggu tu laki balik dari tarawikh......tapi BIG MISTAKE.......gua TERTIDUR........ siap tidur ala2 sleeping beauty lagi tu.......nasib baik la, gua sudah masak nasi dan kasih panas lauk. Gua cuma panaskan lauk masa buka puasa tu, sebab tu laki bilang masa sahur nanti mau makan roti jak <--- selamat lagi gua...hahahahahaha.....

Subuh tu bila gua bangun.... tu laki sudah tulung kautkan nasi..... sekali gua keluar pegi belakang rumah......KAIN GUA.....bukan...bukan kena curi...tapi gua lupa tarik tu jemuran kasih masuk dalam (yang berbumbung)... HABIS BASAH SEMUA...kena hujan......sedih tau hati gua....panas hati utk diri sendiri lagi....... tu kain basah bukan lagi sikit2...tapi sampai menitik2 air dari kain....bah, kamurang rasa la kan, kalau kamurang di tempat gua.....indak ka bikin sedih tu..... sudah la puasa, letih lagi, sudah la letih, penat lagi cuci kain, last2 tu kain semua basah kena hujan. Padahal sebelum TERtidur tu, konon2 mau rehat la sekejap, pulang jak tu anak sama laki gua dari tarawikh baru la konon gua mau kasih pindah kain......adehhh.....sekali tinguk lain pula jadi....

Maka pagi tu, jadi la gua Neng Yatimah.....menitik2 ni air mata..... maka sahur di pagi hari (baca : kelmarin subuh) gua cuma makan 2 sudu jak...lepas tu cuci piring sambil2 feeling jadi pelakon air mata..... sampai tu laki diam jak...indak ni dia cakap apa2.....sedih jugak kali dia nampak gua nangis. Indak lama lepas tu, gua nampak tu laki gua angkat kain dari jemuran. Gua tanya la dia mau buat apa....tau apa laki gua jawab...

'mau hantar kain pegi dobi.....'

Nah, indak lagi kamurang mau nangis dengar tu. Bukan nangis sedih, tapi terharu ni....wah ayat.....TERHARU!!!!!

Maka gua pun dengan hati yang masih lagi bersedih jawab...

'indak payah la, biarlah mama bilas balik. Minggu depan jak antar dobi..'

warghkakakakakaka.....nampak ayat terakhir tu, minggu depan jak antar dobi. Ya kawan2, itu jawapan ayat2 sedih ah....silap tul gua cakap kan...cuba la kalau gua cakap begini....

'minggu depan jak la beli gelang'......(sambil2 lap air mata) gerenti dapat kali tu kan....warghkakakakakkaka....oopppssssss puasa2...sabar2....

Maka lepas sahur tu, balik lagi gua bilas kain baju tu. Lepas jemur, terus gua tarik jemuran kain tu kasih masuk...PADAHAL matahari pagi keluar sudah ni. Tu burung2 atas pokok nangka pun bersiul2 gembira. Sib baik bulan puasa, kalau ikutkan hati mau jak gua lastik.....macam durang bersiul2 tu menyindir gua pula, sebab 2 kali bilas kain... Oleh sebab matahari bersinar dengan amat terik dan kepanasan yang melampau, semua kain yang dijemur telah kering sekering-keringnya. Bila gua balik dari ofis kelmarin, laki gua sudah tolong angkatkan kain...Tq darling !!!!

p/s : Neng Yatimah adalah seorang pelakon zaman 60-an. Terkenal sebagai pelakon air mata, sebab semua lakonannya ada babak2 airmata sahaja. Untuk ketahui pelakon air mata ini dengan lebih lanjut sila la google sendiri. Gua puasa <---- alasan semata2.....

p/s/s : sekarang ni gua ok sudah. Mesti kamurang hairan kan kenapa gua cuci manual. Bukannya part time maid yg buat. Bukan gua tidak harap, tapi gua nampak macam tidak bersih baju2 yang dicuci, jadi tu part time maid cuma buat kerja - kasih bersih rumah, lipat baju dan strika baju - gaji harian RM25 sehari. Datang hari 6 pulang hari minggu. Tapi dia datang jam 6 petang ari 6 dan pulang jam 4 hari minggu. Dan dia cakap itu 2 hari....bukan 1 hari ka tu, indak sampai pun 24 jam kan.... entah la.....lain kali pengiraan dia tu kan. Tapi indak apa la, yang penting ada urang tulung2 juga.......

p/s/s/s : ada seorang maid mau kerja sama gua...beriya2 ni.... minta gaji pun cuma RM300 jak...murah kan....memang murah.....tapi apa kes kalau dia kerja dia mau bawa anak. Sudah la mau bawa anak, tu anak dia pun baru umur 9 bulan....ya ging...bukan 9 tahun tapi 9 bulan. Kalau begini ni, bukan dia tulung gua, tapi gua lagi pula tlg dia jaga anak. Kalau dia buat kerja anak dia nangis, kalau kebetulan gua ada di rumah, sepa juga jaga.....gua juga...jadi jangan harap la gua mau ambil.......

Sekian.

Puan Saiman signning off.....

Puasa hari ke-2

2011-08-02T13:15:00.003+08:00

Salam...salam.... hari ni sudah hari ke-2 berpuasa....tipu la kalau bilang gua indak penat. Sudahlah berpuasa, walaupun pulang jam 2.30 petang (masuk kerja jam 7.30 pagi) waktu bulan puasa ni, tetap jugak la sampai di rumah terus la berperang di dapur kan. Kalau tahun2 lepas, masa ada maid bulih la bermanja2 sikit tu badan, sekarang ni.....adehh...abis terdera lemak2 tepu di badan ni....warghkakakakaka....

Pagi gua, bangun jam 4.00 pagi, sebab last sahur jam 4.40 pagi. Bila sudah bangun, gua nampak makanan semua sudah terhidang di meja....oh bukan....bukan maid gua...tapi tu laki gua tolong gua....ehemmm......jangan dulu kamurang terkesima kerajinan laki gua tu...baca dulu cerita ni sampai habis.

Lepas makan sahur, gua cuci segala mak nenek periuk belanga, pinggan mangkuk, bersihkan meja. Lepas tu barulah gua minum2 sampai la dekat2 jam 4.40 pagi. Lepas minum, solat dan lepas tu barulah gua berperang lagi sama kain2 utk dicuci.

Lepas cuci2 kain, jemur, barulah gua mandi.....bersiap, terus pegi kerja. Pulang kerja, lepas jak solat terus menyapu rumah. Lepas menyapu, angkat kain lepas tu barulah gua mulakan perang lagi di dapur......masak utk buka puasa. Kelmarin petang, gua cuma masak mihun goreng udang ngan kerang. Buat jak air sirap....abis cerita....selebihnya semuanya laki gua rembat dari Bazar Ramadhan dekat ofis dia.

Sambil2 gua masak, gua sediakan juga la masakan untuk sahur (selalunya gua memang masak awal, jadi keesokkan paginya tinggal kasih panas saja). Lepas habis masak, gua ambil anak gua pulang dari tuition, lepas tu sambung lagi kerja2 di dapur (potong sayur la, bawang la, ikan la)..... lepas tu barulah gua boleh rehat. Tapi belum lagi panas tempat duduk, sudah mau dekat buka puasa. Kasih sedia lagi makanan utk di makan. Lepas buka puasa, kasih bersih lagi meja, cuci lagi pinggan mangkuk.....solat lepas tu rehat setengah jam. Rehat tu ertinya mandi la tu....bukannya duduk2 sambil tinguk tv yer kawan2. Sebelum laki sama anak gua balik dari Tarawikh, gua start masak lauk utk sahur. Lepas habis masak. Gua sediakan nescafe dan milo panas utk laki ngan anak gua <---- gua akan buatkan drng ni bila gua nampak kereta sudah masuk di porch. Masa ni barulah gua akan duduk2 ngan laki ngan anak gua dlm 10 minit, sebelum anak gua masuk tidur. Gua kunci pintu belakang, dan sebelum masuk tidur, gua akan sediakan pinggan mangkuk dan sudu2 yang akan digunakan masa sahur <--- jadi laki gua cuma tolong panaskan lauk, 'kaut'kan nasi dan lauk. Kemudian hidangkan.

Oh ya, selain dari tolong gua 'kaut'kan makanan utk sahur, tugas laki juga adalah mengambil anak gua dari sekolah dan menemankan dia di rumah sampai jam 2.00 petang. Kemudian barulah laki gua pegi kerja. Tugas laki gua juga adalah membuang sampah. Dari bakul sampah di dapur, bakul sampah dari bilik dan juga dari bakul sampah di 'study room'. Itu saja. Kerja selebihnya gua yang buat...... itu cerita puasa yang baru 2 hari ni....cerita sudah sebulan teda maid ni...nah!!!! lah kan....yang bikin gua lucu tu...bulih2 tu laki cakap...

'Hairan kan Ma, sama2 jg kita buat kerja, tapi berat papa ni tetap jgk menten...berat mama pandai lagi berubah.....'

Alah...yang oiii...tinguk2 la bah.....sayangmu ini buat berapa banyak kerja.... <--- tapi gua jawab dalam hati la kan.....

Petang ni kena masak lagi...sejak anak gua ikut puasa ni, tidak la dia mau makanan kena beli dari luar, mau juga gua yang masak.....dan hari ni dia mau makan nasi. Dari pagi la gua fikir2 mau masak apa untuk petang ni. Anak gua tu suka makan kari, tapi tidak la juga gua mau masak kari, sebab gua takut nanti kena gastrik, sebab kari tu kan pedas. Mungkin gua mau masak sup telur (kegemaran anak gua), goreng ikan ngan tumis sayur jak la ni. Tapi sayur apa la mau di masak ni ah....pening kepala fikir...tu belum lagi fikir mau masak apa utk sahur...nanti la sampai rumah barulah gua fikir2 mau masak apa....

Kepada semua yang berpuasa...gua ucapkan selamat berpuasa dan berbuka puasa petang ni dan kepada geng2 yang lain..selamat berhimpit2, kena asap ayam/ikan bakar, dan selamat membawa berplastik2 makanan yang dibeli dari Bazar Ramadhan....macam2 ada kan di Bazar Ramadhan. Itu la pasal gua indak mau pegi bazar ni...bukan, bukan pasal gua takut kena asap, tapi bila gua pegi bazar ni, macam gua rasa2 terus la mau tinggal di sana.....sebab di kiri kanan tangan penuh sama makanan, tapi bila buka puasa, minum air sama makan kurma, terus kenyang, makanan atas meja jadi perhiasan....dan seterusnya tu makanan masuk dalam rumah cik tong.......jadi gua sebenarnya mengelakkan pembaziran...<--- sila baca : lupa diri bila nampak 'semua' pun ada......

Puan Saiman 'signning off'.....

Berita terkini...

2011-07-29T09:36:00.002+08:00

Salam Hari Jumaat.....pejam celik, pejam celik, sudah hari lima kan. Dengan rasminya, gua sudah sebulan tiada maid. Nasib baik la anak gua seorang jak, jadi ringan sikit la. Lagipun anak gua tu boleh sudah tolong2 gua rendam baju sekolah, rendam kasut. Dan paling penting kalau dia lepas mandi, bulih sudah dia usai2 sabun mandi sama berus gigi dia sendiri, kasih letak di beaks dia balik. Kalau dull...lps mandi...abis tu sabun mandi sama tu berus gigi ampai2 di lantai....sejak tiada maid ni...gua nampak bulih pulak dia berdikari.....hmmmm......

Kalau tiada aral melintang, minggu depan sudah mula berpuasa. Jadi bermakna, bulan puasa nanti, gua akan pulang awal, jam 2.30 petang gua pulang rumah sudah. Jadi bulih la gua kemas2 rumah dan masak....errrr.....masak.....Insyaallah...kalau rajin la....... tapi sejak tinggal bertiga ni, gua ngan laki gua rasa, lebih jimat lagi kalau tapau saja. Gua cuma masak nasi, beli ikan bakar ngan sup sayur. Bulan puasa ni nanti lagi la.... silap2 makan sahur cuma 2,3 sudu jak...... maklumlah baru2 puasa...tapi cuba lepas 10 hari berpuasa...lepas makan sahur, mau juga buat minuman pan as...sambil2 cecah biskut kering......warghkakakkakkaka.....orang puasa turun 3,4 kilo...gua....tatap menten....hahahhahahahahaha <---- atau gua jak begini ni.......adehhhhh.....

Semenjak ketiadaan maid dalam sebulan ni, jadual kehidupan gua lebih tersusun. Sakit2 badan juga sudah berkurangan. Dapat sudah gua kontrol tu mata tidur jam 11 malam, kalau baru2 maid gua berhenti, jam 9 sudah pengsan...warghkakakakaka....Laki sama anak gua bilang, rumah lebih bersih. Kain baju yang dicuci lebih bersih dan wangi. Dan yang paling ketara barang2 dapur gua......JIMAT....tiada lagi suara2 minta beli sabun cuci la...sabun pewangi la....telur la....dan paling tidak tahan...megi....makanan tin jgn ckp la, bila belanja di supermarket bukan main lagi gua bersemangat beli...bila mau makan....tau2 habis sudah....adehhhh......mmg jimat betul la sekarang ni....

Bisuk hari 6, gua sudah ada planning sama laki gua. Untuk menyambut puasa ni, gua malas mau pegi tamu. Jadi esok gua laki bini akan berbelanja di tamu la ni. Macam2 mau di beli. Lagipun semenjak sebulan tiada maid ni, baru sekali gua pegi tamu, kalau dulu....tiap2 minggu gua pegi....hairan betul gua. Sekarang ni bila gua beli barangan dapur, gua beli pun bukannya ban yak, tapi masih lagi tidak terhabis, kalau dulu, jangan cakap la, bayangkan 1 ekor ayam utk seminggu, sekarang ni gua beli ayam 1 ekor, mau dekat sebulan baru habis.....kadang2 masak 6 ketul pun tidak habis.....kalau dulu sekali masak setengah ekor....selesai.... masak ayam 2 kali seminggu.....itulah kadang2 tu laki gua cakap....macam seolah2 ada 5,6 orang dalam rumah makan.....adehhh <--- sambil geleng2 kepala.... Tengahari bisuk gua pegi kenduri.....malam tu pula Insyaallah mau bw anak gua tinguk wayang, sebab kegiatan malam sebulan berpuasa nanti akan terhenti seketika, sebab tu laki sama anak gua pegi sembanyang Tawarikh..... dan seperti biasa la seperti tahun2 lepas, lepas jak durang pulang sembahyang Tarawikh, singgah rumah ambil gua, terus pegi drive tru' di Teluk Likas......lagipun bulan puasa cuma sebulan dalam setahun, jadi kalau tidak pegi tinguk wayang dal am sebulan tu pun bukannya jadi apa2 pun kan 'wink'.... tapi kegiatan malam jak la....kalau hujung2 minggu tu, sementara tunggu masa berbuka tu....petang la bah tu kan...bulih jugak pegi tinguk2 wayang ka....errr......bulih 'window2 shopping' ka <---- hint2 ni utk laki.....warghkakakakakka...

Malam nanti, gua kira mau kasih keluar baju2 Melayu laki gua, maklumlah baju2 ni setahun sekali baru la keluar dari almari. Sebab mau pakai pegi sembayang Tarawikh...... ni kalau cuci ni, mau penuh jemuran gua esok pagi, oleh sebab 'part time maid' gua cakap yang dia mau datang esok pagi2 dan pulang petang sebab hari minggu dia mau buat kenduri, jadi gua pun kasih keluar dari almari dan terus cuci la ni..supaya bila kain semua kering sebelum petang esok, sempat la lagi dia strika.......<---- ketara la bah kemalasan mau strika baju kini semakin tebal dalam diri.....hahahhahahahaha Banyak2 la kerja di rumah tu kan, gua paliiing la indak suka mau lipat sama strika baju. Biar la kain menimbun mau dicuci...sanggup ni gua, tapi kalau bab2 strika sama lipat kain ni.....adehhhhh.....kurang sikit <----- bukan kurang sikit...tapi banyaaaakkkkkkkkk....... bulih2 gua tanya laki gua adakah mesin lipat baju sama strika kain.......<---- trus laki gua tinguk gua dgn pandang gua macam dalam hati dia ....'biar betul bini aku ni......ataupun dalam hati dia ' aduiiii pemalasnya bini aku yang cantik dan gebu ni.......' warghkakakakakkaa....opsssss.......

Seperti biasa oleh sebab hari ni hari 5, jadi kegembiraan gua adalah berganda, walaupun hujung minggu gua berlalu dengan cepat sekali. Buat ini, buat itu, sudah petang. Kadang2 kesian juga gua sama anak dan laki gua, terpaksa la durang tunggu gua sampai gua selesaikan kerja. lepas tu baru la dapat kami berjalan. Kadang2 tu laki lagi terpaksa tulung kasih pindah kain, takut kena hujan......<---- atau tu laki indak sabar mau jalan sudah......maklumlah orang cantik dan gebu sibuk mau pakai mekap.....warghkakkakakakaka.... Sudah 2 minggu laki gua indak lagi balik2 sebut mau ambil bibik......warghkakakakkaka....sebab mungkin dia tau sudah jawapan gua tu....

p/s : tq for sis Honey sebab tanya khabar gua melalui panggilan telefon walaupun kakakmu yang tidak sempat menyambut panggillan tersebut. Juga sms.....dan juga pesanan melalui FB...luv u sis....take care n hugs.......

p/s/s : sudah kamurang pegi tinguk Harry Potter, kalau kamurang belum tinguk, pegi la tinguk, pertama kali gua tinguk wayang, orang dalam panggung wayang bagi tepukan untuk film terakhir Harry Potter ni, Sekiranya kamurang bukan peminat cerita magik2 ni.....bah, tinguk la bah cerita lain......

Puan Saiman 'signning off'......

Mau cakap pun susah.....

2011-07-22T15:14:00.005+08:00

Nampak kamurang tajuk di atas tu...bukan untung sebab beli barang.....belum gaji lagi ging, mana lah bulih perasan2 macam tu duit dalam bank semua gua punya kan.... hari ni gua mau cerita bukan pasal gua tapi gua mau cerita pasal budak2 atau remaja2 zaman sekarang ni...

Seperti yang gua pernah bagitau (adalah dalam beberapa kali...atau sekali dua jak), gua bekerja sebagai kuli di kutub khanah. Oleh sebab tu la, setiap hari gua bulih nampak gelagat budak2 remaja.

Adegan 1.....

Ibu atau bapa hantar ke kutub khanah untuk menelaah pelajaran. Ibu/bapa hantar ke depan pintu. Si anak remaja turun dari kenderaan.. Masuk ke dalam bangunan.....maka menunggulah sang remaja yang berlainan jantina. Oh...tidak salah belajar bersama2. Belajar bersama tersangatlah baik. Tapi apa kes, dari datang sampailah pulang, duduk dan bercerita. Buku di atas meja. Dibuka, tapi tidal dibaca. Hanya dijadikan perhiasan meja.....entahlah.....

Adegan 2......

Datang ke kutub khanah.....Bawa beg, bawa buku, bawa botol minuman. Untuk diminum sekiranya tekak terasa dahaga. Tidak dilupakan juga bawa baju tebal, maklumlah penghawa dingin agar dingin suhunya. Maaf, bukan mengata, jauh sekali bersifat dengki...tapi janganlah pakai seluar yang terlalu pendek. Nanti orang lain menjeling. Bukan sekali tapi berkali2. Dan janganlah marah atau buat aduan sekiranya kurang selesa dengan jelingan nakal orang lain.

Adegan 3......

Adakalanya.....kelihatan beberapa remaja dihantar oleh ibu bapa masing2. Adakalanya menaiki bas, dan selainnya gua kurang pasti. Tapi kenapa berkumpul di taman depan kutub khanah. Jogging...oh...tiada orang berjogging jam 3 petang. Dan mereka2 ini berkumpul di pondok2 yg terdpt di tmn tersebut. Masa dihabiskan di sana sambil berbual kosong.....

Adegan 4......

Sekumpulan remaja sedang duduk2 semeja. Di atas meja kelihatan buku2 terbuka....agak bertaburan. Mulut berkunci. Mata tertumpu kepada sesuatu. Jari jemari sibuk. Bagus kan....kyusuk sungguh remaja2 ini. Oh tapi mereka bukan belajar, tapi masing2 sedang membalas sms......

Adegan 5....

Hebat....sangat2 hebat.... remaja kini kebanyakkannya mempunyai notebook sendiri. Sebagai ibubapa, kita mau yang terbaik utk anak kita kan. Tapi notebook yang dibawa bukannya digunakan sebaik-baiknya. Tapi digunakan utk melihat u-tube......utk melayari fb....tidak.....memang tidak salah untuk melayari website terse but...tapi apalah guna bawa buku sekolah yang hanya diletakkan di tepi meja......

Begitulah antara remaja2 yang dapat dilihat. Kadang2 gua sedih melihat situasi ini. Susah payah ibu bapa menghantar mereka ke kutub khanah, tapi mereka tidak menggunakan kemudahan yang disediakan dengan sebaik2nya. Tapi bukan semua...hanya segelintir sahaja....

Puan Saiman 'signning off'.....

Akhirnya...

2011-07-21T09:46:00.004+08:00

Akhirnya dapat juga gua apdet blog... bukan apa... gua selalunya apdet guna ofis punya harta, hari ni guna sediri punya la pulak..... tapi masih juga buat di ofis...

Sebenarnya...dari minggu leaps lagi gua mau apdet blog ni...lebih2 lagi bila terima jemputan dari my dearest fren CJ, lagi la berkobar2 semangat ni....tapi apakan daya....semuanya musnah kerana blog tidak dapat di buka. Gigih ni semangat...sampai pegi tanya di blog website ni, tanya2 kenapa indak dapat dibuka. Maklumat diterima diantaranya kemungkinan talian internet 'slow' alalalalalaa....memang pun....entah kenapa semenjak dua menjak ni, talian internet mmg la 'slow' mcm siput....siput pun laju.....warghkakakakkaka...

Nasib baik la tu laki kasih pinjam ipad2......jadi dpt jgk la main2 di ofis ni....lps apdet blog, bulih la main2 game, bosan2 main game bulih buka fb.....warghkakakakakakkaa...opsssss....< sambil tunguk kiri kanan....

Lain pulak cerita, kamurang perasan ka estro skrg ni ada bagi saluran percubaan percuma, ntah apa nama dia tu pelangi ka, bintang ka....fuhhhhh...sib baik la, gua skrg teda bibik, kalau ada...................<---sila isi tempat kosong tersebut. Pembayang jawapan...sedangkan dulu, tiada saluran percuma pun, bulih2 limping dpan2 tv jam 9....lebih2 lagi klu ada...silap2....tu bibik cuma berdiri pegi kencing jak, makan minum, lipat akin semua depan tv..... silap2 haribulan, baru majikan keluar dari gate, blum sempat tut up gate, sdh angkat tilam bantal, limpang2 dpan tv.....warghkakakakkaa <---ketawa sbb skrg ni teda bibik...klu gua ada bibik indak la gua dpt ketawa...sbb gua yg sakit jiwa ada bibik begini ni <---- yup..... gua ada pengalaman sdh, tu yg gua tau....

Minggu depan tepat sebulan gua tiada bibik. Walaupun penat tapi kepala indak sakit, jiwa pun aman jak. Teda lagi urg balik2 kestau, ini tiada, itu abis. Jimat jak.....tapi penat jangan cakap la. Masa buat kerja belum lagi rasa, tapi kalau sudah mau tidur, macam2 la bah keluar sakit....bila minta tlg tu laki letak minyak, standard la soalan...'bagus kita ambil maid, indak la mama penat begini.....dan jawapan gua pun standard juga...'indak payah, ada maid, bikin sakit kepala jak, sakit badan tidur, bangun tidur ok sdh. Ada maid.....bangun, balk lg berfikir gaya2 drng...bulih bikin sakit jiwa.....'

Lagipun gua ada 'part time' maid, itu yg kerja strika baju sama lipat kain dan kasih bersih rmh jak dia buat, yang lain gua jgk buat.....cuci kain...gua jgk buat

<---- la... bukan sdh cerita ka ari tu......ahhh....indak peduli la..mau jgk kestau balik2, supaya kamurang tau kunun kerajinan gua ni.....

Sebagai seorang yang cantik dan gebu <-----yup, seperti biasa, sila la ambil plastik utk muntah, warghkakkakakkakaa.....hmmmm...apasal gua ketawa ni ah.... oh ya, baru gua ingat...gua ketawa sbb bisuk ari 5 sdh. Cuba klu ari ni ari 1, semangat tu...macam mau indak mau jak pegi keja. Tapi asal jak masuk ari 4, nah...semangat bukan main lg....sib baik jak ari 5 keja 1 hari, kalau setengah hari, silap2 trus indak dtg keja....<---- ataupun gua 1 urg jak begitu....warghkakakakkaka...oppsssss.....

Sila abaikan perasaan urang yang sdh beberapa hari indak apdet blog....

Puan Saiman signning off.....

Gua sudah ada pembantu..

2011-07-12T15:14:00.003+08:00

Ni la bah nama dia urang kebaruan teda urang gaji ni kan, sepa lagi kalau bukan gua....adehhh..... asal jak mau apdet blog, tiada la mau cerita lain. Malar la bah cerita...penat la, sakit belakang la, sakit bahu la....TAPI!!!! memang betul bah.... indak la bah gua mau tipu...letak jak kepala di bantal....terus pingsan.....warghkakakkakaka.....buka jak mata, sudah pagi.... macam baru jugak gua rasa hari lima, sekali bangun, sudah hari satu...aikkkk...mana pegi ari 6 sama ari minggu gua tu ah....musykil ni....

Asal jak tu laki gua sebut mau ambil maid baru, anak gua terus jawab..

'abang indak mau kakak baru. Abang pun bulih tulung mama...'

warghkakakakakkaa...ya la tu nak oiii.....

Tapi itu la macam angkel gua cakap...'don't judge the books by its cover'... gambar di bawah ni membuktikan kata2......chewahhh....

Punyalah konsentret anak gua ni menyapu, sampaikan gua ambil gambar dia pun, dia indak peduli bah....adehhhhh...terus hati gua cair....

Terpaksa la bah dia menyapu lantai ikut stail kungfu....sebab tu penyapu lebih tinggi dari dia....adehhh.....

Terpaksa la bah dia menyapu bersungguh2..sebab tu daun2 kering 'keras kepala' betul..... tidak la bah mau masuk di penyedok sampah tu....tapi indak pula dia komplen....sampai berpeluh2 si kawan bah...Nampak ni pembantu baru gua, ada unifom lagi tu....warghkakakakakaka.....supaya senang buat 'kerja'...

Akhirnya....barulah tu daun2 masuk dalam penyedok. Selamat lagi satu tugas yang gua indak payah buat. Ada sudah pembantu ni...

Ni pembantu lagi best... indak payah jamin. Indak la payah mengurus pegi fome*a....pegi urus paspot...indak payah sakit kepala tinguk gaya2 drng ni...

Mula2 macam gua indak percaya jugak anak gua tiba2 ambil penyapu...tiada pun gua suruh....patut la asal jak gua buat kerja di belakang rumah, dia duduk2 tinguk gua sambil minum vitagen...rupanya dia tengah 'spy' gua....kalau begini sudah cukup bagus....bulih sudah ajar anak gua masak nasi ni tau....sama guring telur. Kalau sudah pandai, bulih la ajar masak megi....jadi kalau gua mau makan, bulih la minta tulumg masak.....warghkakakakkaka....opssss.... bulih ka tu ah....bukan apa, takut juga gua kena saman....sebab ambil pekerja 'bawah umur'...hahahahahhaha.....

Bagus juga ambil pekerja 'bawah umur' ni, bulih kena 'buli2', indak makan banyak, bulih kena cium2.....<---- ini acara wajib sebelum tidur...warghkakakakaka......

Jadi, sekarang ni gua secara rasminya ada pembantu yang 'cute' dan 'still available. Gua mau didik anak gua macam mummy gua didik adik lelaki gua....sebab adik gua yang lelaki....sekolah...ok..... hensem...errr ok la.... hormat orang tua...ok....gelfren...ada...sumandak Ranau, bagus lagi tu, sudah la bagus, cantik lagi tu....adehhhh (kalau ada jodoh la kan, tapi kami pun harap2 jugak la jadi, sebab drng dua ni masih lagi sekolah)..... dan paling penting....kalau adik gua ni pegi mana2 dan jumpa urang jual ikan atau sayur...tatap dia beli punya, bawa pulang rumah....mana lagi ada jumpa tanak wagu (baca : anak lelaki) begitu tu. Macam baru ni, dia pegi Tuaran, bila balik KK, bulih2 dia beli ikan, bawa pulang. Kalau dia pegi Ranau, pulang, gerenti bawa sayur. Hari tu dia pegi Kelantan...siap kasih beli kakak2 dia tudung...bapa gua pun dia kasih beli baju, padahal kami sudah pesan sama dia tu, indak payah kasih beli apa2. Dan paling penting...adik gua ni, pandai masak....gua kalau rasa2 mau makan megi paling sedap, gua minta jak dia kasih masak......Jadi gua pun mau didik anak gua begini. Bukan apa, nanti kalau sudah besar bulih la tlg2 bini kan.......

La...... apa la yang gua melalut2 ni...padahal tu anak baru darjah 2, sudah bah si mama ni berangan2 mau ada menantu....warghkakakakaka....punya la jauh lagi tu....sun*t pun belum...warghkakakakakkakaa.....

p/s : oleh kerana anak gua rajin tulung gua, maka malam ni papa dia bawa dia sama gua pegi makan dan jalan2. Nampak tu....ambil la kesempatan atas kebaikan anak. Mau makan apa, kestau jak tu anak yang mau makan. Kalau sendiri yang mau makan...tu laki bilang, 'hujung minggu jak'. Tapi kalau sebut tu anak yang mau makan, terus bah jalan... indak payah tunggu hujung minggu lagi....jadi ambil la kesempatan tersebut....warghkakakakkaa....oppssssssssss......

Puan Saiman 'signning off'

Kalau sudah rezeki...

2011-07-11T11:50:00.011+08:00

Setelah beberapa tahun menunggu......

Setelah beberapa kali menerima surat 'penolakan'......

Setelah beberapa kali merayu.....

Merayu.....

Dan Merayu......

Akhirnya tiba juga.......

Alhamdulillah 2 cinta hati gua akhirnya dipanggil untuk menunaikan Rukun Islam ke-5 (Menunaikan Haji) Tahun Ini.....

Alhamdulillah.....Aku Sujud dan Bersyukur kepadaMu, Ya Allah.....

Mode : nangis...

Puan Saiman 'signning off'

Tiada pun tidak apa!!! Walaupun...

2011-07-08T09:50:00.004+08:00

Rupanya ada jugak kawan-kawan gua yang mempunyai 'keributan' macam gua ni...hahahahhahaha.....bukan gua satu urg pula....adehhhh...senasib pula ni kan....

Kalau dulu....cuci baju....

Setiap 2 minggu la gua dengar bibik cakap sabun cuci dan pewangi kain habis.... untuk mengelakkan gua balik2 pegi supermarket macam urg kaya, bila hujung bulan, lepas gaji, gua akan berbelanja la. Sabun sampai 3 kotak gua beli. Pewangi kain sampai 4 botol, barulah cukup. Tapi baju sekolah anak gua indak juga bersih. Indak juga wangi. Padahal bukan jak sabun, kloroks pun gua beli....pun tidak juga putih tu baju anak gua...hairan bin ajaib betul....

Sekarang ni bila gua cuci baju anak gua. Gua perasan lebih putih dan wangi. Anak gua sendiri cakap sama gua. Setiap pagi bila pakai baju sekolah, balik2 la anak gua cium lengan baju sekolah. Dia cakap 'wangi betul la Ma, masa kakak cuci dulu, teda ni wangi begini...' nah, indak kamurang hairan tu....

Kalau dulu....makanan 'segera'..

Asal jak belanja hujung bulan, biasalah beli barang2 dapur kan, gua beli juga megi kari 4 pek, megi ayam 1 pek....tapi dalam sebulan tu gua rasa gua anak beranak tiada makan megi, tapi bila gua check almari....tiada pula megi...jadi gua diam jak la..... ada la orang makan tu kan...gua indak kisah...tapi 1 pek megi ada 5 bungkus, 4 pek ada 20 bungkus...jadi kamurang kira la sendiri.....Begitu juga makanan tin, gua beli masa 'kerajinan' melebihi kemalasan (baca : pemalas yang melampau melanda diri), bila cari, tiada, padahal ada kena beli....tapi gua diam jak la. Nasib baik la rumah gua ni dekat 'pilih dan bayar' jadi pegi la jak beli balik...adehhhhh...

Kalau dulu... sabun mandi/lantai/ piring

Gua suka beli sabun cecair. Tapi bila gua tanya ada ka tandas kena cuci...lantai kena mop...jadi jawapan adalah sudah...tapi kenapa tandas masih lagi kotor.... lantai masih lagi tidak berkilat...nampak tu tapak kaki anak gua...adeiiii.....last2 gua juga yang kasih bersih. Tu laki gua 'tegur' jugak gua...'kenapa mama buat, kan ada maid'.... tapi kalau maid buat indak bersih, last2 kena juga buat sendiri kan.....hmmmmm.... pernah gua pulang, rumah berbau seolah2 ada telur pecah di lantai.... gua suruh maid gua mop lantai balik, walaupun dia jawab sudah, gua suruh lagi. Gua suruh dia cuci mop 3 kali guna air sabun, bilas 3 kali, lepas tu barulah mop lantai rumah guna pewangi.... lepas buat apa yang gua suruh, memang wangi pun rumah.....hmmmm.....susah jugak kalau dapat maid yang selalu banyak 'songeh' ni. Kalau kena suruh, memang jawab 'ya', tapi sampai ke sudah indak buat.....adehhh....

Rumusan :

Ada maid susah, tiada maid pun susah. Kalau dapat maid yang bagus, ok jugak. Tapi kalau dapat maid yang tidak bagus.....mampus....sudahlah kerja buat macam 'gong' kena suruh baru buat, kalau indak kena suruh....dari pagi sampai petang duduk la depan tv, nanti majikan pulang dari kerja, barulah sibuk mau buat kerja di dapur. Last2 majikan jgk yang buat kerja....aikkkk......ini macam gua jak ni...hahahhahahaa...tapi itu la kenyataannya.

Masa gua ambil x-maid gua dulu, saiz badan x-maid gua tu S, lepas 4 tahun L mau dekat2 XL sdh lagi tu.....Bulih2 lagi dia cakap sama gua, kalau dulu dia kerja sama urg lain, badan dia menten jak S....gua jawab dia

' apa indak, 1 hari ko satu urg jak d rmh. Kakak jam 8 pagi start buat kerja di ofis, ko jam 8 sudah baring2 depan tv. Patutlah rumah kita ni indak bersih. Tandas tidak cuci, meja kerusi depan rumah berhabuk....'

nah, lepas 2 bulan gua cakap begitu, terus berhenti...maklumla durang ni, pantang kena tegur, tegur sikit, terus la mau berhenti. Masa maid gua mau berhenti ni pun, bila dia kestau dia mau berhenti, terus gua cakap 'ok'.... berubah muka maid gua, sebab mungkin dia rasa gua minta dia berhenti lepas raya...sori naik lori la.... Sebab tahun lepas dia minta cuti balik kampung tu pun, gua harap dia berhenti terus, tapi balik jugak rupanya dia kerja sama gua....

Macam maid adik gua, pulang cuti mingguan konon, sekali sampai sekarang indak balik....konon2 mau cari majikan lain la kan, sekali tinguk, sekarang ni balik2 kol adik gua minta kerja balik. Sampaikan adik gua malas mau layan. Indak dapat pujuk adik gua, maid tu kol mummy gua, mau minta kerja balik. Mummy gua cakap la, kenapa dulu indak berhenti bagus2, kenapa mesti mau lari dari adik gua. Lagipun bukannya kerja 1 tahun, ini sudah mau 3 tahun. Maid adik gua ni lagi best, sampai pegi Brunei sama Sarawak kena bawa jalan2...pun berhenti. Padahal anak adik gua 2 urg jak pun.....satu darjak 6, satu lagi darjah 3... Itu adik gua no.3, adik gua no 2 pun ada 2 anak, satu tadika satu lagi darjah 3.... oh ya, x-maid durang ni berhenti pada masa yang sama. Sebab drng bersaudara.... ini juga masalah kalau ambil maid bersaudara ni...1 berhenti, 1 pun ikut. 1 sudah dapat kerja, 1 lagi lugai2 sebab indak dapat cari majikan...ohhh.. bukan indak dapat cari majikan, tapi majikan baru yang tidak tahan, sebab kalau buat kerja, orang lain bulih buat kerja 1 jam, ini maid buat 4,5 jam.....liiiiddduuutttt betul, siput babi pun menang bah kalau lumba lari....kalau berlumba sama siput, tu siput sempat lagi ketawa2.... <----- aikkk apasal bulih tersebut siput pula ni...adehhhhh.....

p/s : tapi sekarang ni walaupun tu badan sakit, tapi hati, kepala dan perasaan tu lebih tenang. Sebab walau pun penat, tapi gua puas hati buat sendiri (baca: ini stetmen mau menyedapkan hati sendiri). Cuma masa sama anak dan laki banyak berkurangan. Sebab kebanyakkan masa di dapur, kalau bukan masak, kemas dapur. Kalau bukan masak, cuci kain, jemur kain. Angkat kain.....................adeehhh.... indak mau tulis la, kalau mau cerita sampai bila2 pun indak habis cerita pasal kerja rumah ni.......

p/s /s: sudah 10 hari gua teda pegi mekD....malam ni mau pegi la...rindu tul mo mkn eskrim sama gcb beger........angkel baju kuning tunggu kedatangan gua..............errkkkk....ngapa indak bulih sebut baju kuning.....oh ya...... angkel oh angkel <----- panggil angkel mekD.....

'uncle tidak sdh bulih pakai baju kaler tu...ko tidak takut ka, nnt ko kena tangkap'

wwarghkakakakakakakkaka.....

Puan Saiman 'signning off'...

Hidup dalam kelam kabut

2011-07-06T07:51:00.004+08:00

Macam senasib pula 'nasib' gua sama sahabat gua, CJ ni. Yang membezakan kami adalah, bibik gua 'berhenti' setelah beberapa tahun kerja sama gua. CJ pula 'part time business women' and recently ada baby. Tapi 'chaos' kami dekat2 sama....warghkakakakaa....(CJ, betul bah kan ging)....adehhhh....

Ini antara perkara2 yang gua buat bila pulang kerja...sampai rumah jam 5 lebih...tapi gua letak jak la jam 5.00 petang...

Jam 5.00 petang....

buka gate, kasih letak kereta cantik2 sikit supaya bila tu laki gua pulang, sedap jak dia parking kereta dia, tidak payah la dia berabis adjust2 mau kasih masuk kereta dia. Turun jak gua dari kereta, tunggu anak gua pulang tuisyen. Tunggu jak kejap dari gate, sebab tempat tuisyen dia, selang 2 pintu jak.

Masuk, letak beg tukar tudung.....terus pegi dapur. Masak nasi. Terus pegi belakang, cuci baju sekolah anak gua. Tapi sebelum cuci baju sekolah anak gua, gua angkat kain dulu dan kemudian sapu lantai, sebab banyak daun2 yang jatuh. Kemudian cuci baju sekolah dan jemur. Masuk jak di dapur memang jam 6.30 petang la tu. Masuk jak dapur, masak lauk pauk, tertakluk apa lauk. Selesai....gerenti sudah jam 7.45 la. Lepas masak, kasih sedia makan utk anak gua dulu. Jadi masa tunggu dia makan, gua iron dulu baju sekolah... selesai iron baju sekolah, gua tunggu lagi anak gua makan, Selesai jak anak gua makan, barulah gua pegi mandi. Lepas mandi, gua rendam baju2 dalam washing machine.

Lepas tu, gua sama laki gua baru makan. Lepas makan, gua kemas dapur, sambil2 tunggu kain dalam washing machine. Gua isikan air dalam botol untuk anak gua bawa pegi sekolah. Masukkan dalam beg sekolah. Sangkutkan baju sekolah di ruang tamu, stokin dan kasut. Selesai 'kerja' washing machine, baru gua masuk tidur, jam 10 malam....gua terus pengsan sampai pagi....sampaikan hujan kuat tengah malam pun gua indak dengar. Kalau dulu, masa masih lagi ada maid, dengar jak bunyi sikit pun gua terus terbangun...adehhhh.....masalah sudah ni tau.....

bangun pagi, gua pegi dapur, sediakan air minum utk anak gua. Terus gua jemur kain. Selesai menjemur kain, gua sediakan air sabun dalam besen, supaya balik dari sekolah, anak gua terus rendam baju sekolah dalam besen tu (terutama hari satu sama hari 2 hari sebab gua berkursus). Kalau gua ada balik tengahari, jadi gua tidakla sediakan awal2, tapi kalau gua tidak dapat balik, gua sediakan la pagi2, supaya anak gua boleh tlg gua rendam awal2, supaya senang sikit cuci, terutama baju putih sekolah.

Gua taip ni pun gua sudah penat, apalagi kamurang yang baca ni kan.....lagi la penat. Tu belum lagi termasuk sambil2 gua curi2 buat 'spring cleaning' secara perlahan2...sekarang ni baru siap buat di kawasan dapur. Masa ada bibik, dapur gua punya la semak, sekali gua kemas, barulah dapur belakang gua terang, lebih banyak sampah dari barang2....semuanya disumbat jak. Sampaikan gua cakap sama laki gua, gua indak tau apa yang bibik tu buat di rumah dulu. Adehhh....ini la buat gua indak mau ambil bibik ni...

Minggu lepas tu, rasa2 macam mau patah segala tulang temulang dalam badan ni. Tapi minggu ni, kebanyakkan tulang temulang sudah di biasa dan sekarang ni dalam keadaan pembaikkan. Jadi tahap rasa penat tu agak berkurangan sebab 'get use' sudah tu badan kena 'dera'...hahahaha...hmmm...tidak lucu!!!!

Jadi sekarang ni gua full time 7.30-4.30 kuli kerajaan, and part time maid. And one more thing, like my son said to me last night...

'Ma, abang nampak sekarang ni rumah kita lebih bersih dari dulu...sama kan, baju sekolah abang lebih wangi dan putih dari dulu, bagus lagi mama cuci dari kakak...'

wah...kembang seinci terus gua.....kena puji gua...<--- pantang la bah kena puji trus la bah feeling2 rajin terus...hahahahaha

Puan Saiman 'signning off'

Penat!!!

2011-07-01T09:15:00.003+08:00

Hari ke-4, sejak bibik meletakkan jawatan. Semuanya tunggang terbalik. Kalau dulu bibik dengan tugasnya....kecuali memasak. Sekarang gua yang mengambil alih pemerintahan di dapur. Kalau dulu, pulang rumah, walaupun bibik masih lagi menyediakan lauk pauk untuk di masak, tapi tugas gua cuma menyising lengan baju dan terus pegang sudip, tuang minyak (sebab kuali pun sudah di atas api). Usai masak, gua matikan api, dan tinggalkan saja kuali, pandai2 la bibik untuk mengambil tindakan selanjutnya....<--- nampak, ayat orang tiada bibik akan berubah dari masa ke semasa...alahai...

Sekarang ni...

Rendam kain, gua buat.

Cuci kain, gua buat.

Potong bawang, gua buat.

Potong sayur, cuci sayur, gua buat.

Sediakan kuali, gua buat.

Masak, gua buat.

Cuci kuali, gua buat.

Hidang makan, gua buat.

Kemas dapur, gua buat.

Buang sampah jak laki gua buat.

Cerita tengahari kelmari (otw plg masa lunch hour)

Laki gua : Ma, kita kena cari maid la ni...

Gua : Indak mau la. Malas la, lagipun klu dapat maid yg indak ketantuan, lagi bikin pening kepala.

Laki gua : Nah, kalau teda sdh maid ni, mama indak lagi dapat buat apa yang mama suka.

Gua : Uhh??? Maksud ??

Laki gua : Kalau ada maid, you can't sew anymore. Mama akan ambil banyak masa untuk buat kerja rumah. Even we can't go jalan2 anymore. Think abt it la....both of us kerja. Sudahlah seharian kita tidak berjumpa, malam baru jumpa, but bila kita tiada maid, you will busy di dapur, weekend we only have 2 days (saturday and sunday). Walaupun Lina said, she will help you every weekend, what if she can't make it, last2 mama juga kena buat kerja tu.

Nampak...... alasan laki gua tu. Tapi mmg masuk akal la. Itu indak lagi bikin gergitan tu.....

Cerita semalam, kira2 8.30 malam.

Laki gua : Ma, mari jalan...

Gua : Ala indak dapat, mama mau kemas dapur lagi ni...

Laki gua : Nah kan, itu la sebab papa mau ambil org gaji. Kalau ada orang gaji bulih la kita pegi jalan2 macam selalu...

Gua : ..... (diam jak la)

Gua : Mau pegi mana ??

Laki gua : Kira mau bawa mama sama abang pegi drive tru' (baca : McD). Mama kan suka makan eskrim vanilla.

Gua : Esok jak la.

Laki gua : Nah kan, kalau ada maid kan senang....

Nah!!! Indak kamurang tension tu.

Note : Walaupun gua ada maid sepenuh masa selama 8 tahun, tapi sebelum ada anak pun, gua memang ada part time maid yang menguruskan rumah gua. Itu pun masa tu laki gua beriya2 ambil untuk memudahkan gua. Dalam hati gua, betul2 tidak mau ada maid, tapi laki gua pula beriya2 mau ambil. Bila gua cakap sama parents gua, parents gua pun cakap perkara yang sama juga.

p/s : bila tulis pasal buat kerja rumah ni, nampak macam simple saja. Tapi bila buat kerja tu, ianya akan mengambil banyak masa, bagi gua, kadang2 macam mau patah tu belakang, kadang2 macam bila mau tidur, macam mau pengsan...tapi itu gua la, orang lain gua indak tau. Laki gua cakap something sama gua semalam...

'sudahlah penat buat kerja di ofis, sekarang ni penat lagi mama buat kerja rumah, kalau ada maid, ringan juga kerja mama tu...'

Nah....lagi tension bila dengar laki cakap kan. Tapi memang ada betul jugak la.

p/s/s: Kepada semua surirumah di luar sana (mana la tau ada yang baca blog gua ni kan) gua tabik spring la. Dan kepada mereka2 yang bekerja dan pulang petang, buat lagi kerja rumah.....gua tabik spring jugak. Anda semua memang superwoman.

p/s/s/s : for my dearest fren CJ, MK, SJB, darling Leo, Ika, UmmiRosma, Qaseeh , Shirley dan kepada semua yang tidak sempat gua tulis di sini... yang bertungkus lumus bertugas memastikan hubby dan anak2 berpakaian bersih dan dapat makan yang sedap atas meja setiap hari/malam <--- jangan kamurang, anak gua bilang, gua masak megi la paling sedap dalam dunia, kedai kaling pun kalah...warghkakakakaka...itu anak gua bilang kestau gua la... ok, serius balik..... my hats off 2 u my fren.

Siapa bilang jadi surirumah sepenuh masa tu kerja yang ringan......gua rasa siapa2 pun wanita bekerja yang telah berkahwin yang mempunyai anak, dan mempunyai simpanan dalam bank yang berjuta2 dan tidak pandai berkurangan, maka gua la salah seorang yang akan mejadi surirumah sepenuh masa......<-----woiiii!!!! bangun, cukup la berangan-angan!!!! Ehem...dengan ini gua mencadangkan agar, pemerintah memberikan cuti umum sehari kepada semua, agar surirumah diberi sehari bercuti, membeli belah secara percuma sebanyak RM2k, dan diberi urutan badan di SPA2 yang terpilih. Semuanya ditanggung oleh pemerintah. Angkat tangan siapa setuju !!!! <--- bah, bangun la...sudah2 la mimpi tu.....

Maka gua pun terbangun, mata terkebil2...macam sekejap jak gua tidur tadi malam, sudah pagi...aduhhh...belakang gua sama tangan gua sakit la.....mau cari bibik ka ni tidak..... laki gua senyum nampak gua. Bulih2 lagi dia cakap...

'kenapa Ma, mama penat...'

cisssss.........

Puan Saiman 'signning off'

Bibikless

2011-06-27T09:45:00.003+08:00

Hari ni hari satu, dan hari ni jugak hari terakhir gua ada bibik.

Sedih - memang la sedih. 4 tahun tinggal sebumbung kan, mustahil la tidak sedih. Tapi kesedihan tu 30% jak la....70% lagi lebih kepada kelegaan. Sebab bukan gua yang buka mulut mau berhentikan dia, tapi dia sendiri yang minta berhenti.

Gembira - ada jugak la, sebab safe la duit laki gua<--- peluang mau minta beli gelang semakin cerah....warghkakakakkaa...aikkk...apasal bulih tersebut gelang lagi balik ni ah.....

Bermula hujung minggu ni, ada la orang yang tolong bersihkan rumah. Macam gua bagitau dulu, bekas bibik gua jugak la yang tolong bersihkan rumah gua nanti. Tapi baju sekolah tetap jugak gua cuci...indakkan mau tunggu seminggu sekali cuci kan, kalau la cuci seminggu sekali, masuk minggu kedua, gerenti anak gua pegi sekolah berbaju baru. Bukan baru beli dari kedai, tapi paten baru...baju putih berbintik2 tahi lalat...warghkakakakaa...jadi untuk mengelakkan baju putih anak gua tu jadi paten baru, maka terpaksa la jugak gua cuci ni.

Sejak 2 minggu lepas, gua ajar anak gua rendam baju dalam baldi. Gua sediakan 2 baldi, 1 baldi air sabun untuk rendam vest sama seluar biru. 1 baldi lagi untuk air sabun + cecair pemutih baju, untuk baju putih sahaja. Jadi selama 2 minggu tu la anak gua menjalankan tugas mengikut arahan. Harap2 sampai hujung tahun la, kalau dia malas buat, akhir2nya...gua jugak la yang buat ni.

Petang ni, balik dari ofis, menyinggah la gua di rumah cikgu tuisyen anak gua tu, sebab mulai dari bisuk, anak gua akan gua ambil lepas waktu pejabat. Bukan macam sekarang, hantar jam 2, ambil jam 4. Bisuk, hantar jam 2, balik jam 5. Tuisyen dari hari 1-4, jadi maknanya setiap hari 5, gua kena bawa dia pegi ofis la ni. Tapi beriya2 dia minta, supaya setiap hari 5, dia kena hantar pegi rumah parents gua. Gua tinguk la dulu, mungkin berselang seli. Nasib baik la tempat keja gua ni, orang ramai bulih guna kemudahan yang disediakan. Tapi apa kes, anak gua indak juga mau guna kemudahan2 yang ada. Mauuuuu jugak dia duduk2 dekat sarang gua ni...adehhhhhh....

Tadi gua lunch sama laki gua. Entah kenapa hari ni terasa pulak gua mau lunch sama dia. Jadi gua cuba2 la nasib, kalau2 bulih pegi lunch. 99% mesti laki gua balas sms gua begini 'can't make it. I've appnmt with.......Nxt tme. Tq. Jadi gua pun indak la berharap sangat....tiba2 tu laki said ok...apa lagi gua kelam kabut pakai mekap......warghkakakakakaa.... bukan pakai mekap, tapi turun pegi bawah ofis. Kesian juga kalau tu laki menunggu, anak gua pun ada dalam kereta tu. Jadi lepas hantar anak gua pulang <--- sebab masih ada bibik kan, jadi gua ambil kesempatan la.....warghkakakaka.... Lepas makan, gua cakap la sama laki gua, nanti2 gua mau ajar lagi anak gua cuci piring....tau apa respon laki gua.....teda....jawab apa pun teda....gua tunggu2 jak, apa tu laki gua mau cakap kan..... tapi teda...barangkali berfikir kali laki gua tu....'abis la anak aku kena suruh2'..... bukan apa....gua sengaja mau ajar anak gua buat kerja yang ringan2 juga...mana tau sudah bujang nanti... bulih tulung2 bini cuci2 piring ka, masak nasi ka...bukan jak bini sayang tapi jadi kesayangan mentua juga nanti tu kan......jadi amacam, bukan ka gua ni akan jadi mentua yang baik jugak kan....warghkakakakkaa......

Kalau anak gua bulih2 sudah cuci2 piring dengan bersih dan dapat mengikut kualiti yang ditetapkan...gua akan ajar anak gua cuci baju sekolah pula. Kalau tu baju sekolah dicuci seputih2nya...jangan jak tu seluar biru sama tu vest tukar warna pegi putih sudah la kan..... kalau ok sdh, bulih la pulak cuci kasut sekolah sendiri. Gua harap2 anak gua ni pandai la buat ni sebelum akhir tahun ni. Kalau sudah ok..tahun depan naik darjah 3, bulih sudah gua ajar masak nasi. Masak lauk, sapu rumah...kasih hidang makanan.....wah!!!! kalau la betul2 jimat tenaga dan $$ gua.

Jangan kamurang...kalau budak2 kena buat macam sindirella atau kena layan macam 'salji putih' bila besar nanti jadi apa....kawin sama anak raja kan...trus 'happily ever after'...... nah!!!! jadi sekarang tau kenapa gua buat begitu...niat gua baik sebenarnya kan!!!!

Laki gua pula.....gua mau minta laki gua tulung gua lipat kain, siram bunga, kemas dapur, cuci periuk belanga, dll.

Amacam...apa pendapat kamurang, kalau gua buat begini....oh mesti kamurang tertanya2 apa la gua buat kan.... oh, gua sebenarnya jaga badan...badan yang gebu dan untuk menjaga agar tangan sentiasa halus, gua hanya akan bermain game di ipad 2 gua. Dan gua hanya akan berbaring2 bersuka ria di atas katil sehinggalah waktu makan dihidangkan, barulah gua akan ke dapur.

p/s : sila jangan peduli perasaan gua ini. Ini disebabkan gua kini tidak lagi berniat mau ambil maid dan tidak lagi mempunyai bibik secara sah mulai malam ini, sehinggalah diberitahu kelak, mana tau tiba2 ada balik kan. Gua syak, ini la yang ditakuti oleh laki gua ni. Kerana imaginasi laki gua adalah takut di dera oleh gua. Itu la sebabnya kenapa laki gua, beriya2 mau ambil maid. Tapi gua tetap indak mau ambil sudah. Kalau dpt yg ok, bagus jugak. Tapi kalau dapat yang tutttt....bulih bikin sakit jiwa owhh... Lagipun ada juga yang datang2 hujung minggu kasih bersih rumah.

p/s/s : sebelum tidur ni malam gua mau kasih keluar tu mesin penimbang..... tunggu dalam seminggu ni kalau ada2 perubahan, kalau tiada, gua syak mesin penimbang tu rosak dan perlu di beli baru....

p/s/s/s : oh ya, kalau tiada jugak perubahan, maka cerita di atas ada kaitan....

{{{{{{{{{{Warghkakakakakakkakakaa}}}}}}}}

Puan Saiman 'signning off'....

Malas!!!

2011-06-22T14:25:00.002+08:00

Pernahkah kamurang rasa malas ???

Pernahkah kamurang rasa macam tidak mau buat apa-apa??

Atau pernahkah kamurang rasa macam mau tidur sajaaaa.....

Sebagai seorang yang sentiasa rajin, cantik dan gebu....(baca : paling pemalas dalam dunia....cantik dan gebu tidak dinafikan....hahahahhaa <--- ok, tidak lucu)...

Hari ni hari tiga, hari minggu akan datang nanti adalah hari terakhir bibik gua bekerja. Gua sudah bersedia. Macam gua indak sabar2 pulak bibik gua berhenti. Bukan apa selama 8 tahun ni gua ada bibik.... paling2 lama pun gua tidak berbibik ni dalam 3 bulan, itupun masa bibik gua cuti hari tu. Tapi bibik yang ini la bibik yang paling lama bekerja sama gua. Hampir 5 tahun. Dan yang lain2 tu ada yang setahun lebih....dan ada 2 orang bibik yang dijamin hanya sebulan...dan lepas tu lawan tokei pulak....terus diberhentikan!!!! Jaminan hangus!!!...tapi daripada kita sendiri sakit tekak dan kalau dapat bibik jenis 'gong' abis la.....

Gua tidak la risau pasal bibik berhenti ni, sebab my ex-bibik akan kerja sama gua..itu pun bukannya full time...part time jak bah... hujung minggu datang, kasih bersih rumah....urus kain baju jak...tapi gua pun kena juga cuci baju sekolah anak gua.....tidak juga la gua ni mau beli baju sekolah anak gua sampai 5 pasang kan. Tapi yang bikin gua senyum2 sendiri bila gua ingat laki gua cakap malam kelmarin.....

Laki gua : Kenapa mama indak mau ambil maid lagi ?

Gua : Malas la pa...lagipun 8 tahun sudah kita ada maid.

Laki gua : Jadi macam mana la kain2 ?

Gua : Mama cuci baju sekolah abang jak. Lagipun Lina (my ex-bibik) datang hari 6, hari minggu baru dia balik. Dia tlg kasih bersih rumah sama urus kain baju...

Laki gua : Tapi, mama kena cuci baju sekolah abang juga kan??

Gua : Ya...ala, bukan juga banyak, sepasang jak pun...

Laki gua : Bukan apa.... lama sudah mama indak cuci pakai tangan, nanti kasar la tangan tu....

Warghkakakakakaka......tinguk bah....laki gua risau tangan gua kasar...adehhh.... Bagus kalau datin atau puan sri...padahal kuli2 jak pun....adehhh....kalau gua ingat2 balik, senyum jugak gua sendiri...

Yang bikin lucu tu...gua releks jak...tu laki gua yang sudah sibuk2 mau cari2 maid. Gua tau ni, pasal apa!!!! Sebab laki gua ni kalau mau jalan2 mesti bawa gua, kalau gua indak ikut, terus la dia indak jadi jalan...ehemm... biasalah ada bini cantik dan gebu ni kan....(baca : bukan apa sebenarnya, gua ni ada sakit belakang, bekas jatuh dulu (sampai pernah kena tahan di hospital sebab indak bulih bangun), jadi kalau gua duduk berdiri, tunduk berdiri, gerenti keluar sakit belakang, itu yang sebenarnya laki gua risau, tapi supaya gua indak kecil hati yang gua ni ada sakit belakang, tu laki kaver2 la cakap, tangan jadi kasar....alaaaa.....macam la gua indak tau...)

TAPI!!!! apa kes!!! Makin dekat masa bibik gua ni mau berhenti, makin la pula gua malas. Macam kelmarin pagi. Siap sudah mandi ni...tinggal pakai baju kerja...tiba2 punyalah malas mau pegi kerja. Last2 pakai baju tidur.. kira2 mau tidur balik...bulih2 buat begitu. Gua sms jak bos gua, gua ambil EL. Tapi mata indak pulak mau tidur. Bangun, tukar baju, keluar bawa bibik. Maka beronggeng la gua sama bibik. Gua bawa bibik tempat jual barangan dapur. Sebab bibik gua hari tu bagitau gua yang dia mau beli parang yang 4 segi dan bukan parang panjang, sebab di tempat dia tiada jual parang 4 segi. Bukan main lagi bibik gua, macam2 dia beli.....tapi indak apa la, belum tau lagi dia balik tempat kita mau kerja...tapi itu dia bilang la.....tapi gua rasa memang dia akan balik ke negara kita lagi. Kenapa gua tidak bilang dia balik negeri kita....sebab, bibik gua tidak mau tutup akaun bank dia. Dia cuma minta gua kasih keluar duit dari akaun dia saja. Bila gua bagitau, nanti dalam akaun dia akan tinggal RM10 ringgit, tau apa bibik gua jawab...'tidak apa la'.... Bukan apa...sepanjang bibik gua ni tinggal sama gua, inilah bibik yang PALING BERKIRA DAN PALING KEDEKUT yang pernah gua kenal. Jadi kalau urang paling berkira dan paling kedekut minta kasih tinggal dalam akaun dia 10 hengget tu....macam gua indak percaya. Jadi kemungkinan besar memang bibik ni akan kembali la. Oh ya!!! Bibik gua ni bagitau sama adik gua yang dia mau kerja sama Datin2 bila dia balik nanti......nah....mimang dia balik lagi nanti la tu kan....ada jugak la dia tanya gua, kalau2 lain kali gua masih mau ambil perkhidmatan bibik ...gua cakap la, gua indak janji...sebab nanti gua cakap indak mau, tiba2 gua ambil, itu menipu la pulak kan. Jadi gua cakap la, tinguk keadaan.

Sekarang ni gua menghitung hari la. Tolak hari ni tinggal 4 hari lagi bibik gua kerja. Sekarang ni pun bukan main lagi dia rajin. Entah la, mungkin mau meninggalkan kenangan 'kerajinan' dia tu bekerja kan. Tapi apa yang gua perhatikan, makin lama bibik gua ni kerja sama gua, makin kurang inisiatif mau kerja. Yang dia tau buat cuma kerja harian saja, tiada la mau kemas barang2 yang di atas almari. Kalau begitu....begituuuuu la itu. Tension jugak gua. Bila gua suruh, buat pun macam tiada semangat saja. Lepas tu buat muka la pula. Maklumlah tidak dapat nonton sinetron!!!!

Aikkkk apasal cerita gua ni bulih membabitkan bibik gua pulak ni....arrrgggggg........ tension ni........

Gua syak gua ni keturunan beruang kutub utara kali...musim hibernasi sudah bermula.....

MODE : Malas....semalas malasnya...!!!!!!

p/s : Papa!!!! Malam ni kita masak megi ah......

p/s/s: malas kunun....ni yang apdet blog ni apasal!!!!!

Puan Saiman 'signning off'...

Bila bertentangan mata..

2011-06-17T08:37:00.006+08:00

Kelmarin petang, gua terima 1 sms.... ada urang mau jumpa malam....lebih kurang jam 8.00-8.30 mlm....gua tanpa was2 dan tanpa ragu2 terus bagi persetujuan niii......belum lagi tanya laki pun...gua gerenti laki gua mmg suruh punya la. Lagipun, gua sudah informed laki gua 2 hari lepas, kemungkinan dalam 1,2 hari ni gua akan keluar jumpa kawan lama. Jadi tu laki pun memang awal2 lagi sudah bagi green light, cuma gua ni kalau malam malas sikit mau drive....jadi bila gua sudah said yes...baru kol laki...bulih minta antar ka tidak, lagipun kebetulan gua di rumah parents gua, jadi dari rumah parents gua ke tempat date tu, memang la tidak jauh < errrr kalau naik kereta la, kalau jalan kaki...bulih putus jugak selipar jipun....

Sib baik laki gua sudi antar...mula2 gua sangka sahabat yg gua mau jumpa ni ada bw laki, klu dia bawa laki, gua pun mau angkut laki juga la. Tapi laki sahabat gua tu outstation, jadi terus tu laki pun indak mau join....dia bilang....

'nanti kamurang ketawa2....sia indak tau mau buat apa.....'

Bagus la yangg oiiii....ada kesedaran.......<--- warghkakakakkaa......senang hati gua, bulih la gua cerita ngan aman dan damai.....

Inilah sahabat yang gua jumpa tu........taadaaaaaaa......... walaupun kena bagitau last minute, gua tetap bersemangat mau jumpa sahabat gua ni. Maklumlah dia kan tinggal jauuhhhhhh....mau naik kapal terbang lagi, baru dapat jumpa. Jadi sebelum dia berangkut balik.....bagus la gua jumpa dia......

Nampak tu senyuman kegembiraan.....percaya atau tidak....last jumpa 2 hari lepas...itu pun tidak sampai 15 minit cerita...sebelum tu....tttiiiiidaaaak la pernah jumpa...last jumpa....last paper SPM....1992.....nah, kamurang kira la sendiri, berapa tahun sudah kami indak jumpa tu......

Siok...siokkk cerita, tiba2 kami nampak si J ni ketawa, gua pun apa lagi, cepat2 ambil kamera, terus ambil gambar dia.......kiut kan......

Sekali tinguk...rupanya dia menangis.....ketawa lagi kami.....bukan kami ketawa sebab si J ni menangis, tapi mula2 kami sangka dia ketawa...rupanya dia menangis.....adeeiiiiii....kiut tul cara dia nangis....

Rupanya dia nangis sebab tertelan tu coklat chip kali..... terkena gigi bawah dia, terus la tertelan....kesian si J.....supaya dia indak nangis, mummy dia kasih minum air la.....pujuk bukan main....sambil2 pujuk, sambil2 jugak kami ketawa....bukan apa...asal jak jgn nangis....semua la bah kena janji mau kena kasih beli....warghkakakakakka....kalau ingat balik, ketawa juga gua sendiri......begitu la bah kan, kita ni kalau ada anak....

Mula2 mau kena beli eskrim....supaya indak la menangis...sekali, tiada pula eskrim kena jual.....plan kedua.....kasih beli kek...... kena suruh la si J ni pilih kek yang dia suka......

Sudah beli kek......masih juga si J ni minta eskrim....tu mummy dia bilang, kedai tutup...tapi mmg pun, tu kedai perabut sebelah pun tutup sudah.....ni kedai cupcake pun mau tutup sudah...... Kebetulan si J ni demam, jadi mummy mithali tu pun, buka beg, ambil ubat...sukat.....

Ini lagi jadi ketawa kami....balik2 la bah si mummy ni check di kotak sama di penutup ni....

'ahhhh...ngam ka sudah 10ml ni ah...'

adehhhhhhh.... urg yang dia tanya ni pun sebenarnya 2 kali 5 juga.....sama2 bah kami indak nampak.......jadi bila sudah confirmed tu sukatan ngam....barulah kena kasih sama si J.....warghkakakakakkaa..... gua perasan juga, tu pekerja sana cupcake, senyum2 nampak gaya kami dua urg.....mungkin dlm hati drng....

'apa la bah ni auntie dua urg ni.......' warghkakakakakaka

Sampai tutup2 mata bah si J, tunggu mummy dia sukat tu ubat.....adehhh....<--- jgn ko CJ, masa ni kita tahan2 ketawa tu kan....sia pun cubuk2 jgk tu sukatan, tapi lupa bah bawa cermin mata gaban....warghkakakkakaka.....gua ingat ko ckp tu CJ...'nnt klu overdose susah lagi...' ......terus terpecah ketawa sia tu.......

Lepas jak confirmed yg sukatan tu mmg 10ml....trus si J kena kasih minum......siok owhh nampak si J minum tu ubat...selamba jak dia buka mulut......

Indak sampai 5 minit makan ubat....trus la si J kestau sama mummy dia...'lets go home mummy...' warghkakakakakakaka...sambung lagi kami ketawa....balik lagi kena janji.....eskrim la...big toy la....asal jak dia indak bawa pulang....TAPI....tetap jugak la..'I want to go home mummy....'

Tinguk bah, kesian bah J...sampai bertapuk dia di belakang mummy dia....mau minta bawa pulang, mau kena ambil gambar pun indak sudah dia mau......

Jadi oleh kerana kedai kek tu pun sudah mau tutup...kami pun berangkat la pulang.....mana sah kalau indak bergambar kan..... terus la bah minta tlg ambil gambar kami.....Tinguk bah si J....bertapuk bah....
Sib baik la my dear fren tu parking dekat ni kedai, jadi indak la jauh dia mau jalan lagi....gua pun minta la laki gua ambil gua dekat sana juga. Masa tunggu laki gua datang, walaupun si J tu merengek2 sudah mau minta bawa pulang, my dear fren tu masih lagi kasih kawan gua sampai la laki gua datang. Thank you my dear fren.....

Sampai jak gua di rumah, terus gua sms my dear fren tu, tanya2 kalau dia sudah sampai di rumah....Indak lama, terus my dear fren tu balas, memang dia sudah sampai..... terus my fren tu bagitau la, masuk jak si J dalam kereta, terus tertidur....adehhhh....kesian jugak.....

Akibat minum cafe latte......akhirnya gua tidur jam 4.00 pagi!!!!! Tapi walaupun tidur lambat....kepuasan jumpa kawan yang laamaaaa indak jumpa, memang berbaloi......

Jadi, sekarang ni, gua rasa mata gua ni macam ada batu bata....kalau indak tahan sudah ni, macam mau lekat selotep ni di mata, supaya indak tertutup...sila haribulan, sekali gua tertidur sekejap, sekali bangun, sudah pagi hari enam.......adehhhhhhhh........

Kalau ada masa lagi....atau kebetulan gua pg KL nanti, gua akan melawat juga my fren ni....sebab macam indak puas mau bercerita......

Kepada sahabatku CJ, terima kasih sebab meluangkan masa berjumpa dengan gua yer........take care n hugs my fren......

p/s : kepada semua my dearest fren, jangan kecil hati ya, gua indak dapat balas komen...ntah kenapa gua langsung indak dapat komen, jangan kan komen dalam blog sendiri, kadang2 dalam blog kamurang pun indak bulih......... nantilah2 gua cari dulu pakar2 komputer ni. Mungkin adalah gua salah 'tekan' tu kan.

Puan Saiman 'signning off'.....

Olaaaaa........

2011-06-16T08:11:00.004+08:00

Ok.......gua skrg ni ok sudah. Tq la pd semua....terutama yang merindui orang yang cantik dan gebu ni.....terutama sekali pada adikku Honey .....ya adikku...kakakmu yg cantik, gebu dan bersopan santun ini sebenarnya sihat dan semakin cantik....sila sediakan plastik yer...kalau indak tahan sila lari ke tandas untuk muntah (baca: sila abaikan perasaan perasan perempuan cantik ini yer....warghkakakakaka).

Banyak sebenarnya gua mau cerita ni...tapi itulah kan....masa membataskan...(masa membataskan konon, padahal pemalas bah tu...alasan2).....oiii diam.....!!!!

Hujung bulan ni, maka bermula la hidup gua sebagai seorang perempuan yang berkerjaya dan menjadi bibik sepenuh masa. Ya, kawan2...bibik gua akan meletakkan jawatan sebagai bibik. Pulang kampung kunun dia, mau buka kedai makan/runcit..... itu bibik gua bilang la, kalau bibik gua tipu...nah tertipu la kamurang, sebab gua yang kasih tau kamurang kan, jadi sama2 la kita kena tipu tu.....warghkakakakaa...tapi jgn la kamurang susah hati.....dengan kerjasama padu bersama microwave dan washing machine yg ada di rumah, maka terselamatlah lagi kesusahan gua itu yer.....(baca: selamat la lemak tepu gua dari didera). Oh ya tidak dilupakan juga berbungkus-bungkus mi segera, dan makanan2 tin yang berjenis2 serta tidak dilupakan telur2 ayam dalam peti sejuk....fuuuhhhhhhhh....selamat lagi lemak gua....dan selamat lagi RM500 laki gua....hujung tahun bulih sudah tambah gelang ni........muahahahahahhahahaha.....opsssss........*sambil harap2 laki gua baca blog gua*

Cerita pasal ketiadaan bibik ni kan...maka gua pun dapatlah panggilan telefon dari bekas2 bibik gua. Masing2 minta kerja balik sama gua. Itulah bah yang bingung sekarang ni. Dulu2, bukan main lagi durang minta berhenti, sekarang ni, mati2 la pulak minta balik kerja...adehhhh....

Bukan gua indak mau ambil durang kerja, tapi masing2 sudah kawin. Macam mana pula kalau kerja sama gua, tiba2 la termengandung....sepa susah...gua jugak. Silap haribulan, kalau la termengandung, bukan durang yang cuci kain gua, gua pula cuci kain durang. Bukan durang tulung2 gua kasib bersih rumah, gua lagi pulak angkut durang pegi klinik, buat checking....adehhhh....masalah ni.....

Kalau ikutkan hati gua yang kiut ni, indak bah gua mau ambil pembantu ni.....tapi macam biasa la laki gua tu....macam2 alasan.... ini antara alasan laki gua...

1) Gua kan kaki jalan. Kalau tiada pembantu nanti, indak la kunun dapat pegi jalan2....itu laki gua bilang la....

2) Kalau laki gua bawa gua jalan, banyak la alasan gua kunun...kain belum cuci la.... kasu anak belum cuci la....mau mop rumah la...mau lap2 barang perhiasan la <--- padahal kalau sudah tu laki sama anak jalan, sana juga la mata gua depan tv...kalau gua dengar enjin kereta laki gua masuk porch, baru la gua terhegeh2 jemur kain...opppssss....atau memang bibik gua buat begini juga ni...patut la kerja indak habis2.....

3) Kalau pegi jalan2 meronggeng...nanti balik kain bertimbun kunun...susah la mau cuci banyak2...itu alasan laki gua <---- tapi yang gua musykil tu....apa la guna washing machine yang besar gedabak sampai gua rasa gua pun bulih masuk dalam washing machine itu indak kena guna kan.....ataupun tu washing machine bulih buat perhiasan.....paling2 indak pun, bulih pelihara ikan talapia dalam mesin tu....jadi stok ikan tatap tidak akan kuranggggg....amacam, bagus ka idea gua ni.....hmmmm......jangan kamurang ikut ah.....itu idea original gua...

4) Kalau tiada bibik, susah kunun gua mau ikut laki gua ke hulu ke hilir.....itu alasan laki gua....<--- tapi gua rasa, gua pun jarang sebenarnya ikut laki gua pegi official dinner....bukan apa....gua indak sampai hati sebenarnya...gua laki bini makan sedap2...anak gua di rumah makan telur goreng jak <---- aiiikkkk... alasan jak tu kan, kalau pegi dinner kan lambat balik, kadang2 bukan ko tidur duluan ka sama anak ko......dasar penidur awal bah ko kan <--- DIAM!!!!!

5) Nanti abis tu jari2 kasar <---- ini la alasan laki gua buat gua lemah semangat ni...ada ka alasan tu yang dia pakai......gua kestau la banyak bah losyen bulih beli, rajin2 la pakai......kamurang tau apa laki gua jawab.....dia suka kunun pegang tangan gua yang gebu ni....halus kunun.....halus!!!! gua rasa laki gua tu mimpi ka apa ni....apa yang halus pun gua indak tau..... ishhhhh..........musykil gua.....owhhh patut la dalam kereta pun suka pegang2 tangan gua, sampai kan kadang2 anak gua tegur...'apa tu ah...papa pegang2 tangan mama tu...'...nah!!!!sepa pegang tangan sepa ni...... indak percaya tanya la anak gua...

Jadi, sekarang ni gua pun tengah2 lambung duit 10 sen la ni....samaada gua mau ambil bibik atau tidak......

Ada sepa2 mau jadi bibik gua ka......makan, minum disediakan. Perubatan ditanggung......dan yang paling siok....gerenti di bawa makan angin......Jika ada, sila dail 1800- cari nombor sendiri.....warghkakakakkaa

Puan Saiman 'signning off'.....

Mengejar keretapi siri 2

2011-06-14T09:52:00.005+08:00

Kalau anda gembira tepuk tangan.....*tepuk tangan*

Kalau anda rindu, kata la rindu...*rinduuuuuuuu.....*

Sabar peminat....sabar... gua sebenarnya sihat....cuma sibuk dan dalam kesedihan sebenarnya.....

Tapi sebelum gua bagitau kenapa gua bersedih dan berkabung......kita tinguk2 dulu la gambar2....ini gambar2 masa di Papar....

Stesen Keretapi Papar.....dari pandangan hadapan.....

Stesen di masih lagi baru, sebab itulah nampak bersih....

Bapa gua sedang bercerita sama 'geng lama'....

Gua ambil gambar dari stesen keretapi...MDPapar...betul2 dihadapan stesen ni.....

Nampak tu tanda jalan 'Jln Kereta Api'.......Keretapi dan Kereta Api..... sila jawab mana satu yang betul.....siapa dapat jawab, tiada hadiah akan diberikan ya......

Ini la simpan masuk ke 'Jln Kereta Api' itu......

Kedai-kedai lama di Pekan Papar.....gua cuma dapat ambil dari jauh jak...asal jak gua cakap mau pegi kedai, mesti mummy gua cakap 'nanti kena kasih tinggal keretapi, baru tau....' Nah!!!! Berani mau lawan cakap mama2....nanti kena kasih tinggal betul2 baru tau kan......takut ni berdosa sama mama2......betul, gua serius....

Nampak tandan larangan merokok tu.....begitu besar2 dan cantik2 kena lekat....tapi apa kes...tu baju biru dan kawan dia, sedap2 merokok....alahai....kalau nanti kena cakap teda sekolah, marah la pulak!!!!

Tanda berhenti supaya keretapi dari Beaufort/Bongawan berhenti di kawasan yang ditetapkan. Bagus juga ada tanda2 begini, mana tau tiba2 terlajak terus pegi Kinarut, terlupa pula berhenti di Papar....hahahahhahaa.....gurau jak la....

Lepas gua ambil gambar tu, terus keretapi sampai....tidak la sempat gua ambil gambar, sebab takut juga gua sibuk2 ambil gambar, last2, tertinggal keretapi la pulak kan.......kalau tertinggal keretapi, sepa susah, gua jugak.....Oh ya, tu laki gua indak ikut naik keretapi, tu laki gua drive la balik KK, tunggu gua anak beranak di stesen Tg. Aru......

Ok..... gua ni kan sebenarnya berkabung selama beberapa minggu tu bukan apa.....gua bersedih sebenarnya sebab kehilangan seorang rakan blog. Walaupun gua tidak mengenali arwah, tapi kehilangan arwah memang gua rasa....sangat2 terasa....gua kenal arwah, apabila dia menegur gua melalui shout box tu, maka dari sana la gua selalu melawat2 blog beliau. Sehinggalah gua blokwalking, barulah gua tahu yang arwah sudah tiada lagi.

Gua akui, gua ni memang sensitif bab2 kehilangan kawan ni. Samaada gua kenal hanya melalui blog, melalui rakan, malah lebih2 lagi kalau gua betul2 kenal. Gua pernah sakit selama seminggu bila gua kehilangan seorang yang gua anggap seperti kakak.

Hanya doa2 sahaja yang dapat gua berikan kepada mereka yang telah tiada. Kepada adikku Telor semoga ditempatkan di kalangan orang yang beriman...Al-Fatihah....

Gua yang merindui semua pembaca blog gua. Gua sentiasa blogwalking di blog2 kamurang........

Take care n hugs my dearest frens......

Puan Saiman 'signning off'....

Mengejar keretapi siri 1

2011-05-20T09:39:00.006+08:00

Rindu sama gua kan.........ala, memang rindu la tu. Terima kasih la sebab rindu sama gua...bukan jak rindu, siap tenung2 blog gua yang lamaaaaaa tidak kena apdet ni kan. Bukan jak ada sarang labah2, labah2 pun besar macam tapak tangan......penat gua bubut aka kejar tu labah sama penyapu.....warghkakakakaka.....

Setelah berpindah ofis di tingkat yang baru....dan setelah sakit2 belakang dan badan gua pun ambil la cuti hari satu yang lepas, kebetulan hari 2 tu cuti wesak kan....gua pun angkut la parents gua, laki sama anak2 gua pegi naik keretapi. Mula2 merancang mau naik keretapi dari Tg Aru pegi Papar.....sekali sampai di stesen Tg Aru....keretapi suuudaaaah jalan....warghkakakakakakka....adeh.......

Tapi indak apa....ada rancangan kedua...pegi Papar, naik keretapi turun di Tg Aru...siap!!!! Abis masalah......TAPI!!!!! yang jadi masalah pula, baru pukul 8.15 pagi, keretapi dari Papar ke Tg Aru pula jalan jam 12 lebih. Oh jangan susah ada lagi rancangan ke-3.....

Mula2...singgah di Putatan dulu minum2...lepas tu tiba2 masa minum2 tu, gua cakap la sama laki gua, gua mau pegi jalan2 dulu di Papar....ok, laki gua bagi green lite. Biasa la kan, kalau ada bini yang cantik, gebu dan baik hati, mana la tu laki bagi jalan2 sebarangan kan.....warghkakakakakakaka <--- ok, sambung balik cerita, ni kalau di biar ni, makin puji diri sendiri ni...warghkakakakakkaa....sila abaikan keriakan ini yer kawan2.....

Lepas minum makan bermula la pengembaraan kami anak beranak!!!! Dekat jak mau sampai di jambatan Papar...tiba2 gua dapat seru mau pegi Bongawan la pula.....terus gua cakap la sama laki gua...'pa, awal lagi ni, boleh ka kita pegi jln2 di Bongawan...' terus laki gua angguk2 kepala...gua apa lagi senang hati la....sepanjang jalan pegi Bongawan tu gua nampak di kiri dan kanan jalan, ramai orang berjualan ikan masin, ikan bilis kering dan udang kering. Owh...tidak dilupakan juga buah tembikai...... Tapi tidak pula gua terambil gambar...sibuk bah gua membeli...yang jadi tukang pilih2 buah tembikai pula, bapa gua la....warghkakakkakaa <---- ehemmm...gua kan anak kesayangan bapa gua......ni kalau adik2 gua baca blog gua ni, ada la gua kena kutuk kaw2 ni....hahahhahahaha....

Masa dalam perjalanan pegi Bongawan tu, gua cakap la sama bapa gua, yang gua pernah nampak ada kawan gua buat posting di fb pasal ada 1 kedai makan nama dia Bon* Joy*......terus bapa gua cakap 'sedap tu rojak sama soto dia...' wah!!! Bapa gua pun dengan semangat yang berkobar2 mau makan di kedai tu....warghkakakkakaka....sampai jak di Bongawan, bapa gua pun tunjukkan la jalan pegi 'kedai lama' dan bila laki gua parking jak di tepi kedai tu, bukan main lagi bapa gua kelam kabut turun, sampaikan mummy gua pun geleng2 kepala..... sampai la gua cakap, 'pelan2 pak, kedai tu baru buka tu...' bapa gua ketawa jak bila dengar gua cakap begitu......

Bapa gua yang penuh dengan semangat tu, duduk jak di kedai tu terus minta rojak ayam ngan kopi, laki gua minta nescafe dan cuma makan kuih2 saja. Bapa gua beriya2 suruh gua minta rojak...'cuba la, sedap..' bilang bapa gua. Gua pun sama mummy gua minta la rojak 'kecil' sebab gua kan sudah makan di Putatan....errr... bukan gua diet ah......hahahahhaa.....

Nah!!! Cuba bah kamurang tinguk bapa gua tu, bukan main lagi di indak peduli gua ambil gambar.....makan betul dia. Laki gua yang ensem...*wink* dan anak2 gua....<-- baju merah tu anak gua la, yang baju oren tu anak adik gua, tapi anak gua jugak bah kan.....Masa ni sibuk durang tinguk bapa gua makan...sampaikan bapa gua mau suap durang pun durang indak mau, sebab durang masih lagi kenyang....

Ini rojak gua, memang sedap...patut la bapa gua beriya2 suruh gua cuba....rojak dia memang lain. Mee rojak tu bukan gua mee kuning basah tu, tapi gua mee kuning yang kering tu. Lepas tu ada potongan seakan2 kuih cucur udang..... potongan ubi yang digoreng dan rasa kuah kacang rojak yang begitu berlainan rasanya...tapi memang sedap.

Lepas makan, bapa gua jalan2 di pekan Bongawan ni, gua pun ambil la kesempatan ambil gambar...tapi tidak la banyak gambar yang gua ambil. Sebab malu juga gua, asal jak gua ambil gambar, semua tinguk2 gua...barangkali dalam hati durang kan 'apasal la perempuan cantik ni ambil gambar ni.....' owh......yang cantik tu gua sengaja2 tambah...warghkakakakakkaka

Sibuk anak2 gua ni bermain2 di kakilima kedai ni. Mana durang pernah pegi kedai2 lama begini. Jadi tahap kehairanan dan kejakunan tu adalah tinggi....warghkakakakakkakakaka..... Di kedai hujung itulah kedai Bon* Joy*. Bukan apa, ramai orang dalam kedai tu, jadi gua pun segan sikit la mau ambil gambar dari depan tu. Tolong maafkan tahap ke'malu'an gua yang tinggi tu yer, kawan2.......

Bangunan lama dan dewan orang ramai......dan dibumbungi oleh langit yang biru dan awan2 yang cantik....cewahh!!!!!

Motosikal-motosikal dan basikal yang dibiarkan bersendirian......kemanakah tuannya??? Nampak basikal tu...... percaya ka kalau gua cakap, tu basikal tiada kena rantai...kena kasih sandar jak di dinding bangunan tu......tiadapun orang mau curi...best kan pekan ni.....

Nampak papan iklan yang berwarna merah tu, bangunan yang kecil di belakang papan ikan tu adalah klinik kesihatan Pekan Bongawan. Gua perhatikan, ramai yang keluar dari klinik tu akan singgah duduk makan dan minum di kedai makan yang rojaknya sedap.....sebab klinik dan kedai tu hanya berhadapan sahaja....

Bila gua nampak kedai2 lama ni, gua teringat kedai2 lama Putatan satu ketika dahulu...seakan2 begini la...sebelum bertukar wajah seperti sekarang...

Selesai mengambil gambar.....laki, anak2 sama mummy gua dalam kereta...bapa gua pula hilang, bila gua tanya mummy, mummy gua jawab...' bapa ko minta ambil sana dekat pasar jual pisang...'.Dari jauh gua nampak bapa gua beli pisang......

Bapa gua bersama anak adik gua...anak gua jugak kan....warghkakakakaka.....

Masuk jak bapa gua dalam kereta....terus bapa gua cakap..

Bapa gua : punya murah pisang sini....1 ringgit jak 1 ikat.....

Gua : Berapa la bapa beli....

Bapa gua : 4 ringgit jak.....banyak betul dia bagi....

Bila gua bagitau bapa gua, punya la jauh kami beli pisang....terdengar gua bapa sama mummy gua ketawa....

Dalam perjalanan pegi Papar tu, bapa gua pun bagitau la yang sudah 20 tahun dia tidak makan rojak di Bongawan tu. Itulah sebab kenapa bila sampai di Bongawan tu bapa gua terus masuk di kedai tu.

p/s : dulu2, bapa gua kerja di Papar seblm bapa gua ditransfer di Penampang dalam tahun 1990. Bapa gua kerja di Papar dari tahun 1974 , jadi kalau ada inspection, bapa gua selalu singgah di kedai makan tu. Jadi setiap kali ke Bongawan, jadi kewajipan sudah singgah di kedai tu. Oh ya, makcik yang kerja di kedai tu, kenal betul sama bapa....sampaikan dia cakap sama bapa....'sama la sudah kita ni.....tua sudah, skrg ni, anak2 kita sudah mau ganti kita'...wah!!!! Nostalgia betul ni......

p/s/s: hari satu tu adalah hari sekolah, oleh sebab gua laki bini cuti, maka gua pun kasih 'cuti' la anak gua. Bila anak adik2 gua dengar gua mau naik keretapi, maka durang pun cuti juga sendiri....warghkakakakakaka...

sambungan akan datang.........Papar..here we come.....

Puan Saiman 'signning off'...

Oh!!! Kenal pulak ko sama aku!!!!

2011-05-05T09:49:00.007+08:00

Sekarang ni, ofis gua memang huru hara....sana sini orang pindahkan barang2... sudah 2 hari ni gua sama bos gua naik atas...pegi tinguk ofis kami.... <--- sila maklum gua ni cuma kuli....jadi kuli mesti sedar diri.... dan gua memang bernasib baik gua dapat bos-bos yang baik hati dan sporting<--- sila percaya....bukan mau ambil hati atau angkat kaki, tapi memang itu kenyataan <--- gua harap2 tiadalah orang di ofis gua ni baca blog gua ni....<--- memang pun tiada orang baca pun, jgn ko perasan sana......warghkakakakakkaa!!! Memandangkan kami ber3 jak dalam bahagian kami ni, jadi kalau sudah gua cakap bos2 tu, bermakna orang ke3 yg BUKAN bos tu adalah gua. Jadi sila maklum...

Kalau bukan esok, kemungkinan hari satu depan, naik la sudah kami pegi atas ni. Jadi sebelum pc dan talian internet gua ni diputuskan nyawa...gua pun mau apdet la dari tempat lama ni sebelum apdet lagi dari tempat baru nanti. Gambar di bawah, iniiiii la tempat gua sekarang ni. Macam kapal pecah pun ada...kiri kanan, atas bawa depan belakang, semua la kotak.

Tapi apa kes, belum pun lagi pindah, gua sudah rasa sakit2 badan ni. Gua rasa belakang sampai la kepala gua sudah start sakit2. Kalau hari ni masih lagi sakit2 sampai bisuk, kena la gua pegi refleksologi ni <-- sambil jeling laki gua.....<--- ketara la bah mau minta sponsor kan....

Sekarang ni emosi gua sekejap2 berubah...kejap2 hepi semacam, sekejap2 sedih...sedih pun kau2 punya sedih la.... terutama bila gua baca newspaper pasal seorang ibu yang kehilangan 3 orang anak sekali gua, yang hanyut di bawa arus sungai..... bila gua nampak gambar ibu tu yang tengah melihat 2 orang anaknya yang terbaring kaku dan seorang lagi yang setakat ni belum dijumpai membuatkan gua betul2 menangis....sedangkan anak sakit pun kita susah hati, inikan lagi anak sudah tiada....bukan seorang tapi kesemua sekali. Gua mendoakan semoga ibu ini tadi dapat menguatkan semangat. Berat mata memandang, lagi berat bahu yang memikul....

Ok, gua ada 1 cerita yang gua membuatkan gua terfikir. Bukan 1 kali lagi gua fikir, tapi berkali2...berhari2....

Dulu!!! Ada orang tu...uiiii berpangkat.... pangkat dia memang besar... terus terang, pangkat orang tu lebih besar sikit dari badan gua...guakan gebu.... masa orang ni masih lagi kerja.....kalau berlimpas sama gua...percaya atau tidak...indak pernah dia nampak gua, padahal limpas sebelah menyebelah ni.... <---- mungkin gua ni halimunan...tapi seingat2 gua, belum pernah lagi gua ni bertapa di mana2 gua. Oh...baru gua ingat...dia tu orang berpangkat pula, gua ni kan kuli, mana sama taraf. Tapi kerana menghormati dia, bila gua nampak dia, gua senyum. Tapi dia tidak senyum sama gua balik. Mustahil dia tidak nampak gua senyum, gua sama dia bertentangan mata bah..Oh tidak apa, mungkin dia tidak nampak gua. Tapi yang gua hairan, bukan gua jauh....gua dekat jak pun.... berlimpas lagi tu....oh tidak apa bah. Tidak apa tidak senyum sama gua. Tapi bukan ka lebih bagus kalau tidak mau senyum pun, hanya menggangukkan kepala pun ok jugak. Tapi kalau sudah tidak senyum, jangan harap la mau di 'angguk' kan. Oh tidak apa!!!!!!

Bulan lepas gua nampak dia. Oh..lupa pula, dia ni sudah pencen. Kebetulan gua sedang berbaris di pejabat pos. Dan dia juga mungkin ada urusan di pejabat pos. Kami bertembung mata. Dia senyum sama gua. {{{{BIG MISTAKE}}}}} Gua langsung tidak senyum kembali apalagi menganggukkan kepala. Gua terus menolehkan kepala. Kenapa ??? Oh bukan gua sombong!!! Gua takut gua yang salah orang. Sebab apa?? Kalau dulu dia tidak kenal gua, kenapa sekarang, baru terhegeh2 mau senyum dan mau menegur. Oh!!! Baru gua ingat...sebab kau sekarang bukan siapa2 kan. Lagipun gua dulu sama sekarang mana berubah...dulu gua gebu, sekarang ni pun gua masih lagi gebu....jadi kenapa dulu kau tidak kenal gua, sekarang ni tiba2 kenal la...ATAUPUN....kau terlanggar batu, lepas tu kepala kau terhantuk, lepas terhantuk tu terus la kau ingat gua ah......tiba2 kan!!!!!

Gua memang betul2 hairan jenis2 orang yang begini. Sombong tidak bertempat. Mungkin orang2 jenis begini ni kadang2 tidak sedar yang satu hari nanti durang pun akan pencen dan pangkat itu akan hilang juga. Tapi tidak semua orang begini. Ada juga orang2 yang gua kenal masih lagi kenal 'rumput di bumi'. Kita pun sedia maklum la orang2 begini ni umpama enggang.... terbang tinggi di awan biru, tapi jangan lupa, enggang pun kalau penat terbang, akhirnya akan hinggap di pohon kayu juga, belum pernah lagi enggang hinggap di kapal terbang yang sedang terbang di udara. Entah la, mungkin orang begini ni spesies enggang yang makan beger kali.....

Lagipun, bukan semua la bah staff 'bawah' yang suka ambil kesempatan. Tapi apa salahnya kalau staff senyum, senyum la bah balik. Bukan juga sekali mau senyum, terus mau kena minta duit kan. Sebab satu hari nanti bila kita bukan lagi siapa2....maka orang2 yang dulu kita tidak tinguk tu la nanti yang kita minta tulung tu...

p/s : hari ni hari kau...bisuk2 hari orang lain pula. Masa kau berpangkat, semua urang mau pigi siring2 kau tu...bukan apa, mau pok naik pangkat bah.... jadi urang yang jaraaaang di siring2 ko tu, indak la ko nampak kan...tapi bila ko sudah pencen...jangan ko pikir tu urang yg dulu2 di siring ko tu ambil peduli sama ko....yang ada keperluan jak bah selalu di siring2 ko tu.....jadi lepas tu baru la ko mau senyum2, tegur2, tepuk2 bahu...padahal dulu, gajah limpas pun kau tidak nampak kan......

Puan Saiman 'signning off'.....

Dulu-dulu

2011-04-29T14:58:00.002+08:00

Hari ni gua mau cerita pasal permainan yang gua main masa kecil2 dulu...gua rasa gua pernah kasih cerita pasal ni, tapi indak apa la, gua kasih cerita la balik....

Dulu-dulu....

Gua paling suka mandi kolam....opppp...opppp... bukan mandi kolam di hotel tu...tapi kolam kampung. Kolam semulajadi. Ni kolam tempat kerbah berendam. Kalau tu kerbau sudah berendam....tu kerbau kalau sudah berendam tu...nah...tutup2 lagi mata dia tu....berehet la bah kan.....kalau sudah tu kerbau berdiri, kasih tinggal tempat rehat dia...gua sama kazen2 gua tunggu la setengah jam...sampai kami nampak ada la berudu bereneng..... lintah2 pun ada....bermakna tu lumpur turun sudah kunun...air pun jernih. Bah apa lagi....berebut bah kami berterjunan...hahhaahhahaa.....masa ni la, paling best, apa indak best kalau dapat mandi beramai2 dalam satu lubang...hahahahhaa.....tapi yang gua hairan tu, walaupun bila naik dari 'kolam' tu, 1 ekor lintah pun tiada bah melekat....hahahahhaa.... lintah pun takut bah sama kami....tapi kalau pulang, gerenti dapat rotan punya la...apa indak kena rotan...dari hujung rambut sampai la hujung kaki...LUMPUR....

Dulu-dulu...kalau main, bukan macam budak2 sekarang ni... minta beli lori2 la...minta beli kereta kontrol la...budak dulu-dulu, cari tin milo atau tin susu besar untuk buat kereta....kasih lubang di antara 2 tin, lepas tu ikat pakai tali atau dawai....sambil jalan sambil tarik...kalau mau ada bunyi best lagi, kasih masuk dalam tu tin batu2 kecil, jadi bila kena tarik, gerenti berbunyi la tu tin....masa tu, siapa yang ada tin paling besar kira hebat la tu...sebab dia boleh jalan depan sekali...kira bos la...siapa yang dapat tin paling kecil, kena jalan belakang sekali......hahahahhahaha....

Dulu-dulu... best betul kalau main rounders.....dapat pukul bola tenis gua pemukul ajaib...masa ni masing2 ada kayu pemukul sendiri. Ada yang kena buat dari banbu, ada yang kena buat dari papan.... masing2 punya kreativiti sendiri la...mana ada yang main beli punya...bukan indak mau beli..tapi sebab tidak mampu, kalau mampu pun, mana mau beli.... dulu2 dari Putatan pegi KK kira jauh...siapa2 yang pegi KK tu, kira ada urusan besar la tu....lagipun dulu2, kedai di Putatan tu, 1 baris jak pun....bukan macam sekarang....Jadi bila mau pegi main rounders ni, mana la kawan2 lain mau kasih pinjam kayu ajaib durang kan...gua pun kadang2 tukang tinguk jak la...kecuali ada 1 jiran belakang rumah gua, kalau dia ada main, gerenti dia kasih pinjam sama gua. Tapi jarang la bah kami dapat main sama2 sebab masa tu dia sekolah petang. Jadi ada 2 malam tu, sedang2 gua duduk2 di rumah, sambil2 berfikir dari mana mau dapat tu kayu pemukul...tiba2 gua terpandang kerusi depan gua. Dulu2 ada 1 jenis kerusi kayu yang penyandar dia ada kayu sebatang2, kira2 besar 2 inci. Begitu juga tempat duduk kerusi tu. Cuma yang bikin siok sikit duduk sama menyandar sebab ada kusyen. Hahh!!!! gua dapat satu idea.... mula dari saat tu...setiap hari gua goyangkan salah 1 dari kayu penyandar tu....kalau 2 hari belum lagi apa2 kan, tapi kalau sudah 1 minggu......longgar ging.....kalau sudah longgar... bulih sudah cabut..... bila sudah tercabut, apalagi gua bulih la guna untuk main kan. Masa ni kalau main langsung indak ingat dunia...bah apa tidak, sendiri ada sudah tu kayu kan. Sampailah ada satu kazen gua nampak, dia tanya la gua dari mana dapat...gua mana mau tipu kan, gua kasih tau la. Bulih2 dia minta sama gua, gua pun apa lagi, dengan baik hati, buat lagi la projek....hahahhahahhaha

1 kali indak lagi kedapatan, tapi masuk kali ke2, kebetulan mummy gua mau cuci sarung kusyen....terbang kali semangat mummy gua tu, bila nampak berlabang bah belakang kerusi....Belum lagi tu....... gua masih lagi bermain dengan eksyen tu....apa tidak eksyen, tu kayu ringan, senang gua pukul bola, bila gua pukul tu bola, berabis kawan2 gua pegi sambut...sudah la pukulan jauh, bulih dikatakan gua selalu dapat 'home run' la. Tapi bila sudah kedapatan... pulang jak petang tu....gua nampak mummy gua berdiri2 sudah di depan pintu. Ahhh!!!! sudah.... tapi masa tu belum lagi tau ada buat silap ni.....

Lepas mandi, lepas makan, mummy gua terus tanya gua... 'ada ka nampak tu kayu belakang kerusi tu'....gua pun jawab 'ada...sia ambil dua mami bikin main2'... terus mama gua kasih besar mata dia....bila mama gua tanya lagi 'macam mana bulih tercabut tu..', terus lagi gua jawab..'entah tercabut sendiri...' zapppppp....trus kena rotan....sebab kena rotan bukan sebab ambil tu kayu tapi sebab menipu.... apa tidak kan, indakkan tu kayu tiba2 pandai tercabut sendiri kan.....magik tul...hahahahahahahaha.....

Dulu2.....

Memang siok betul kalau main 'tapuk2' <-- main sembunyi2. Sebelum main tapuk2 tu, mesti kena kestau dulu tu, sampai mana jak bulih tapuk. Kalau indak kena kasih tau begitu, bah ada la urang yang bertapuk sampai hujung kampung tu, jadi yang mencari mati la mencari...yang kena cari siok2 la. Sampai ada satu masa, bila kami main tapuk2 tu, ada 1 kazen gua bulih2 pulang pegi makan...lps makan bulih2 lagi pula tertidur. Akibatnya, bukan 1 jak yang mencari, abis semua yang ikut main ni teriak2 panggil dia, last2 mama dia yang menjawab, kestau kami yang dia ni tidur. Buang karan betul....

Ok, gua stop dulu la, sakit pula kepala gua. Apa indak sakit...hari ni gua betul2 kecewa...sedih....tapi gembira pun ada... apa tidak....boipren gua kawin hari ni....sudah la dia kawin, indak lagi gua dapat tinguk, sebab gua kerja......menyesal indak cuti hari ni....huh!!!!!! Oh, I missed his mother very much...terutama senyuman dan jelingan dia....

Puan Saiman 'signning off'....

Dulu dan Sekarang....

2011-04-28T14:44:00.005+08:00

Ok...hari ni gua mau cerita pasal gua sendiri. Jadi mungkin ini mungkin ada persamaan sama kamurang la. Tapi kalau teda...nah, mungkin gua saja la tu......

Kalau dulu...<---sebelum kawin....indak kisah la, masih sekolah ataupun sudah kerja...janji belum kawin...

Pantang ada cuti.... bangun kalau indak pukul 9 indak la peduli. Walaupun tu mummy gua marah2..bising2...tapi indak juga terbangun2...kadang2 sampai mau kering sudah tu kain kena jemur, pun belum tau bangun.......kenapa tu ah....macam tu mata indak mau bangun bah kan.....

Tapi sekarang <--- terutama lepas kawin dan TERUTAMA sudah ada anak....

Cuti ka...indak cuti ka.....tu mata sudah bangun awal...kadang2 tu matahari masih lagi tidur, bulan pun belum lagi mau punch kad pulang, tapi tu mata bulat2 sudah bangun. Kasih tutup kuat2 ka...kalau brani kasih stepler ka....belum tau lagi tidur tu balik.....heran tul....

Kalau dulu......

Nampak apa jak iklan di tv...semua la mau dibeli. Berangan2 la konon mau beli coklat Ding Dang la...tora la.... beli eskrim kon la....kunun2 kalau sudah kerja, mau beli banyak2, dan berangan2 mau makan sampai muntah la kunun.....sebab kalau mama kita kasih beli, 1 indak cukup.....gondoot betul....

Tapi sekarang....

Anak mau minta makan eskrim pun mau fikir 20 juta kali. Takut anak batuk la....selesema la. Kalau pegi supermarket, indak juga beli eskrim...bukan jak indak terasa mau makan, tapi kalau limpas di tempat eskrim pun, kadang2 jeling pun tidak bah. Jangan kan eskrim, limpas di tempat keropok pun buat derkk ja tu....kalau tu anak pegang pun, trus gua cakap..'isshhh indak bagus tu...' hahahahhaha....

Kalau dulu......

Kalau jemur kain pagi....belum lagi pukul 3, sibuk sudah mama kita suruh angkat kain.....takut hujan kunun, padahal tu matahari punya la panas, kalau kita angkat kain, masuk rumah, tu rambut kita kalah2 bah kena stim di salon...sambil2 tu 'cakap2' juga dalam hati, mau lawan cakap mama indak pula kita berani kan, takut berdosa.....lagipun kita dulu2 mana la bah berani mau lawan cakap bapa mama ni.

Sekarang....

Kalau gua jemur kain <-- terutama kalau bibik cuti...pukul 7 pagi, jemur kain, pukul 7.10 rasa2 mau angkat kain sudah......lebih2 lagi kalau jemur selimut ka, balik2 la kita kasih terbalik kan, supaya cepat kering kunun.

Kalau dulu....

Masa kecil2, bila bapa baru gaji, bawa kita makan di kedai. Macam2 la di fikiran kita, mau minum ini la, minum itu la.... sampai di kedai...kena bawa minum kopi di 'cuit' cawan sama makan roti kawin pun, kenyang sudah. Kalau mau pegi 'tapau' soto ka atau sup tulang, gua ingat lagi mummy atau bapa gua bawa tin milo, bikin simpan tu sup. Makan di rumah ramai2, walau cuma dapat sikit satu urang, tapi itu la makanan paling sedap.

Sekarang....

Kadang2 sudah duduk2 di kedai makan pun indak tau mau minta apa. Last2 minta megi guring...'sigh'...

Kalau dulu....

Bilang mama kita, kalau lambaaat tidur, bah nanti bisuk laambaat la bangun tu. Memang betul...macam tu mata bayar masa pula kan. Kalau sudah pagi, biarpun tu dapur macam2 bunyi <--- pandai tul mama kita balik2 kasih jatuh baldi la, periuk la, macam2 bunyi la bah...kita tutup jak tu telinga pakai bantal kan....sebab bila kita bangun, sekejap jak tu mama marah, nanti dia diam la tu, bila nampak kita sakit kepala <--- apa indak sakit kepala kalau lebih tidur kan.....paling2 tu mama cakap, 'nah itu la kalau bangun lambat ' trus tu mama suruh la kita mandi, makan nasi, makan ubat, trus kena suruh tidur balik lagi tu....begitu la bah mama kan, sepa bah mama indak sayang anak kan.....

Tapi sekarang....<--- lebih2 lagi kalau sudah ada anak!!!!!

Biarpun tu kilat sambung menyambung berperang di langit....hujan kuat macam mau tembus tu atap sama siling rumah...masih juga kita indak terbangun...tapi cuba kalau anak batuk...terus otomatik tu kita terbangun....padahal tu anak batuk tersedak air liur jak tu...adeiiii..... apa pun mimpi datang...tengah menari sama sarukan ka, tengah naik motor berkuasa tinggi sama bred pit ka, kena kejar oleh pontianak ka....tapi sekali jak tu anak panggil, bukan lagi kita buka mata, otomatik terus terduduk bah....macam tu telinga sensitif betul suara anak....

Kalau dulu....

masa kita sakit, tu mama kita suruh kita minum banyak2 air, tu kepala kena letak daun bunga raya la, kena kasih pakai baju tebal2 la, supaya tu badan cepat berpeluh....tapi memang betul, petang demam, malam berselimut tebal, pakai lagi baju tebal sama stokin..terus berpeluh2..bisuk pagi sudah main2 di bawah rumah....

Kalau sekarang....

Bila anak demam...doktor cakap, jangan kasih pakai baju tebal, nanti tu panas badan masuk balik, nanti tu anak kena sawan. Anak kita jaga betul2. Tidak lagi guna tu daun bunga raya...beli jak kul fever...bagi anak kita makan ubat, supaya panas badan cepat turun....tapi tu demam anak 1 minggu baru baik...mau 2 botol ubat juga makan, baru baik....itupun kalau betul2 baik, Kadang2 indak sudah panas badan, tapi tu batuk sama ingus indak jugak baik2.

Kalau dulu....

Balik jak dari sekolah, tidak la peduli siapa punya rambutan atau jambu, kita pegi panjat pokok...dapat jak, terus makan. Munyit pun kalah bah.... kalau dapat petik jambu, lap2 jak di baju terus makan. Indak juga sakit perut.

Sekarang...

Apasal makan megi, perut gua sakit semacam. Padahal dulu, makan mentah2 pun teda hal.....

p/s : jangan kamurang indak ingat tu iklan Ding Dang...jangan kamurang main2 gua pernah ada tu spider macam jelly tu, kasih umban di dinding, trus pandai melekat di dinding trus pandai lagi turun tu...masa tu gua kagum betul..... sampai gua kestau bapa gua, pandai betul tu urang yang buat mainan ni...padahal kalau masa tu uncle gua Isaac Newton masih hidup, silap2 dia ketuk kepala gua.......tapi itu la urang bilang kan, perubahan zaman....

p/s/s : kepada sahabatku CJ, semoga lepas baca cerita gua ni, dapat mengubat kerinduan zaman kita budak2 dulu2. Dan kepada peminat2 gua... cerita ini dapat mengimbau masa kita budak2 kan. Walaupun tu tv tidak 'main' 24 jam macam sekarang....tapi kita dapat main guli, main getah, main timbak2 pakai bambu, main rounders.....ok..ini permainan gua cerita bisuk pula.....

p/s/s/s : kepada usop selam, atau amat idam atau uncle debit tio...sila ambil gua kalau mau buat pilem... kalau ada babak 'ingat semula' sila jemput gua.... penerimaan tawaran bukan berdasarkan 'pertama datang, dia dapat'...tapi tawaran $$ yang tertinggi akan dipertimbangkan. Sekian, harap maklum!!!

Puan Saiman 'signning off'....

Cerita 3 in 1...macam cerpen...

2011-04-27T10:08:00.005+08:00

Seperti yang dijanjikan...entry ini dibuat khusus untuk sahabat gua..CJ.... semoga dalam keadaan sihat dan disamping menjaga baby....dengan ucapan..semoga hati gembira bila baca blog gua ni......

Mesti kamurang pernah dengan pepatah ni 'don't judge the books by its cover' kan...pernah kan..... jadi cerita seterusnya ada kena mengena la ni...

Cerita 1....

'muka saya nampak brutal, tapi dalam hati saya ada taman tau'.)..quote by Adnan Sempit in Adnan sempit the movie

Gua pegi di salah sebuah kedai serbaneka 24 jam di Jln Bukit Bintang. Gua ngan mummy gua beli air mineral. Ketika mau membayar air yang dibeli, masuk satu mamat yang berbadan tegap. Sudahlah badan berketul2 hensem lagi tu. Tapi lupakan seketika paras yang hensem itu, yang menarik perhatian gua ialah tatu di tangannya...<--- no offence ya...tapi tatu tu memang cantik..... Mamat hensem tu senyum ngan gua, terus dia cakap...'kak, saya duluan la ya, saya mau beli rokok saja..' Oleh sebab dia hensem, jadi gua pun angguk saja la....hahahhahahaha.....Ok, sambung cerita lagi.... si hensem tadi pun, tunjukkan la rokok yang mau dibeli kepada pekerja yang dalam kaunter tu....bila pekerja tu bagi rokok yang diminta...tiba2, lelaki hensem ni tadi cakap...

'errr... boleh tukar ka, saya tidak mau yang ada gambar baby, gambar lain ok....'

Gua pun bertinguan sama mummy gua. Biar badan tegap, bertatu, dan hensem.....bukan ganas tau. Bukan apa, kalau dulu2 orang berbadan tegap ni selalu orang cakap kaki buli kan...tapi salah tu.....sekarang orang berbadan tegap pun bersopan santun dan hati pun berbunga2 tau!!!!! Oh ya, tatu itu masih lagi menarik perhatian gua...

Cerita 2.....

Ketika gua berada di salah sebuah makanan segera di pusat membeli belah di KK.....gua laki bini duduk2 makan beger berdekatan dengan tempat budak2 bermain. Datang seorang lelaki. Duduk di sebelah meja kami. Duduk. Buka beg. Keluarkan laptop. Oh baru beli laptop rupanya. Gua tau la, sebab masih lagi ada plastik. Lepas buka plastik, terus 'hidup'kan laptop. Sekejap2 gua tinguk. Bukan gua tinguk orang tu, tapi laptopnya yang menjadi perhatian gua. Orang itu panggil pekerja di kedai itu dan dengan suara yang agak kuat dia bertanyakan sesuatu dengan pekerja itu.....

Orang itu : Ada weefee ka sini??

Pekerja : Ohh...sekejap ah...(dengan dahi yang berkerut) <-- terus ke kaunter bertanya kan sesuatu...

Gua perhatikan sahaja pekerja tersebut. Selesai bertanya di kaunter, terus pekerja itu datang semula.

Pekerja : Sori bang, kami tiada weefee di sini

Orang itu : Tiada !!! (<--- dengan nada yang marah)...jadi itu apa <--- sambil menunjukkan sesuatu di dinding kedai.....

Nyaris2 tersembur makanan gua dari dalam mulut. Rupanya orang itu menunjukkan WI-FI (bunyi : waifai).

Pekerja : Oh itu...... (sambil muka tahan ketawa).....

Lepas nampak kejadian itu, gua dan laki gua tidak lagi menoleh ke tempat lelaki itu. Oh bukan sombong, tapi gua takut, kalau2 gua senyum sendirian.....Oh ya, gua duduk2 di tempat budak2 bermain sebab anak gua bermain di tempat tersebut.

Cerita 3......

Anak gua ada satu perangai pelik yang membuatkan gua laki bini hairan. Bukan hairan sikit2 tapi hairan yang betul2 hairan.....

Satu hari, gua laki bini pegi ke Putatan. Ada 1 kedai makan yang masakannya agak sedap2. Banyak pula pilihan....Tapi masalah kalau mau makan di kedai ni adalah parking. Pusing2 5, 6 kali pun belum tentu lagi dapat parking. Dijadikan cerita, pusing kali ke-7 adalah satu kereta ni keluar....tapi depan parking ni pula betul2 belakang kedai...dan kebetulan di belakang kedai tu ada tong sampah yang besar.....

Masa masuk parking tu, anak gua tidak lagi perasan tu tong sampah...sampailah kami habis makan dan mau pulang. Bila anak gua naik jak kereta terus anak gua cakap....

Anak gua : La...tong sampah pula di depan tu Ma....

Gua : Ya...

Anak gua : Takut pula abang Ma...

Gua : Kenapa ??

Anak gua : Entah..tiba2 abang takut ni nampak tu tong sampah...

Lepas tu gua indak ambil peduli...gua betul2 sangka anak gua cakap main2 saja. Malam tu bila mau tidur....

Anak gua : Ma...macam lain abang rasa..

Gua : Kenapa?? <---trus gua pegang dahi anak gua.....<-- indak demam pun...

Anak gua : Asal jak abang tutup mata kan, macam ternampak2 abang tu tong sampah tadi tu...

Gua : La..... kenapa?? Abang geli ka??

Anak gua : Bukan abang geli, tapi takut bah.....dada abang kuat bunyi ni....(baca : berdebar-debar)

Gua : Bah...kalau gitu abang tutup mata baca doa yang ustazah ajar tu...

Gua temankan anak gua sampai dia tidur....TAPI belum lagi selesai tu....

Tengah malam tu...masa gua tidur.....fuh!!!!! sib baik tgh tidur....warghkakakakakkaa........ ok, serius balik....gua terdengar gua kena panggil.....terus gua duduk....<--- apasal ah...kalau dengar suara anak panggil terus bangun, siap duduk lagi tu...tapi kalau bom meletup pun kenapa tidak terbangun tu ah...(ok...itu bisuk atau ari 5 punya story pula).....

Gua : Kenapa bang?? <--- terus gua pegi tempat anak gua...

Anak gua : Boleh ka abang tidur sama mama...

Gua : Boleh....tapi kenapa?? Abang mimpi ka??

Anak gua : Ya....

Gua : Ok mari tidur sama mama.....

<--- terus bersempit la kami atas katil kecil dan 3 orang CHOMEL berkongsi 1 katil....sambil2 gua kasih selimut anak gua....gua tanya la...

Gua : Abang mimpi apa ??

Anak gua : Abang mimpi abang berdiri di tong sampah yang kita nampak tadi siang tu...abang berdiri jak tinguk tu tong sampah.....mau lari pun indak dapat....mau panggil mama pun indak keluar tu suara...

Gua : Abang geli ka sama tu tong sampah...?

Anak gua : Bukan abang geli, tapi abang takut....

Gua pun hairan...ini la kali pertama gua tau ada orang takut sama tong sampah....patut la setiap kali anak gua nampak tong sampah hijau yang besar yang belakang kedai tu dia akan suruh papa dia drive laju sikit...rupanya dia takut tu tong sampah, ataupun takut tu tong sampah jadi transformer trus kejar kami...warhgkakakakkkaaa...tapi serius...anak gua memang takut sama tong sampah......

Jadi mulai dari hari tu...biarlah tiada parking.... sanggup ni parking jaauuuuhhhhhhh walaupun ada parking dekat tong sampah, tapi gua indak sampai hati tinguk anak gua ketakutan...apa tidak ketakutan....mau sebulan juga dia ikut gua tidur.....kalau kena tanya kenapa, mesti dia jawab begini...

'abang mimpi2 tu tong sampah...'

Kesian kan........tapi bikin hairan juga.....orang lain trauma sama laut...errr macam gua....tapi gua trauma sebab gua pernah nyaris2 lemas...tapi kalau sama tong sampah.....apasal ah...seumur hidup anak gua tu....indak pernah gua suruh dia buang sampah dapur rumah pegi tong sampah di luar pagar tu....uisshhhhhh.....jadi pikiran gua pulak sudah.....

Puan Saiman 'signning off'....

Itulah gunanya PA system

2011-04-26T14:53:00.006+08:00

Sebenarnya gua sibuk betul sekarang ni. Lagi seminggu lebih gua akan berpindah ofis. Sama juga tempat cari makan...cuma sekarang ni duduk2 jadi kuli di tingkat 1, lepas minggu depan pindah sudah pegi tingkat atas, cuma yang indak berubah, masih jugak jadi kuli batak......warghkakakaka......jadi 'post' ini dikhaskan untuk sahabat gua CJ. Ehemm....ya bah kan my fren, dari ko belum branak sampai la branak...belum juga apdet blog.....warghkakakkakaka....(pssttt ging, ko rindu sama gua bah tu kan.....) *wink2. Bah, jangan la bah ko indak mengaku ah..... jadi sebagai penghibur hati kepada sahabat gua...gua memang khaskan post ini untuk dia la.....(sempit tul sdh tempat gua ni ging, kiri kanan, atas bawah, semuaaa kotak2. Tapi demi mu sahabatku,....gua apdet juga la ni.....<---- dapat sudah 1 perenggan.....warghkakakaka....

Ok, gua serius balik..... sempena cuti Good Friday minggu lepas tu, laki gua bawa la gua anak beranak pergi berjalan...ala paling jauh pun siniiii KK jugak.....bila sampai di Suria, gua pun pusing2 la dalam bangunan tu. Bukan beli apa pun, saja la cuci2 mata...pegang2 ini...pegang2 itu...belek2 ini...belek2 itu.... anak gua cuma perhatikan saja....penat dia berdiri sebelah gua, gua nampak dia duduk, nasib baik ada kerusi kan.... penat2 dia duduk, dia berdiri balik, apa gua pegang dia pun ikut pegang. Gua macam biasa jak la, buat derkkk jak..Oh!! tu laki sanaaaaa duduk jauh2..... tapi tu mata tinguk gua saja. Kalau gua tinguk laki gua, laki gua angguk jak kepala...ntah apa yang dia angguk sama gua pun gua indak tau....gua pun angguk jak balik. Tiba2 gua dengar suara dari sebelah gua bercakap....sepa lagi anak gua la bah kan....

Anak gua : Ma, can I ask you something....

Gua : Yup... apa??

Anak gua : Mama indak bosan ka, dari tadi abang tinguk mama tinguk2 ni beg..tapi indak juga beli, dari pintu sanaaaa lagi <--- sambil tunjuk lagi tu....sampai la kita dekat minyak wangi ni, teda jugak mama beli...ngapa Ma...

Gua : Ala...saja la mama mau tinguk2. Bukan jugak mau beli.... saja la cuci2 mata....

Anak gua : Tapi kan Ma, kenapa kalau abang yang tinguk2 mainan mama cepat2 mau bawa keluar, padahal bukan abang mau beli pun. Tapi mama balik2 bilang...'sudah ka bang...sudah ka bang...'

Gua : Minang la bah, mama takut mana tau ada tu mainan terjatuh ka terus pecah, abis la kita kena bayar.....

Anak gua : Oh ya ma, abang ada 1 idea....

Gua : Apa tu...? <--- dengan muka eksaited lagi gua tinguk anak gua...

Anak gua : Amacam kalau kita buat begini Ma, Mama di sini tinguk2 beg, abang pegi tempat mainan tinguk2 mainan...papa pula pegi tempat baju2.....

Gua : Ala... indak bulih tu...nanti macam mana kita mau jumpa. Abang indak bulih bawa henfon, bahaya tu....

Anak gua : Nanti abang pegi la jumpa security tu, abang minta tlg bawa pg kaunter, nanti abang bilang begini 'uncle2... bulih tulung saya ka, nama saya Khairy, saya sesat, nama papa saya S****n, nama mama saya K*******......bulih ka uncle tolong saya kestau pakai pembesar suara....jadi kalau mama dalam toilet pun mama dengar tu.....

Nah...indak kamurang kepisan tu bila kena cakap begitu. Gua pun indak tau dari mana anak gua dapat idea ni....tapi gua rasa idea ni datang bila dia balik2 dengar Pengumuman 'kepada pemilik kenderaan SAA**** sila alihkan kenderaan anda dengan segera, terima kasih'.

Tapi macam mana kalau tiba2 ada begini...'Kepada Encik S dan Puan S, sila ke kaunter informasi dengan segera kerana anak anda sedang menunggu di sini'......siapa malu...GUA laki bini jugak....warghkakakkakaa...bagus kalau teda yang kenal, tapi kalau ada yang kenal, mesti kena cakap...'astaga, durang si anu pula tu...adaka beli barang sampai anak drng pula cari drng...warghkakakakkaa.....adeiii...kalau betul2 macam mana la tu ah....

Lepas anak gua cakap begitu, terus gua letak beg, tarik tangan dia keluar dari kedai beg, dan terus minta laki gua belanja gua makan piza. Kenapa makan piza, oh sebab gua terbang semangat, jadi mau kasih balik semangat kena makan piza la.....warghkakakkakaka......<--- sahabat ku CJ, bersabar la bila mengadap makanan yang itu...ituuuuu jak ah....hehehehhee

Kepada sahabatku yang baru sahaja bersalin dan ada sudah 2 starring..... sila la cuci2 mata...tinguk la taman bunga gua ni....itupun semua ni gua sudah letak di car porch...jadi kalau rindu2 sama bunga2...indak dapat turun pegi luar tinguk <---jangan keluar nanti masuk angin...senang jak, buka jak blog gua ni, tinguk2 la gambar di atas ni.......hehehehehehe

Take care my fren. Jangan susah2 hati...jangan sedih2.... kasih pasang tu tv, atau suruh tu laki beli cd yang lucu2....dan kalau susah2 tinguk jak tu maharaja lawak...gerenti ko ketawa tu...... banyak gua dengar cerita, kalau second baby sudah, ada juga tu perasaan macam indak kena peduli, padahal teda bah tu.....take care ah......'big hugs'.....muahhhh....

p/s : kepadamu sahabat ku, gua akan apdet lagi dalam 2,3 hari ni.....khas untuk ko my dearest fren.....

(adeiii.....terkena pula kaki gua sama kotak...uisshhh....bila la ni barang kena angkat)....

Puan Saiman 'signning off'....

Sivik

2011-04-12T15:16:00.005+08:00

Beberapa bulan lepas, gua singgah di salah satu pusat membeli belah yang agak baru di kawasan KK. Dan alang2 masuk <---- ala bukan pun beli apa2.....saja mau jogging sambil cuci2 mata... bagus jugak jogging dalam pusat membeli belah ni....ada ekon free, kalau haus bulih singgah di mana2, bulih minum2...makan2... macam kupi 3 in 1 la kunun.... yang paling penting, indak lagi panas kena matahari kan.... warghkakakakakkaa...kalau mau beli apa2... bulihlah servey harga dulu kan....jadi kalau mau minta beli apa2 sama laki, tau sudah harga.......hahahahaha....opsssssssssss....

Ok....dalam pusat membeli belah tu, gua masuk la dalam salah satu rangkaian farmasi yang memang terkenal...lepas ambil beberapa barang keperluan...gua berbaris di la di kaunter. Gua orang ke-2. Di depan gua ada perempuan 'mat saleh' <--- (lepas ni gua panggil dia C saja la...sebab cute)..hahahhahahaha....Gua pasang telinga saja. Owh....si C tu sedang ber'bahas' sama staf kaunter. Kamurang tau pasal apa??? Nah..ini la gua mau cerita ni......

Kebetulan hari tu hari satu ala hari Isnin bah, jadi tiada la plastik kena bagi kalau beli barang. Masalahnya si C banyak beli barang. Jadi tu si C pun minta la alternatif.....paper bag ka.....ala beg kertas bah.....tapi tiada.... tu staf kaunter cakap ada la beg...tapi kena beli la.....si C indak mau sebab ada sudah tapi tertinggal di rumah...kamurang tau apa tu staf kaunter cakap......'kenapa tidak bawa...'...la, bulih2 dia tanya begitu....apa tu staf ingat, kita semua ni teda kerja lain ka, mau ingat dari ari 6 sampai ari 1 teda plastik ka.....Jadi si C pun cakap la, bukan dia mau 'argue' tapi kena la bagi alternatif lain...lagipun bukan tidak mau beli tu beg, tapi banyak sudah ...... jadi kalau indak terpakai sayang jugak....Mau indak mau, terpaksa la si C bayar 20 sen, tapi masih jugak dia 'cakap2'. Tapi bukan la dia cakap2 yang bukan2, tapi dia bagi cadangan la bah, supaya orang lain yang beli barang, tidak la payah lagi beli plastik......

Tapi yang tidak siok tu....bila si C ni keluar dari farmasi tu....ketika gua mau bayar barang2 gua...tiba2 teman sekerja dalam kaunter tu bulih2 cakap...'stupid punya urang putih... dia yang lupa bawa beg, kita pula yang dia marah...' Gua terus tinguk budak tu..... terus gua cakap.... 'jangan cakap sembarangan sama orang, kalau dia dengar macam mana. Lagipun bukan bah dia marah tadi tu, dia kasih cadangan saja. Sepatutunya kamu kasih tau kamu punya supervisor kamu pasal hal ni. Bagus juga cadangan dia tadi tu. Kakak bukan mau masuk campur, tapi macam mana kalau mama atau bapa kamu kena cakap bukan2, kamu suka ka? Lagipun bukan salah jugak dia cakap....indakkan dia kestau kamurang yang dia lupa bawa tu beg, kamu cakap dia begitu.' Terus tu budak diam. Selesai bayar, gua terus keluar <---entahlah silap2 gua pun kena sumpahan juga tu...tapi indak apa la...kalau pun betul2 ada, gua anggap jak tu budak sudah 1 bulan teda makan nasi......

Betul jugak si C cakap...bukan gua tidak sokong pasal ni pengurangan beg plastik...tapi sepatutnya pihak2 berkenaan bagilah alternatif lain....biarpun kena bayar 20 sen tapi bagi la beg kertas...ini bayar 20 sen, tapi kena juga bagi plastik....jadi apa la erti tu kan!!! Dalam kereta gua pun banyak tu beg kitar semula...tapi bila kita beli barang2, kebetulan masa hari tanpa plastik, mana lagi sanggup kita pegi ambil dari kereta. Kalau parking dekat2 indak apa, tapi kalau parking 10 batu...indakkan pegi lagi ambil kan......bukan tidak mau ambil, tapi indak larat mau jalan. Jangan la bah tembirang......ada urang yang gua kenal, kerja lagi sama agensi2 yang terbabit sama kempen ni.....pun beli juga plastik...bila gua tanya, kenapa indak bawa beg...tau apa dia jawab...'ada, tapi tertinggal saaaaaanaaaa di kereta, mana sia mau pi ambil, jauh betul bah parking....' nah!!!! apa gua bilang......

Sekali lagi gua mau menekankan <---wah ayat.....nampak macam cikgu kan.......warghkakakakkakaa...ok gua serius balik...... gua ingin menekankan yang gua memang menyokong hari tanpa plastik ni...Tapi kalau boleh...alangkah lebih bagus kalau hari tanpa plastik ni disertakan bersama, kalau bayar 20 sen, 'kami akan memberikan anda beg kertas' dan sila masukkan 20 sen dalam 'tabung' kami sebagai menyokong kempen. Dan BUKANNYA.....sebagai menyokong hari tanpa plastik, sila bayar 20 sen dan kami akan bagi anda plastik.......BINGUNG.......

Puan Saiman 'signning off'....

Mangkuk, gula dan kutin.

2011-04-08T10:01:00.007+08:00

Sementara mood tengah rajin mau apdet blog ni, jadi marilah kita manfaatkan perasaan itu ok......

Seperti yang gua janjikan kelmarin, inilah mangkuk yang ada gambar 'sepasang merpati sejoli sedang menari', barangkali la bah tu kan......

Ini gambar yang diambil secara dekat.....nah... kamurang tinguk drng ni sedang menari ka atau berjalan2...tapi kalau berjalan2 indakkan tu tangan bersilangkan....jadi gua rasa durang ni sedang menari la ni....cuba tengok baju durang pakai tu...macam dutch kan.....dalam banyak2 ni mangkuk, mangkuk inilah jadi kesayangan gua....bukan apa, jarang bah nampak mangkuk ada gambar 'orang' kan, kalau bunga2 tu biasa la kan.....

Ini pula cawan dari 'hadiah' dumex tu. Mummy gua cakap, dia indak pernah guna cawan ni...'sayang' dia bilang....begitu juga sama mangkuk di atas tu, pun mummy gua indak pernah pakai...itu yang nampak ini cawan sama mangkuk tu nampak baru.....<--- apa tidak nampak baru, kalau kena simpan dalam kaban.....hehehehehe......

Selain dari suka kumpul2 pinggan mangkuk seramik ni, gua juga suka mengumpul kutin-kutin ni...... asal jak gua nampak...gua beli.... itupun kalau ada lebih $$ la, kalau indak, telan air liur jak la...... gua suka beli kutin2 ni bukan apa sebenarnya....gua suka letak gula2 la, biskut2 la....maklumlah kan, sekarang ni biskut2 yg kita beli sekali buka, bagus kalau ada plastik sebiji2...ini sekeping2 durang susun dalam plastik biskut tu, jadi daripada masuk angin, bagus simpan dalam tin....selamat dari semut dan kena masuk angin kan.....tapi kalau masuk angin bulih letak minyak angin ka tu ah, supaya keluar tu angin....lps tu makan.....<----sila abaikan kenyataan yang berbaur kebiskutan ini....warghkakakakakkaaka.....

Ini lagi tin2..... tempat letak kacang, kuaci....macam2 ada.....

Tin ni pula, gua buat letak gula2.....banyak lagi gula2 ni....selalunya kalau gua bawa anak gua bermain2 di tempat permainan dalam kompleks membeli dan gua blah..... anak gua suka main gula2 tu...walaupun dia pegi bermain permainan yang dia suka, mesti dia ingat gua.....jadi setiap kali balik dari tempat tu, poket mesti penuh sama gula2.....

Ok...gula2 ni saja anak gua dapat dari tempat permainan di Suria hari Jumaat yang lepas.....hampir penuh tin ni......

Ini antara gula2 yang anak gua dapat.... dan kerana gula2 ini jugalah anak gua tercekik....

gua bersyukur kepada Allah kerana masih lagi memanjangkan umur anak gua. Dan memberikan gua peluang sekali lagi untuk mencurahkan kasih sayang gua sama anak gua. Selama ni, anak gua makan gula2 tidak pernah pula tertelan gula. Tapi entah kenapa, malam tu, tertelan pula dia gula2 di atas ni.....apalagi....gua terasa macam kaki gua indak pijak lantai bah..... sudah gua tepuk2 belakang indak juga tu gula2 mau keluar, nasib baik adik gua kebetulan ada di rumah gua. Maka adik gua tu la jadi hero malam tu. Nasib baik gula2 tu terkeluar dari tekak anak gua. Gua nampak anak gua sudahlah indak dapat bernafas, naik hitam sudah bibir.....nangis2 gua bila nampak anak gua <---- ini la konon mau cincang2 jari......warghkakakkakakaka...opssss...ok serius balik la....

Lepas terkeluar jak gula2 tu, terus gua peluk anak gua....bukan main2 peluk lagi...peluk kuat2...macam rasa2 gua indak mau kasih lepas anak gua bah...<--- ni karang indak lemas sebab tertelan gula2 tapi lemas pasal kena peluk pulak...jadi daripada jadi lain kes, gua pun lepaskan anak gua...tapi..walau lepas, tangan pegang juga ni......

Dan malam tu....gua paksa anak gua tidur sama gua...laki gua pulak tidur di katil anak gua...... kena jeling pun jeling la.....ini nama dia mengubat kekejutan si mama nampak anak tertelan gula2.....'sigh'... 1 malam gua tidur sambil peluk anak gua....kalau gua terbangun terus gua cium...terbangun lagi...cium balik.....lepas tu peluk lagi kuat2....

Pagi tu.......gua dengar komplen....

'Papa tau ka semalam, susah betul abang mau tidur. Sekejap2 mama cium...sekejap2 mama cium. Tidur pun peluk abang kuat2....Susah betul abang mau pusing badan.....ni malam papa tidur la sama mama balik....'

Terus laki gua pusing senyum2 tengok gua.....

Apa senyum2......!!!!! <---- ohhh... itu jawapan dalam hati jak tu....warghkakakakakakaka

p/s : kepada kawan2 yang meninggalkan komen, gua tidak dapat membalas komen kawan2...entah apasal tu.... gua indak dapat komen....terima kasih atas komen kawan2.....

take care n hugs my dearest friend.....

Puan Saiman 'signning off'.....

Nujum Ayam Jantan

2011-04-07T15:33:00.003+08:00

Oleh kerana kamurang memang rindu sama gua kan <-- bah, jangan kamurang indak mengaku ah....biasalah orang gebu...memang orang rindu jak tu....gua tau la....sebab gua sudah tilik2 sama nujum ayam jantan...nah, kalau kamurang mau tau apa tu nujum ayam jantan....abis jak kamurang baca ni, trus tau sdh kamurang tu......

Ok, sambung cerita kelmarin.... ini adalah almari tempat simpan pinggan2 gua. Gua letak di antara ruang tamu dan jalan ke dapur.... Mari kita tengok dekat.....kita start dari rak paling atas......

Inilah yang paling atas....mangkuk 3 serangkai tu adalah mangkuk tempat simpan kicap atau sos <---- sudah jugak gua guna ni.....apa guna simpan dalam almari kalau indak kena pakai kan......<---statement supaya laki gua kasih beli lagi almari baru...warghkakakakkaka..opssss...

Rak kedua....sebelah kiri tu adalah mangkuk 4 segi dan sebelah tu lagi pinggan....Pun sudah juga kena gunapakai.....termasuklah sudu dan garpu.....

Rak ke-3..... nampak kamurang cawan yang ada anak panah tu........mari kita tengok dari dekat lagi.....

Jangan kamurang cakap kamurang indak pernah minum susu Dumex....mummy gua kestau gua, dulu2 mmg ada kena bagi ni cawan seramik berserta dengan pinggan kecil ataupun ada urang panggil 'cuit' kalau beli susu dalam tin ni, tapi sedihnya gua cuma dapat 2 biji cawan dan sebiji 'cuit' sahaja. Daripada tiada kan.....

Ini pula antara pinggan dan mangkuk pemberian parents gua. Nampak mangkuk di tengah2 tu. Gambar di mangkuk tu adalah, sepasang kekasih yang berjalan berpimpinan tangan di taman.....tapi yang jadi kemusykilan gua ni, apasal gua indak terambil gambar dari dekat ah.....ishhhhh....nantilah gua ambil lagi, itupun kalau gua indak lupa...warghkakakakakkaa....... sila abaikan refleksi tukang ambil gambar tersebut...gua sememangnya gebu dan tidak berapa gemuk sebenarnya...macam anak gua bilang, gua 'sedang2' saja...warghkakkakakaa.....

Nah....inilah bah gua cakap, nujum si ayam jantan...ini juga pemberian parents gua...nampak ayam jantan ni....... kalau dalam peti ais gua tiada ayam, gua rebus jak mangkuk ni...dapat juga feeling2 makan sup ayam kan...warghkakakakakakaka....tapi gua belum cuba lagi, nantilah gua cuba kalau gua sudah kehabisan lauk dalam peti ais.......<---sila abai kenyataan gua.....

Ini pula kisah gua ngan anak gua.

Gua : Abang.....kalau main bola jangan main dalam rumah ah. Kalau abang marah2 jangan kasih pecah barang2 mama ah.....kalau abang rasa mau marah, pegi mandi, supaya badan abang sejuk sikit..... <--- gua nasihat sama anak gua konon ni....

Anak gua : Kalau abang kasih terpecah tu, macam mana la, Ma ??

Gua : Mama ambil parang, mama cincang2 tu jari bikin sup. Kalau kaki yang tendang, mama potong tu kaki, bikin sup tulang <--- gua buat2 muka serius la konon ni...... saja mau kasih takut sikit, supaya anak gua indak kasih pecah pinggan mangkuk gua.....

Lepas gua cakap begitu, anak gua diam jak....

Seminggu kemudian....adik gua kol gua....

Adik gua : Apa ko buat ??

Gua : Tengah masak, ko sihat ?

Adik gua : Sihat....ni bah ada aku mau tanya ko ni ??

Gua : Apa tu ?

Adik gua : Tadi aku hantar Izz pegi rumah ko, sebab aku ada hal, jadi aku hantar la dia awal sikit, supaya dia dapat pegi tuition sama Wawan....

Gua : Owhh...ok bah tu....

Adik gua : Bila aku ambil Izz pulang dari tuition, Izz mengadu sama aku, konon2 kalau pecah piring2 di rumah ko, ko mau cincang jari2 .......<---sambil adik gua ketawa2...

Gua : Astagafirullah'azim.....sepa kestau dia begitu...

Adik gua : Wawan yang bagitau dia, asal pecah jak tu barang2 abis la kaki sama tangan ko buat sup.....

Gua : Ya bah, aku saja2 kestau Wawan bah tu, supaya dia indak kacau, tapi aku indak sangka pula dia kestau begitu sama Izz....warghkakakakka,,

Adik gua : Ngam la gitu tu, supaya tu budak2 indak la dapat kacau...aku kestau sama Izz, nah, kalau Mak Long cincang2 tu jari, teda la sudah jari....trus Izz diam....hahahhahahahha...

Gua : Anak aku ni pun satu jugak, aku kasih takut2 dia, dia lagi pula kasih takut2 Izz.....hahahahahhaa

Nah...tinguk bah budak2 kan..kita kasih takut durang something, lepas tu durang lagi kasih takut orang lain.....

Sib baik adik gua, kalau orang lain yang anak gua kasih tau begitu...apa la urang sangka kan....

*pingsan*

Puan Saiman 'signning off'....

I'm back.....

2011-04-06T10:54:00.006+08:00

Salam….salam…..<---- sila2…jemput la minum….<--- sambil hidang milo panas, Nescafe panas, air sirap air dan pudding buah…..<----- orang yang melakukan kesilapan mmg begini ni….. menghilangkan diri tanpa pamit ….hahahahhahahahhha...jadi tanda meminta maaf maka belanjalah kawan2 minum kan ....errrr....belanja secara maya* la katakan...gua cakap SECARA MAYA*...bukan belanja Maya.......hahahahhahaa...opssss....kalau ada sepa2 nama dia Maya...sori la ah... Ok…sekarang gua melaporkan diri la…. Gua sihat walhafiat…keluarga gua sihat….parents gua pun sudah balik dari mengerjakan umrah..Syukur Alhamdulillah…. Gua menghilangkan diri, bukan juga gua ada pegi mana2….ada…gua di rumah…sibuk men’cat’2 perabot rumah….pegi tinguk jendela di kompleks membeli belah...maksudnya lepas penat tinguk barang2 sambil sakit2 hati...terus blah la pulang...... jadi kira dapat sakit 3 dlm 1 la...sakit kaki dapat, sebab penat pusing2...sakit hati dapat, sebab indak dapat beli...sakit kepala pun dapat, sebab mau memikir apa yang patut dibeli kalau ada duit...JADI...siapa2 yang dapat duit berlebih2 tu, jangan la lupa bagi2 sikit sini tempat gua...kira amal jariah sudah la kan....hahahahhahaa...

Ok...ini antara sebab2 kenapa gua tidak dapat apdet blog <---padahal malas bah tu, jadi kasih saja la alasan bah.....Mari kita tengok gambar...

Dua gambar di atas ni adalah gambar ruang tamu rumah gua. Meja tempat letak lampu dan kerusi bulat tempat letak pasu tu dulunya warna hitam dan coklet...gua belasah sampai jadi putih. Kemudian gua beli sticker bunga2 <--- sticker yang jenis rendam air....kemudian lekat dan jemur.....

Ini almari di ruang tamu.....

Ini ruang antara ruang tamu dan jalan ke meja makan.

Meja makan...patutnya ada 6 kerusi, tapi 2 kerusi gua halau ke belakang rumah. Gua anak beranak cuma 3 orang. Jadi guna 4 kerusi saja la....ekstra 1 kerusi supaya gua boleh angkat kaki atas kerusi ekstra....warghkakakakkakaa.........

Lapik meja dijahit sendiri oleh gua <--- sila kagum. Bukan pelapik meja jak gua jahit, gua juga menggunakan kekerasan jari2 dan tangan gua untuk jahit pelapis kerusi dan juga penutup almari. Bukan apa, almari tu <--- cuba tinguk gambar 3... tiada cermin maklumlah sebelum ni almari tu tempat laki gua letak buku2 dia, jadi lepas laki gua kemaskan bilik belajar, dan almari ni kena kasih keluar, terus gua rembat..... hahahahahaa.... dan oleh sebab gua indak mau barang2 di almari tu kena habuk, jadi gua pun buatlah penutup aka tabir....selamat barang2 gua dari dinodai oleh habuk.

Ok, stop.

p/s : apasal setiap kali gua masuk blog gua, susah betul ah...macam2 dia minta.....kadang2 terkejut jugak gua, bila kena kena kestau blog gua tidak dapat dicari...ataupun ada masalah....kenapa tu ah??

p/s/s : apasal gua selalu indak dapat jawab komen2 dalam blog gua sendiri.....bukan jak di blog gua, kalau gua mau mengomen di lain2 blog pun begitu juga...asal jak post....trus indak dapat....

p/s/s/s : owh....... kalau blog kamurang teda masalah macam gua, maknanya blog gua ni ada penunggu aka......ada antu blog......

p/s/s/s/s/s : *menurut kamus yang gua baca :Maya bermaksud (sesuatu) yg kelihatannya ada tetapi sebenarnya tidak ada, bayangan, khayalan: merenggangkan diri drpd ~ keduniaan yg penuh tipu daya. <-- sila kagum dengan kelebihan gua menggunakan kamus....hahahahhahaa

Puan Saiman 'signning off'.....

Harta karun.

2011-03-21T09:54:00.006+08:00

Berdasarkan kisah benar.......

Di satu ketika....... pertengahan tahun 70'an. Sepasang suami isteri baru mendirikan rumahtangga. Si isteri berdarah campuran cina + kadazan, manakala si suami berdarah Brunei + Bajau.....maka wujudlah anak2.

Apabila mereka mendirikan rumahtangga...si isteri telah dihadiahkan oleh ibu si isteri beberapa dozen pinggan mangkuk untuk digunapakai oleh si isteri. Makan pinggan mangkuk tersebut digunapakai untuk menghidangkan makanan kepada si suami serta anak2.

Sehinggalah suatu ketika, apabila anak2 semakin ramai dan bertambah ramai. Maka pinggan dan mangkuk serta gelas2 seramik di simpan di dalam peti yang besar. Maka anak2 pun diperkenalkan dengan pinggan2 plastik. Maka sekiranya pinggan, mangkuk atau cawan2 yang jatuh dari tingkat 20 pun, nescaya tidak luka sedikit pun pinggan2 tersebut.

Sehinggalah pada suatu ketika, keluarga yang hidup sederhana tersebut berpindah kerana sang suami membeli rumah di kawasan bandar. Maka diangkutlah semua bala tentera yang kian membesar. Dan peti yang besar tersebut tinggalah di rumah lama. Bukan dilupakan tapi adalah lebih selamat ditinggalkan. Dan si isteri tadi berpesanlah kepada penyewa rumah lama agar peti tersebut hanya mengandungi pinggan2 mangkuk2 dan gelas2 lama.

Hari berganti hari, bulan berganti bulan, dan tahun juga berganti nombor. Sehinggalah satu ketika, apabila anak2 sudah membesar dan si penyewa rumah lama tadi pun berpindah. Apabila sang suami dan isteri pergi dan memeriksa rumah lama mereka, maka pasangan suami isteri itupun agak bersedih apabila terlihat peti tersebut telah dibuka dan banyaklah pinggan mangkuk dan gelas2 yang 'ghaib'. Dengan perasaan yang sedih, maka peti itupun diangkat dan dibawa bersama. Kemudian, peti itupun duduklah bersama pasangan tadi. Tanpa dibuka dan diperiksa sekali lagi. Maka peti itupun duduklah di satu sudut dapur, di tutupi dengan kain dan diletakkan barang2 di atas peti tersebut.

Hari berganti hari, bulan berganti bulan dan sekali lagi tahun berganti nombor......sehinggalah suatu ketika, anak pertama kepada pasangan tadi, menanyakan kepada ibu bapanya sekiranya mereka tahu sesiapa yang ada menjual pinggan mangkuk dan cawan2 lama. Si ibu dan si bapa tadi menyatakan bahawa mereka ada menyimpan sedikit pinggan mangkin tersebut dan menyuruh si anak tadi pergi melihat peti yang disimpan di sudut dapur. Tetapi si anak tadi tidak juga melihat ataupun membuka peti tersebut.

Hari berganti hari, bulan berganti bulan dan tahun berganti nombor. Rumah pasangan tadi kalau dulu di sulami dengan gelak ketawa dan tangisan anak2, kini berganti dengan gelak ketawa dan tangisan cucu2. Sehinggalah hari Jumaat yang lepas. Ketika si anak sedang duduk2 di ruang tamu di rumah ibu dan bapanya. Kedengaran si bapa memanggil si anak. Apabila si anak melihat bapanya di dapur, kelihatan si bapa sedang memegang pintu peti tersebut. Dan ternampaklah si anak akan pinggan mangkuk dan beberapa cawan2 yang ada. Maka si bapa pun menyuruhlah si anak memilih dan mengambil pinggan2 mangkuk2 dan cawan2 yang disukai dan sekiranya ingin, semua sekali pun boleh, dari tidak diguna, kata si bapa. Maka dengan penuh kegembiraan maka si anak tadi mengambil satu besen kecil. Penuh.

Jadi gambar di bawah ini hanya sedikit atau secebis dari pinggan2 tersebut. Sila la menjamu mata......

Pinggan di bawah ini hanya 2 sahaja. Kiri dan kanan. Ditengah2 pula dihadiahkan oleh kakak angkat gua. Rupanya kakak angkat gua banyak pinggan begini, tapi kini pinggan2 kakak angkat gua itu terletak di kampung. Kakak angkat gua berjanji untuk memberikan gua pinggan2 dam mangkuk2 sekiranya beliau pulang kampung kelak. :-D

Pandang depan.....lihat kembang bunga tu...cantik kan.....

Pinggan ini hanya tinggal 2 juga. Ibu kepada anak ini menyatakan bahawa dahulu beliau ada 1 dozen pinggan begini. Tetapi 'ghaib'. Begitu juga pinggan di atas tadi. Pasu di tengah2 itu adalah pasu antik. Kepunyaan kakak angkat gua. Menurut cerita kakak angkat gua, beliau pernah menyelamatkan seorang tua yang berbangsa cina. Jadi sebagai hadiah kerana menyelamatkan itu, maka orang tua tersebut telah menghadiahkan kakak angkat gua pasu ini. Menurut orang tua tersebut, pasu ini adalah peninggalan moyang beliau. Sebanyak 3 jenis ceramik ini telah dihadiahkan, dan menurut kakak angkat gua juga, 2 buah ceramik yang diberi adalah bangku bekas pasu dan juga tajau. Tetapi hilang di curi orang. Jadi kakak angkat gua hadiahkan pasu ini untuk gua pula. Terima kasih...kak....

Gambaran bunga2 pinggan dengan lebih dekat. Pinggan ni kalau di lihat dari jauh, macam mata....

Pandangan dari jauh.... dengan bangga diri, gua ingin mengumumkan...bahawasanya gua yang gebu ini telah berjaya mengecat almari ini.....sila kagum <---- kambang sudah gua ni...warghkakakakaka...jadi kepada sesiapa yang ingin mengecat perabot sila panggil gua...nanti gua bagi quotation <---wah!!! riak ni..... ;-D

Dan ini juga..... nampak kerusi tempat letak lampu tu meja tu...pun gua cat juga....sila kagum.....

Belum lagi kagum ka??? Nampak meja perhiasan di antara almari putih tu...pun gua cat juga..... <---- sengaja ni bagitau......

Susun atur pinggan2....

Gambar2 pinggan secara dekat akan diberikan kelak.......

p/s : ada sebuah meja lagi yang telah di cat oleh gua, tapi belum dapat di bawa masuk ke dalam rumah sebab, cat belum kering ;-D

Puan Saiman 'signning off'.......

Gua sayang semua.

2011-03-18T12:11:00.002+08:00

Gambar di bawah ini adalah gambar 2 jejaka yang pandai mencuri hati gua....terutama yang pakai spek tu...warghkakakakkaa...sila abaikan orang yang pakai spek tu, sebab yang pakai spek tu sudah gua 'cop'...siapa mau berkenalan sama yang pakai spek tu kenalah tanya gua dulu..... DAN sila jangan pandang lama2 sebab...nanti gua marah...warghkakakakakakka......ok....STOP.

Gua bukan mau cerita pasal yang pakai spek tu, tapi gua mau cerita pasal budak yang dipangku tu. Masa gambar ini diambil, budak tu baru berumur 3 tahun.... dan gambar diambil ketika berada di dalam lrt. Ntah apa yang dimenung pun gua tidak tau. Nampak beg di belakang budak tu...macam2 ada dalam tu... dari pempes sampailah ke botol susu...warghkakakakaka.....bagus la budak tu angkat sendiri...tidak juga sakit tangan mama dia angkat beg dia tu....<---- sebab mama dia penting diri...mama dia banyak beg plastik dan beg kertas untuk dipegang..jadi sila abaikan kepentingan diri sendiri mama dia tu......<---uishhh mama sepa la tu.....

Gambar di bawah ni adalah gambar budak di atas tadi....esok 19/3, budak ini berumur 8 tahun..... yupp....8 tahun sudah la.....sejak 1/3 tu, setiap hari dia ingatkan birthday dia...macam2 dia tulis dan lukis...siap telefon papa dia lagi. Bukan apa pun, dia bagi *hint2* sama papa dia, yang dia mau hadiah apa....lagi pun budak ni tau kalau dia kol mama dia, gerenti dia tidak kena layan punya....warghkakakkaka....ini jawapan mama dia ---> bagus la bah nak, indak juga terpakai $$ mama ni, kan mama mau beli kabinet pinggan mangkuk....opssssss........warghkakakaka....

Ini pula gambar cinta dan kesayangan gua dunia akhirat..... sepa lagi..parents gua la... Insyaallah hujung minggu ni durang ni akan mengerjakan umrah.....mudah2an selamat jalan dan selamat balik..... dan semoga dapat mengerjakan umrah dengan tenang...AMIN.....

p/s : sekarang ni gua sedang menjalankan projek di rumah. Hampir setiap hari gua pulang dari ofis, gua akan cat perabot rumah gua....semua ke warna putih......abis putih.....warghkakakakka.......

p/s/s : sengaja gua bag tau, sebab gua skrg ni teda mood ambil gambar.... penyakit M kini melanda.....

p/s/s/s : siap 'projek' gua, nnt kita kongsi2 gambar yer.....*wink2*...

p/s/s/s/s : will be missing my parents ......

Puan Saiman 'signning off'.......

Alahai Berita Harian

2011-03-14T10:13:00.005+08:00

Nampak gambar di bawah ni.....LANGSUNG TIDAK LUCU....siapa yang rasa mau ketawa sila tampar MUKA sendiri!!!!

Siapa yang lukis ni !!!!!!!! Bagus antar ni pelukis pegi Jepun, biar dia rasa pula kena bubut tsunami!!! Supaya biar dia rasa macam mana orang lain rasa bila ditimpa bencana...

Kalau gua kenal sama ni pelukis atau kalau gua tiba2 terserempak sama orang yang mengaku yang dia pelukis ni gambar, mari gua mau ajar sikit!!!!

1) Kesusahan dan penderitaan orang lain BUKAN untuk dipermainkan.

2) Nyawa tiada galang ganti jadi BUKAN untuk ditertawakan.

3) Mereka yang melarikan diri untuk menyelamatkan nyawa BUKAN untuk diperlekehkan.

Gambar diperolehi dari sini.....

Jadi cubalah SENSITIF sikit!!!! JANGAN MAIN SEDAP TANGAN DAN JARI bila melukis.........

p/s : walaupun di BH sudah memohon maaf, tapi orang akan tetap ingat perkara ni sampai bila-bila...Percayalah!!!!!!

SEKIAN!!!!!

Gua yang marah.....

Puan Saiman 'signning off'....

Cabaran Hari ke-10

2011-03-11T09:41:00.004+08:00

Wah!!! Cabaran ke-10 sudah ni...gigih dan rajin konon...padahal.....<-- bagus ko mengaku ko ni mmg pemalas kan....

Ok...ini lauk gua semalam......

Ini la dia, sayur campur + udang basah = my feveret ni....

Ayam masak kicap + segala mak nenek sos + kacang peas <--- ni kalau masak kering2 ni sedap sikit..tapi anak gua suka kuah ni lauk ayam.... jadi sebagai seorang mama yang cantik dan jelita serta paling penting GEBU....haruslah jaga hati anak...warghkakakkaka <--- sila cepat2 cari plastik dan muntah....

Ini la rupa bentuk lauk pauk dalam pinggan gua.... nyam...nyumm...nyummmm

Dan sekali lagi semalam gua buat lagi air penyejuk jiwa ni......anak sama laki gua suka minum ni...<--- ko sama bibik pun suka jugak kan...pura2 konon indak mengaku.....

Ok kepada sahabat baru gua ni...ini adalah resepi air penyejuk jiwa....warghkakakakakkaa...guling2 bah suma chef dlm dunia ni nampak nama air ni......

1) Jelly yg dibuat sendiri - gua guna agar2 cap burung layang2 (tapi masa gua buat ni, tinggal warna putih jak, jadi terpaksa la gua letak pewarna minuman yg warna merah dan gula). Gua ikut jak arahan macam dalam belakang paket. Bila selesai masak, sejukkan dulu. Bila betul2 sudah sejuk barulah masukkan dalam peti sejuk. Keluarkan dari peti sejuk dan potong2 kecil. Tapi gua tidak guna pisau utk memotong, tapi gua gua pelenyek makanan, supaya jelly tersebut dapat dihancurkan dengan saiz yang halus sedikit......warghkakakakaa <--- tanda2 orang paling rajin sebenarnya...

2) Sediakan 100+

3) Sediakan kordial sirap merah perasa ros...tapi kalau tidak suka yg ada perasa ros, beli saja Sun Valley merah...gua suka ni guna Sun Valley...tapi kalau yg ada perasa ros tu pun lagi la sedap...

4) Sirap buah2an dalam tin. Selalunya kalau mau makan eskrim <---patut la ko gebu <<---- diam...orang mau bagi resepi ni......selalunya kalau mau makan eskrim, gua suka tambah buah2an dalam tin tu.....tapi tu sirap buah2an tu..jangan dibuang, simpan dalam bekas yang lain, jangan biarkan tu buah2 atau sirap dalam tin..sebab tu tin berkarat. Banyak guna sirap buah2an ni sebenarnya.....

Cara-cara :-

Masukkan jeli dalam gelas. Kemudian masukkan sedikit kordial merah, masukkan sedikit sirap buah-buahan<--- (dalam anggaran 1 sudu makan dan tertakluk pada saiz gelas anda)..... dan akhir sekali masukkan 100+ perlahan2...bila masukkan 100+ sila tuangkan dari tepi gelas perlahan...sebab kalau tuang di tengah gelas, jeli2 akan pecah......jeli2 ni sebenarnya yang mencantikkan warna minuman <--- kalah chef ni....warghkakakakakaka

Selamat mencuba. Laki gua bilang, ni minuman lebih sedap dari mana2 'welkem drinks' yang pernah dia minum dari hotel2 yang dia pernah pergi<--- eleh puji lebih2 la tu, supaya selalu kena buat kan.....tapi mmg sedap, sebab bibik gua pun siap tengok dan siap tulis lagi......warghkakakakakkaka

p/s : lauk malam ini dan malan esok tidak akan disiarkan, bagi memberi laluan pada tukang masak untuk berehat serta dapat menghidangkan makanan tanpa sibuk2 mengambil gambar. Akan bersiaran kembali pada hari satu akan datang <--estro..sila ambil penulis blog ini, kerana penulis ini ada bakat menulis dengan penuh riak dan eskyen.....

Sekian.

Puan Saiman 'signning off'....

Cabaran Hari ke-9

2011-03-10T08:03:00.003+08:00

Semalam gua masak simple saja <--ala...bukan ko memang masak2 paling simple ka...uikssss..... <---- ko diam!!!!

Inilah gua masak semalam........

Sayur pucuk manis + cendawan tiram + isi ikan = manis dan sedap.

Sotong masak tomato..... <--- apasal ko masak mesti simpan tomato <--- suka ati gua la...

Ikan masin <--- kegemaran ramai.....

Penyedap nasi gua <---limau kasaturi + kicap + lada = kicap lada....

Seperti biasa, nasi dan lauk pauk di pinggan gua.....

Lepas makan....sila la minum air penyejuk jiwa........warghkakakakaka

Sekian.

Puan Saiman 'signning off'.......

The Luckiest Number - 8

2011-03-09T09:58:00.003+08:00

gambar no. 8 diambil dari rumah pakcik google...terima kasih pakcik..

Hari ni gua tidak menayangkan gambar2 makanan yang dimasak semalam. Tapi walaupun gua tidak menayangkan gambar2 tersebut, gua tetap masak tomyam. Pasal apa gua indak menayangkan gambar tersebut...sila baca cerita ini sampai habis.....

Di satu ketika....ketika berjalan2...

Laki gua : Kenapa tidak bawa kamera....

Gua : Malas...berat....

Lepas kena tanya oleh laki gua, gua jawab sambil tengok tempat lain.....warghkakakakkaa <----ala...takut kena tegur laki la tu kan...dulu bukan ka ko yg beriya2 minta beli kamera, lepas tu banyak la alasan ko ah....malas bawa la, berat la.....masa minta beli tu, bukan main lagi ko berjanji mati2an.....

Di ketika yang lain...

Laki gua : Kenapa ambil gambar pakai BB (aka encik Hitam Bery ).....

Gua : Lupa pula mau bawa kamera..... <--- padahal, ko sengaja indak mau bawa tu kan...

Kalau jawab pun tinguk tempat lain, malas mau tengok respon muka laki....<------ gua tau, indak payah tinguk muka laki pun, mesti tu laki geleng2 kepala.....<---- tau rasa bersalah kan....yg ko gatal2 minta beli kamera besar gajah dulu apasal.....

Beberapa malam yang lepas, masa ambil makanan yang dimasak...

Laki : Apasal ambil gambar guna BB...kenapa indak guna tu kamera...

Gua : Malas.....kena kasih keluar dari beg lagi, sudah la berat...nanti lepas ambil gambar, kena lagi masuk dalam beg.....

Laki gua : Jadi tu kamera, macam mana la...

Gua : Ala...papa pakai la utk pegi 'menimbak' sama kawan2 papa....

Begitu la jawapan gua setiap kali itu laki tanya <---- sib baik indak kena bagi sedas dua bagi jawapan gua tu......jangan kamurang, klu laki gua tegur gua...gua mesti nangis kaw-kaw punya....itu strategi yang paling berkesan......warghkakakakakaka...opssss...jgn ikut ah...ini berkesan utk gua saja.....

Semalam.....sewaktu gua mau menghidangkan makanan <-- ya...ya....walaupun gua ada bibik, bibik gua tidak masak, tidak menghidangkan makanan untuk gua anak beranak. Tugas bibik gua adalah membersihkan rumah dan menyediakan lauk pauk yang hendak di masak serta tugas utama adalah menonton sinetron dalam estro dan semua tugas2 bibik adalah bergaji penuh <----aikkk....apasal tiba2 cerita pasal bibik pula ni.....tukar cerita...tukar cerita......

Bila laki gua nampak gua sibuk2 menghidangkan makanan....terus laki menyibukkan diri di dapur...

Laki gua : Mama sudah ambil gambar tu makanan ka...

Gua : Belum, kejap lagi...selesai dulu hidang, baru mama ambil gambar. Kenapa papa belum mau makan lagi ka....

Laki gua : Bukan.... nanti lepas selesai hidang makanan, mama ambil gambar guna ini la.....

Amacam!!!!! Sikit2 lagi 'semangat' gua mau terbang pegi Paris naik kapal bisnes klas.....hitam itu menawan kan....warghkakakakaka

Mula2 kasih nampak tali dulu......

Buka beg kecil maka ternampak la wajah sang jejaka yang malu melihat gua, sambil mengenyitkan mata.....<--- bukan laki gua kenyit mata sama gua, ni kamera la......

Hisshhhhh.......terus gua jatuh cinta pandang kedua..

Maka....akibat terkena panahan cinta untuk kali kedua...yg dulu tu besar...berat....yang ini lebih kecil....ringan, maka gua ingin mengumumkan cinta kedua gua......<---cinta kedua konon..... gambar pun malas ambil <---diam la....orang baru mau feeling2 jatuh cinta ni....

Oleh kerana gua terkena kejutan....sebab itulah lauk pauk terus lupa kena ambil.....jangankan ambil gambar lauk....gua pun terus kenyang...warghkakakakakaka.....

Maka dengan rasminya gua mengumumkan bahawa kamera gua yang besar gedabak tu diserahkan kepada laki gua dengan rela hati.

*menimbak/menembak - adalah nama lain untuk pergi berjalan2 bersama2 kawan2 yg ada DSLR untuk mengambil gambar....

Puan Saiman 'signning off'.....

7 - is my lucky number

2011-03-08T10:07:00.003+08:00

Semalam.... sekali lagi gua masak sup ikan <--- sekali lagi konon, padahal balik2 sudah bah masak sup ikan ni....warghkakakkaa....ok tidak lucu....

Gua suka masak sup...senang dan mudah bagi gua yang 'rajin' ni. Lagipun di rumah, gua anak beranak memang suka makan nasi sama sup2 ni. Tidak kisah la sup ikan ka, sup ayam ka, sup sayur ka.....semua gua belasah.....paling2 'rajin' pun masak sup telur...abis cerita... hari minggu tu gua ada beli ikan dan kebetulan gua beli la ikan putih ni.....tidak juga besar, cuma sebesar tapak tangan budak2...tapi ikan2 begini yang suka beli sebab rasanya lebih manis dan isinya yang lebih lembut <----guling2 nangis chef 1 nampak ayat ni.....

Jadi, gua pun masaklah sup ikan.....macam biasa lebihkan halia....selain rasa sup yang pedas2 sikit, halia juga dapat mengeluarkan angin dari badan ya kawan2.....<---amacam ada bakat jadi bidan kampung ka....warghkakakakkaa....sori la gambar kurang memuaskan, maklumla, gambar diambil ketika asap2 kepanasan keluar dari sup.... selain daripada ikan, gua juga campurkan telur2 ikan yang gua beli....nampak tu ada telur ikan.....sepa indak nampak, kena pakai cermin mata sudah tu.....

Gua memang suka makan ikan....jadi selain dari masak sup ikan, gua juga masak ikan campur tomato. Gua gorengkan dulu ikan tu garing2... lepas tu goreng bawang merah dan bawang putih di kuali lain...masukkan tomato yang betul2 merah ataupun tomato yang betul2 masak....masukkan sedikit sos cili...pastikan tomato tu lembut, kemudian, masukkan ikan dan sedikit air. Sebelum letak garam dan perasa, rasa dulu, sebab kadang2 hanya rasa masin, pedas dan masam sudah ada pada sos, garam yang ada pada ikan goreng dan juga tomato <--- apasal blog gua ni sudah macam blog masakan sudah ni....wah...amcam, terliur kan nampak ikan yang rasanya masam2 ni....

Dan sayur.... gua pun indak tau apa nama sayur ni, tapi gua panggil kobis panjang <--- ada ka nama sayur kobis panjang...hahahahaha....hentam saja la..yg penting, sayur ni sudah selamat masuk di perut gua anak beranak....

Dan tidak dilupai juga air asam ataupun air asam dari limau kasturi yang dibuang biji, diletakkan sedikit kicap dan lada padi yang dipotong halus.....yummy........nyum....nyum....

Inilah rupa piring gua...ada ikan, dan sayur...dan disimbahi bersama air asam....lepas gua ambil gambar piring gua, barulah gua letak air asam kicap tu, kalau tidak, mana nampak kan...sebab 'gelap' jak piring gua...warghkakakakakkaa.....

Dan...semalam...gua buat...errr....entah la apa nama dia ni..... gua letak...jeli atau agar2 merah yang gua buat sendiri di bawah tu.... kemudian gua letak buah2 campur ditengah kemudian di atas sekali gua letak buah longan....kemudian last sekali gua letak 100+ dalam gelas tu...dan rasanya yummy..... cubalah......mmg sedap sebab anak gua minta 2 kali.....

Alamak......baru gua perasan, gua tidak terambil pula gambar pinggan lepas gua makan...tapi indak apa, yang penting habis...lagipun, lepas ni gua indak mau lagi menayangkan pinggan gua lepas abis gua makan.....sekian.

p/s : malam ni mau masak tomyam la......

Puan Saiman ' signning off'.....

Cabaran Hari ke-6

2011-03-07T09:21:00.005+08:00

Ok.... kita teruskan cabaran hari ke-6...maksudnya bermula lagi dari malam hari satu, ataupun malam Isnin. Lauk untuk malam sabtu dan malam ahad tu minta di 'excuse' la yerrr..... lagipun hari 6 sama hari minggu adalah hari hujung minggu berblog...warghkakakkakaka <---sendiri buat peraturan sendiri ikut la kan.....

Ni kali gua mulai dengan nasi la...selalu laukkk saja yang duluan, kesian tu nasi, kecil nanti hati.....<-- ada ka nasi kecil hati <--- bah, suka ko la bah, ko jugak punya blog kan...warghkakakakkaka

Semalam, gua buat nasi goreng udang....nampak tu merah2 tu...itulah udang yer adik2.....

Mari tinguk dekat sikit....wah.....sedapnya <--- mmg sedap...kalau indak sedap, mana laki sama anak gua tambah 2 nasi 2 kali <--- sib baik sendiri masak dan makan di rumah, kalau makan di kedai....minta nasi goreng udang...lepas tu minta tambah 2 kali lagi tu...nah koyak bah poket membayar <---- tapi selalunya bukan gua yang bayar...laki gua yang jugak sebenarnya yang bayar....warghkakakkakka...opssss...

Adehhhh....udang tu bah...macam melambai-lambai minta di'ngap'...

Nasi goreng di makan bersama sup 'terjun'....pasal apa gua panggil sup terjun...sebab....gua goreng bawang merah sama bawang putih sama sikiiitttt minyak.....bila tu bawang2 nampak tukar warna sudah...trus gua letak 5 cawan air.... lepas tu tunggu mendidih....bila mendidih, gua masukkan tauhu putih dan 'fishball'.... tunggu lagi. Bila mendidih, gua masukkan sayur, garam dan serbuk perasa....mendidih jak, matikan api...letak dalam mangkuk dan makan bersama nasi goreng...nasi putih pun boleh sebenarnya......nasi putih lagi sedap......dan lepas tu boleh lah makan dengan penuh perasaan dan abaikan perasaan feeling2 mau kurus...sebab lepas makan baru teringat mau diet <----- uiikkkk macam sepa tu ah...warghkakakakakakaka.....

Inilah rupa sebenar pinggan gua yang sebenar...macam biasa...bersih dan licin.... ini cara gua makan di rumah, begitu juga laki dan anak gua. Gua anak beranak jarang tinggalkan nasi walaupun sebiji.

Jangan tanya pencuci mulut, tiada pencuci mulut...sebab lepas makan, gua anak beranak trus kelam kabut tinguk tv....warghkakakkakkaa....

Puan Saiman 'signning off'...

Cabar Hari Ke-5...

2011-03-04T15:11:00.003+08:00

Begini la bah ni kan, sekejap pagi, sekejap petang kasih publish posting kan...tapi indak apa...yang penting buat <---- padahal...macam tu malas mau keluar sudah tu <--ala mmg pemalas pun bah ni tuan punya blog..banyak la alasan ko bah...'sigh'...

Bah, ni la bah kunu lauk gua semalam..... sebelah kiri sayur sawi putih campur sama telur masin......yg sebelah lagi tu ikan masak kicap....

Ikan masak kicap ni seperti biasa la bah kan.....angkat tangan sepa indak pandai makan ikan....ok...kalau tidak pandai makan ikan....sila tinguk tu sayur saja..... kalau pun tidak pandai makan sayur...bah...sila masak megi...hahahhahahahahha <--- apa bah ko cerita ni, tidak lucu bah tu....teda pun urg ketawa...'cisssssss' ndak bulih ni masuk raja lawak ni..

Ini antara feveret gua..sayur putih masak telur masin...supaya tu sayur tidak la telampau pucat, bah letak la bah lada besar..... kasih hiris2...nampak kalerful jgak kan....

Seperti biasa...nasi gua yang berwarna warni..... ada ikan, sayur telur masin dan tomato..... nyumm...nyumm...nyum.....

Habis jgk...<---tu pasal ko indak kurus2....

Semalam...gua takut anak gua tidur awal lagi, jadi gua buat sendiri tu eskrim...op...op...op....bukan buat sendiri...gua beli yg siap sedia, tinggal gua kasih masuk saja dalam gelas...... nampak gelas2 di bawah ni....sudah gua kasih sedia...jangan kamurang tanya kenapa indak penuh...sengaja tu gua indak kasih penuh...satu urang rasa sikit2.... bukan gua luki, mula2 banyak tu, penuh, sekali tu eskrim mau cair2 sudah, trus terturun bah.....bah apa lagi, trus gua suruh anak sama laki gua cepat2 makan.......

Mari kita tinguk dekat sikit...... gua lupa sudah apa brand ni eskrim, tapi perasa stroberi.... tu yang nampak putih campur2 pink tu...lps tu gua letak lagi buah2 campur di atas tu brand Del Monte kalau indak silap..... bila makan.....fuhhhh...nikmat..............

Cuba teka siapa yang habis duluan makan eskrim tu......teka la...teka la....

.
.
.
.
.
.
.
.
.
.
.
.
cuma bulih teka 1 kali saja ah......
.
.
.
.
.
.
apa...kamurang gua ka.....SALAHHHH.......
.

.

.

.

.

.

jangan kamurang bilang anak gua.........tapi klu itu jawapan kamurang, SALAH.......
.

.

.

.

.

.

.

.

Tapi sebenarnya BIBIK gua.....warghkakakakakaka.....<---betul gua indak tipu.....

Puan Saiman 'signning off'..

Cabaran Hari ke-4

2011-03-03T08:34:00.005+08:00

Wah...gigih ni... kuat semangat kononnya la kan..ok, gua indak mau cerita banyak. Kamurang tau ka apa nama sayur di bawah ni......mari kita tinguk sama2. Ini sayur memang sedap di buat sup....samaada masak bersama tulang2 ayam...ataupun isi2 ayam ataupun ikan. Ataupun ikut sesuka hati tukang masak la.....apa pun boleh letak bah kan...yg penting ikut selera masing2.....Gua memang suka beli sayur ni. Ni sayur 1 ikat harga dia 2 ringgit, gua beli 2 ikat...4 ringgit...sekali jak masuk kuali.... dan sekali makan.

Ok...... maka selepas berperang bersama kuali...inilah lauk gua semalam...sebelah kiri adalah sayur di atas tu.... dimasak bersama udang...yummy...... gua sengaja kasih banyak kuah sebab gua suka makan nasi banjir <---- nasi berendam kuah. Dan sebelah kanan pula adalah sup ikan. Indak juga boleh cakap kepala ikan, sebab gua campur kepala ikan dan isi2 ikan juga. Di rumah gua, cuma gua sama bibik saja makan kepala ikan, anak sama laki gua makan isi ikan...... huh!!! nasib baik kepala ikan belah 2, sebelah gua punya, sebelah lagi bibik gua....nasib baik tu laki sama anak gua tidak makan kepala ikan, kalau tidak berebut la lagi......sungguh bernasib baik gua kan.....*wink2*...

Mari kita tinguk dekat sikit ni kepala ikan....kepala ikan hendaklah diletakkan paling atas. Nampak halia tu... kalau gua masak sup ikan, atau ayam atau buat sup tulang..gua cuma pecahkan halia....supaya kepedasan lebih umpphhhh.....gua tidak suka halia ditumbuh halus sebab macam lain sikit tu rasa sup...tapi itula macam gua cerita tadi....lain tukang masak lain cara...lain cara lain selera...jadi suka hati tukang masak la bah kan...warghkakakakakakaka.....asal jak sendiri masak, sendiri yang kesedapan makan <--- ada ka orang begitu, atau gua satu urang saja....tapi suka hati la kan.....

Nah...ini pula sayur tadi tu...nampak tu udang...kepala udang kekal, kulit udang di buang dan dibelah belakang....uishhhh...ckp pun teda guna la....sedap gua cakap lu <---- errr atau gua satu urang jak kesedapan....

Macam biasa la.....isi dalam pinggan gua.....

Selesai....Alhamdulillah......yang tinggal cuma tulang. Licin.

Semalam memang tiada buah untuk dimakan sebagai pencuci mulut. SEBAB........ gua janji sama anak gua, lepas makan, gua laki bini mau bawa anak gua keluar, pegi makan eskrim....gua anak beranak makan jam 7 mlm...gua janji mau bawa anak gua makan jam 8.30...TAPI....jam 8 anak gua tertidur di sofa.....terus KANSEL!!!!! <--- aikk...sepa yang marah ni, tadi pagi anak gua bangun dengan perasaan yang gembira tapi gua bangun rasa macam ada yang kurang...apasal tu ah....ahhhh!!!! malam karang jak la makan eskrim.....yummyyy.....<---patut la ko indak kurus2 ging *garu kepala*

Puan Saiman 'signning off'.....

Cabaran Hari ke-3

2011-03-02T14:13:00.003+08:00

Nah kan.... baru 2 hari cabaran bukan main lagi...awwaaal lagi sudah publish.....ni hari...mau petang sudah baru mau publish.....kan apa gua bilang...mula2 jak rajin tu, lama2 nahhh...pandai malas sudah tu...

Bah... ini la lauk gua semalam.....Taraaaa........!!!!

Sebelah kiri tu adalah ayam masak kicap...kuah pekat..macam biasa disinari dengan tomato ceri <---apasal masak mesti ada tomato ceri...first <--gua suka makan tomato...second <-- gua tukang masak, jadi suka hati tukang masak la kan....nampak...nampak ayat sebelum ni..... itu nama dia suka hati masak, suka hati tambah2 apa yang di suka......Sebelah ayam masak kicap tu adalah kepayas mentah...errr bukan jugak mentah macam mengkal2...atau pun antara mentah sama mau masak sudah....errr sedang2 la...jadi tu kepayas gua buat sayur...campur sikit sama udang kering....fuhhh...sedap....manis2 masin....

Macam biasa, mari tinguk dekat sikit.... amacam.....bulih lapar kan....selalunya gua kalau ada ayam masak kicap ni, gua mesti mau buat mangga cincang campur belacan sama belacan...tapi indak terjumpa pula mangga....cisssss...tapun...tapun....

Ini pula tu sayur kepayas.... patutnya mau kasih merah sikit lagi bah ni kepayas...gua sudah kestau bibik gua, tunggu lagi 1 atau 2 hari, tapi sudah dia pg potong, mau indak mau terpaksa la gua masak. Tapi sebenarnya kalau ni kepayas mentah ni masak sama santan campur sikit kunyit sama udang hidup....fuhhhhhh......TAPI...tapi..indak bulih masak santan lagi, sebab baru juga masak kari kan, jadi untuk menjaga kesihatan dan mengurangkan kegebuan...maka tidak la bulih masak santan lagi <----kononnya la kan....ishhhh, ni la gua indak suka ni...sikit jak mau cerita...sudah tercerita macam2.....bah, balik ke cerita asal....

Inilah makanan dalam pinggan semalam...... psstttt kawan2....jangan kamurang, di bawah ayam tu.... ada tu leher ayam.... misti ambil awal2, kalau indak anak sama laki gua pun mau berebut sama gua.... punya la banyak tu isi ayam...mau jgk durang ikut gua makan tulang.....tapi indak apa...gua dapat juga tu leher......

Nah...indak kamurang percaya...tu nah...ada tu leher ayam......tapi abis sudah gua belasah.......

Aikkk teda buah ka....ada.......mimang ada...ingat ka kamurang semalam ada anggur tu...belum lagi habis...jadi semalam la kami kasih habis...warghkakakakkakaa.........gambar indak payah la ah...sebab malas bah gua mau edit......

Ni malam gua mau masak errr....mau masak apa ni ah.....tunggu bisuk la......

PERHATIAN :

Ada perkara penting gua mau sampaikan. Sila ke blog ANGEL BEAR. Gua tahu anda...ya anda...yang baca blog gua ni semuanya orang2 yang baik hati dan marilah kita beramai2 menggembirkan hati anak ini. Ya....!!! Gua tidak mengambil masa yang panjang untuk buat keputusan pasal hal ni. Gua dan anak gua akan mengirimkan SESUATU kepada Elijah nanti. So for Elijah Wong...wait something from aunty K and ko ko Wawan...ok....Bah, jadi apa lagi...pg la blog Angel Bear.....mcm Angel Bear cakap.... bukan juga mau minta kad yang mahal2, sekeping kad dari hati yang penuh kasih sayang juga dapat menggembirakan hati budak2...YA!!! Memang betul!!!!

Puan Saiman 'signning off'....

Cabaran hari ke-2 dan cerita tambahan

2011-03-01T10:06:00.003+08:00

Seperti yang dijanjikan <---wah !!!! berpegang kuat sama janji ni <--- baru hari ke-2 ni ging, jadi semangat masih berkobar-kobar...lama2 ni...balik lagi ni blog penuh sama sarang labah2 ni.....tapi demi peminat2 nyata dan peminat misteri <--- biasalah gua kan r-tis...indak caya cuba tanya CJ....warghkakakakkakaa....kan...kan my fren....*wink2*...ok...gua serius balik.... inilah lauk gua semalam....

Ikut pusingan jam...ada sayur pakis goreng belacan + udang kering sikit, ada ikan tenggiri goreng.... dan ada ikan merah rebus.....ok mari tinguk dekat sikit....

Nampak gambar di bawah ni... inilah isi ikan merah...gua rebus jak sama kunyit yang ditumbuk halus.... gua hiriskan bawang merah dan bawang putih, masuk kan asam aroi2 <-- apa nama dlm BM ni ah bukan asam keping bah kan<--- ada sepa2 tau ka?, serai dan daun bawing aka kemangi....dan disudahi dengan buah tomato ceri...jadi imagine la rasa ikan rebus gua.... tapi gua indak letak lada..kalau ada lada lagilah marvelesss...tapi sebagai mama yg gebu..anak gua indak makan pedas ya kawan2...tapi kalau anak gua mkn pedas.... tetap la letak lada padi tu.....lagi pedas lagi best......gua rebus jak sekali, teda minyak langsung...

Nampak sayur pakis ni..gua goreng kering sama belacan dan udang kering...tumbuk bersama lada padi...tapi sebelum tu, belacan tu bakar sikit.....barulah power...... bila gua masak ni, trus perut gua teriak..'PERUT LAPAR....'

Dan......dibawah ni pula ialah isi ikan tenggiri yang digoreng......nyam...nyum...nyummm.........ini gua goreng sedikit kering...gua letak sikit serbuk kunyit, garam dan yg paling penting... asam jawa...bila goreng...fuhhhh.....

Dan semalam jugak, anggur seedless ni jadi pencuci mulut...ala bukan susah pun cari..gua pegi jak supermarket depan rumah gua tu, pilih dan bayar ...abis cerita...warghkakakakakaka. Bibik gua tanya gua, anggur ni kenapa indak hidang dalam pinggan...gua jawab 'biarlah dalam bekas ni, kalau tidak habis makan, tutup, terus masuk dalam fridge' <---nah....tinguk...gua indak suka kasih susah bibik gua...senangkan hidup bibik gua.....la la la la.....

Ini rupa piring gua SEBELUM makan...cantik menawan kan...macam2 warna pun ada....gua suka makan nasi gua basah2..... tapi kalau nasi sama ikan gorang pun ok jgk..... kalau nasi tu basah pun best jugak.... lancar jak menelan nasi......sayur pakis, ikan goreng dan ikan rebus...atas nasi letak kuah ikan dan tomato ceri...manis2 masam....yummyyy.....

Tadaaaa.......selepas makan...tinggal tulang ikan jak....dan sisa2 kuah di piring........

p/s : walaupun tiada orang tanya gua, gua mau jgk kasih tau....sebenarnya setiap hari gua akan masak utk anak dan laki gua...sebab anak dan laki gua tidak mau makan kalau bibik gua yang masak...gua pun indak tau sebab apa....kalau gua outstation 2,3 hari...maka 2,3 hari la laki sama anak gua makan di kedai <--walaupun gua jaraaanggg pegi outstation.......kalau gua pg KL pun, laki sama anak gua tinggal...pun drng makan di kedai <---- tambah la kaya tokey kedai makan ni tau.... cuma 1 jak masakan bibik gua yang anak gua akan makan kalau bibik gua masak ---->MEGI ayam... :-D

Cerita lain......

Apasal ah.....ada urang begini....

1) Urang tu kan pernah susah...tapi bukan mau menceritakan kesusahan dia di sini...tapi kita pernah membantu dia....dia pernah meminjam $$ dari kita..... berjanji membayar bila ada $$....TAPI !!!!! Bila dia sudah senang lenang...jangankan ingat mau membayar....TAPI!!!! Kita pula dijadikan MUSUH!!! Hairankan....*garu kepala*

2) Kalau dia susah...dia cari kita. Bila kita susah....belum pun kita bagitau kita susah apa.....dia sudah angkat kaki...padahal kita cuma mau kestau dia...errr....kita ada kutu di kepala <---contohnya la....... bukan pun kita mau pinjam duit dia. Kita cuma mau tau, macam mana mau buang kutu tu. Pakai minyak tanah ka atau pun pakai spray nyamuk...*garu kepala* <--- patut la garu kepala, ada kutu rupanya.....

3) Bila dia senang dia buat2 indak kenal kita. Bila dia susah...jauuuhhhh lagi kita, dia sudah panggil...duduk dan makan semeja. Bila dia senang balik...kita duduk bersebelahan meja pun dia buat2 indak kenal....senyum sama kita pun indak.... apasal ah!!! Takut kali dia, kita minta duit kan....*garu kepala*...

4) Dulu dia kawan kita...main bersama makan bersama..TAPI bila dia sudah berpangkat....kenal kita pun tidak....tapi tidak apa...tunggu dia pencen.... mungkin lepas pencen, baru dia ingat kita ni siapa...tapi kenapa masa berpangkat tu dia indak ingat siapa kita...oh mungkin dia terlalu banyak minum air yang ada semut bunuh diri....itu sebab dia lupa kita siapa....*garu kepala*.....

Hairan kan...apasal ah....

Puan Saiman 'signning off'....

Cabaran Hari Pertama

2011-02-28T09:24:00.003+08:00

Assalamualaikum dan salam sejahtera <----sila ikut intonasi pembaca berita..... I'm still alive and still kicking.....uisshhhh...tidak boleh ni...kalau gua cakap bahasa kulit putih ni..gua takut...bukan kamu saja yang tidak faham, tapi gua sendiri pun nanti lagi la tidak faham...maklumlah....bahasa kulit putih gua ni cukup mendalam sebenarnya......<----sila percaya....

Gua ni bukanlah tidak mau apdet blog, tapi masalahnya....sudah buka blog...tidak tau pula mau tulis apa...lps tu 'sign out' la balik....hari2 pun begitu....jadi semalam gua bagitau la sama laki gua....apasal gua skrg ni indak tau mau tulis apa...padahal, punyalah banyak mahu cerita kan.... jadi laki gua pun ada idea yg baik punya <---gua rasa mmg baik pun, ini kena tulis la hari2......laki gua ckp .....

'kalau indak tau mau tulis pasal apa....tulis la apa yang kita makan setiap malam....walaupun kita makan megi...pun tulis jak la...jadi tidak la mama ada alasan tidak tau mau tulis cerita apa....' <---yes...dapat sudah....

Jadi sebagai menyambut seruan laki gua tu...maka bermula hari ni gua akan tulis apa lauk yang gua makan setiap malam....kecuali kalau gua ada mau cerita pasal lain2 kan...jadi teda la cerita pasal lauk...ataupun cerita la bah kedua2nya sekali kan <---cehhhh.....perasan...cari idea pun mcm org terhantuk kepala terus blur...besar lagi nafsu mau cerita macam2 kan...ishhhh...sepa la tu ah.....la la la.......

Ok....angkat tangan sepa tau ikan layaran.....kalau indak tau sila google sendiri...gua malas mau edit2 gambar......jadi untuk menjimatkan masa gua...kamurang tulung la cari sendiri ah....

Sebenarnya ikan ni jaaraaang betul ada..kalau ada pun, kalau nasib bagus, dapat la beli..kadang2....bila tanya sama tu penjual ikan, mesti kena jawab....'habis atau pun tiada'.....jadi mmg rezeki gua, gua dapat beli ni ikan...gua tinggal di KK, tapi gua terbeli ni ikan di Papar..... kebetulan gua pegi orang kawin di Papar...jadi gua ni kalau pegi Papar...jadi kewajipan gua singgah di pasar ikan....bila gua nampak ikan ni, apa lagi gua pun beli la. Ok...cara2 mengetahui ikan ini adalah....

1) Ikan ini berbentuk bundar <---bibik gua yang selalu cakap ni....ataupun berbentuk bulat dan sedikit leper <---jangan la kamurang harap ikan ni di jual bersama dengan sirip dan muncungnya...kerana gua sendiri pun indak pernah nampak....sebab ikan ni dijual sudah siap di potong...tinggal kita pilih dan timbang.....

2) Oleh kerana tahap kerajinan gua ni tahap gaban langit ke tujuh...makan dengan kuasa gaban yang ada...gua telah meminta penjual ikan membersihkan ikan utk gua, dan SIAP potong sekali <---warghkakakkaa...ok tidak lucu....lagipun bukan susah juga mau potong tu ikan...Cuma bukakan kulit ikan tu <---sebab tu kulit tebal... kemudian, minta tolong pisahkan tu isi ikan ngan tulang ikan. Sebab tu tulang ikan keras....kalau besar tu ikan kamu beli, minta tolong la tu penjual ikan, potong tu tulang, tapi kalau kamurang ada parang yang besar dan tajam, dan kamurang sanggup susahkan diri sendiri, sila la buat di rumah sendiri yer.....

3) Kalau masih lagi kamurang indak tau macam mana bentuk ni kan....bah tanya la sama penjual ikan tu.... tapi ni ikan ada 2 jenis....ikan layaran...sama ikan menumbok...lebih kurang...tapi gua suka beli ikan layaran, kalau tiada layaran, menumbok pun gua belasah juga...lgpun lebih kurang juga tu ikan.....ikan jugak kan.....

Prangg...prung...pranggg...prunggg...gua di dapur sendirian, sebab bibik gua bercuti hujung minggu.....maka jadilah kari ikan terung.......nampak tu...berminyak....pekat.....berkilat....perghhhh........ hingga menjilat jari..gua cakap lu.....

Kari ikan dan sayur terung.....makanan kegemaran laki dan anak gua....

Di temani bersama sayur masak sos tiram.......yummy......gua suka kalau sayur ni tidak dipotong kecil2....biar dimasak panjang2..potong 2 jak..tapi memandangkan ada si kecil yang ikut makan, jadi terpaksa la dipotong pendek2.....takut jgk gua anak gua tu tercekik sayur.......maklum la, gua kan cantik dan gebu.....uiiksssss.....

Nampak sayur tu...... sayur taiwan masak sos tiram....

Makan bersama ikan masin (dalam botol) yang digoreng sedikit garing dan disirami dengan limau kasturi dan didandan bersama lada padi yang dipotong kecil.....aisemen....macam mau menitis2 sudah air liur gua ni tau.....

Bukan makan di hotel jak ada pencuci mulut tau.... sebagai penutup makan dan sebagai pemanis mulut, gua sediakan papaya potong.....

Ini adalah pinggan kepunyaan gua.....nasi yang dilimpahi kuah kari, ikan dan terung serta sayur..... diselang seli makan bersama ikan masin.......

Tarraaaaa.........selesai!!!!!

p/s: patut la anak gua bilang badan gua ni sedang2 saja....warghkakakakakaka.....sendiri masak sendiri sedap......

p/s : buat sahabat2 ku sekalian, walaupun gua tidak apdet blog tapi gua tetap blogwalking di blog kawan2 semua yer...cuma tidak berkesempatan untuk meninggalkan jejak.....

Malam ni mau masak apa pula........*sambil tinguk langit...... opssss siling ofis sebenarnya*..........

Puan Saiman 'signning off'.....

Marah ka tidak??

2011-02-07T11:17:00.004+08:00

Kalau gaya urang begini.....

1) Kamurang sedang berbaris di kaunter...tiba2 ada seorang nenek tua berumur lebih kurang 70 atau 80 tahun di hadapan kamu...memotong barisan, yang sepatutnya giliran anda membayar. Nenek itu cuma membawa sepaket sayur dan se'pek' telur ayam (10 biji). Kamurang hanya membiarkan nenek itu. Biasalah orang baik hati macam gua kan.... sedang nenek itu membayar, tiba2 datang seseorang oh bukan seseorang tapi 2 orang yang masing2 membawa seorang satu troli..troli yang penuh. Oh mereka memotong barisan. Rupanya mereka adalah anak2 atau mungkin cucu2 kepada nenek itu. Sakit hati betul. Kalau la kamurang, marah ka tidak...? Oh gua...gua kan cantek dan gebu...gua indak marah, sebab mungkin durang sangka gua ni Miss World tahun lepas....motto gua 'hormatilah orang tua dan jagalah alam sekitar' dan biarkan mereka membayar dahulu, walaupun bertroli2....

2) Anda berada di lorong sebelah kiri. Anda sedang mengikuti kereta di hadapan anda. Kereta di sebelah kanan anda banyak dan memotong anda dengan laju. Anda tiada kesempatan hendak memotong. Kereta di hadapan anda pula membawa 40 km/j. Sedangkan ketika itu anda berada di 'jalan besar'. Anda berkesempatan memotong. Bila anda memotong dan melihat kereta yang dibawa dengan perlahan, kelihatan seseorang sedang memangku anak diPANGKUAN sambil memandu. Anak tersebut pula masih kecil. Dan anak itu juga sedang memegang stereng kereta. Kalau begini kamurang marah ka tidak.....Bah, jawab la sendiri ah...

3) Anda berada di lampu isyarat. Lampu merah. Semua kereta berhenti. Tiba2 kereta di sebelah kiri anda membunyikan honk. Bunyi honk pula sangatlah menarik perhatian. Oh rupanya budak2 dalam kereta tersebut sedang membunyikan honk. Bila anda melihat kereta di hadapan anda. Kelihatan melalui cermin hadapan kereta tersebut, pemandu tersebut merenung tajam ke arah anda. Begitu jugak penumpang kereta tersebut. Balik2 melihat anda. Oh ya, bukan sebab anda cantik atau gebu macam gua, tapi mereka menyangka anda meng'honk' kereta anda. Jadi apa kamurang rasa.....jangan jawab rasa 'oren' kerana jawapan tersebut tidak dapat diterima.....

Ok, stop!!!!

Ini pulak cerita kelmarin. Lepas anak gua selesai praktis boling, laki gua bawa gua anak beranak berjalan2. Bukan jalan2 cari pasal, tapi jalan2 sampai sakit kaki...ketika duduk makan di p-za....

Gua : Abang, bulih ka mama tanya sikit...

Anak gua : Bulih, apa tu ma....(sambil tinguk gua)

Laki gua pun tinguk gua....

Gua : Mama cantik ka <---- gua mimang cantik sebenarnya, tapi saja la kan....

Anak gua : Cantikkkkk......

Gua : Wahh!!!! Tq abang....errr....mama baik ka...

Anak gua : Baikkkkk betul....(terus anak gua tinguk papa dia)..Pa, mama baik kan.....

Laki gua senyum jak sama gua....<---huh!!! berani dia buka mulut....<---ya kawan2, ada unsur2 'kejahatan' di sana.....

Gua kembang sudah ni, sekembang bunga seri pagi la......muahahahaha

Gua : Satu lagi last mama mau tanya, tapi mesti jawab betul2 ah...

Anak gua : Ok, tanya la...

Gua : Mama ni kurus ka gumuk.....

Anak gua : Errr.... bulih ka kalau jawab lain2...

Gua : Bulih....

Anak gua : Sedang-sedang......

Warghkakakakakkakakakaka......jadi sempena tahun 2011 ini dan sempena Menyambut Tahun Arnab ini, gua ingin memaklumkan bahawa gua kini Tahap lemak tepu gua adalah SEDANG-SEDANG.....warghkakakakakakkakakakaa.......dan oleh kerana pujian itu, gua telah membelikan anak gua sepasang t-shirt BUM........

Nota utk laki gua : Pa, kalau papa terbaca ni post, jgn berani2 bagi komen atau membuat senyuman makna kalau di rumah. Kalau berani juga buat...1 bulan makan di kedai. Me....MOGOK masak....

Ya, gua serius, sila percaya...

Ehemmmmm.......

Puan Saiman 'signning off'